الــتمني
20-01-2022 - 01:12 am
السلام عليكم ورحمة الله وبركاته
اشكركم على المساعده والرد على استفساراتي بموضوعي الاول واسمحولي كتبت موضوع جديد عشان الكل ينتبه ولانه يختلف شوي عن الاول
حجزت على الخطوط السعوديه
من الرياض الى جنيف بتاريخ 2 يوليو 2011
والعوده من باريس الى الرياض بتاريخ 21 يوليو 2011
بصراحه ندمت اني حجزت لمدة عشرين يوم تمنيت اني نقصت منها شوي لاني حسيت ان التكلفه مرا بتصير غاليه
بس الله يسهل وييسر
حبايبي الله لا يهينكم اللي ابي الحين مخطط كويس من نقطة وصولي الى نقطة العوده لاني بصراحه اول مرا لاوربا اسافر ومو عارفه وش الافضل والاجمل
واللي اعرف اني اتمنى ازور بيت هايدي وجبال الالب واسكن ببيت ريفي بانترلكن وازور دزني لاند ونفسي بالبندقيه وبس مو عارفه كيف ارتب المدن وكم المسافه وهل استطيع او لا
والله يجزاكم خير حطولي التكلفه
الطيران بيكلفني 5900 طبعا لشخصين ورضيع
الفنادق : اجهل فنادق اوربا لكن ماعندي مانع اسكن باي شيء بس يكون امان ونظافه وودي ببيت ريفي لو يومين
ايجار السياره : ل 2بالغي و طفل رضيع
من قرات للمواضيع وكذا ملت اني اول مااوصل راح اكون بجنيف لمدة 3 ليالي قلت مايستاهل اني استئجر من البدايه هل تفكير سليم اما لا
ولو اخذتها من ثالث يوم لي بسويسرا الى اليوم اللي اوصل فيه لباريس تقريبا 11 يوم وافكر اني الايام اللي بقضيها بباريس ماتكون بسياره شرايكم يعني لما اوصل على طول اسلمها ..
هل باريس تحتاج التنقل بسياره او اكتفي بتكاسي والمده اللي حاطتها ببالي اني بقضيها بباريس 7ايام
القارمن : 1200
المصروف اليومي : ؟؟؟؟؟
ماتهمني الفخامه سوا بسياره او الفنادق الاهم عندي الامان والنظافه يعني ابي ارخص واوسط الاسعار والله يسعدكم
وتكفون ردووا لي قبل لا يحين وقت قص التذاكر لان لازم اححد ميزانيتي والتكلفه وبعدها اشوف هل سفرنا بيتم او بيتكنسل
وارجووكم سااعدوني والله لادعي لكم بظهر الغيب
اقترح
جنيف - انترلاكن - رست - باريس (تستبعد البندقيه لبعد المسافه وكونها في اتجاه اخر )
استلام السياره من مطار جنيف الجانب الفرنسي والسكن في الضواحي الفرنسيه المحيطه بجنيف لرخص السكن وبعده عن الزحام
تسليم السياره في محطة القطارات في ستراسبورق والتي تبعد عن رست (اليوروبارك ) 60 كم تقريبا ثم ركوب القطار الى وسط باريس وتحديدا paris east