متيم الرياض
03-05-2022 - 07:56 am
بسم الله الرحمن الرحيم
انا ناوي ان شاء الله اسافر باريس انا وزوجتي اجازتي 15 يوم وناوي اقضي من 4 الى خمس ايام في باريس هل هي كافيه ؟ او ازيدها او انقصها ابي شوركم
لان ودي اطلع على انترلاكن وبعدين على فينيسيا وميلان وروما لان العوده من هناك ابي تقسيم ايام كويس لكل مدينه
بالنسبه للسكن انا محتار مره ودي أحجز عن طريق موقع بوكينق بس المشكله ماعندي اي خلفيه عن المناطق الكويسه في باريس
ابي اوتيل نظيف ومرتب ومكانه كويس ومايكون غالي ويستحسن لو كان جنبه محطه مترو
لان ماراح اكون بالاوتيل الا وقت النوم فقط ان شاء الله
وناوي ان شاء الله اروح ديزني لاند هل يكفيها يوم اروح بالميترو وارجع او الافضل اسكن هناك ؟
اذا الافضل اسكن ياليت برضو ترشحون لي اوتيل كويس ومرتب وسعره معقول
واذا موجود خريطة المترو مترجمه بالعربي اكون شاكر لكم لو تنزلونها لي
بالنسبه للحي اللاتيني عباره عن ايش بالضبط ؟
وياليت لو تحطون لي جدول مقترح بافضل الاماكن اللي تستحق الزياره في باريس
وابغى اسأل بعد هل يوجد قطار بدون تبديل من باريس الى انترلاكن ؟ وكم مدة الرحله ؟ وكيف يتم الحجز ؟
معليش طولت عليكم بس ابيها تكون سفره مثاليه
1- بما انها اول سفره احسن سكن في منطقة الشانزليزيه بحكم انها الاقرب من كل شئ
وفيه منطقه حلوه وراقيه عند اللادفانس وفنادقها حلوه بس بعيده تحتاج الى مترو اغلب الاماكن
2- في الشانزليزيه فنادق 3 نجوم نظيفه واسعارها حلوه وترا اغلب فنادق باريس ضيقه فلاتتوقع غرف وسيعه ابدا
مثل Best Western Bassano
و le Belmont وهذا سكنت فيه العام وكان حلو وفيه خيارات كثيره غيره
وفي اربع نجوم مثل warwick و chateau وpowers و california وamarante كلهم ممتازين وجنبهم محطة
المترو شيك الاسعار في هالموقع وقرر حسب ميزانيتك والموقع جدا رائع يعطيك خيارات الفندق في كل مواقع الحجز
http://www.hotelscombined.com
4- ديزني يمديك تروح وترجع بنفس اليوم باستخدام rer A الاحمر بس اطلع الصباح بدري حول 9
5- المترو جدا سهل والخريطه حقته واضحه تحدد اسم المحطه اللي بتنزل فيها ومسار المترو اللي يمر في هالمحطه
6- الحي اللاتيني حلو للتمشيه والعشا او الغدا حي شعبي كله مقاهي ومطاعم وقريب منه كنسية نوتردام المشهوره
7- افضل الاماكن في باريس تقريبا غطيتها في سفرتي الاخيره تقدر تشوق تقريري بالتوقيع وترتب جدول يناسبك
8- من باريس الى انترلاكن ماعندي فكره بس ادخل موقع القطار وشوف المسار والسعر
اتمنى اني قدرت افيدك واي سؤال او استفسار حاضره بس نصيحه مني واعتبرها لقافه لاتروح ايطاليا
ماتسوى والله وصخه وشعب همجي ومافيها شئ وحاره ... اذا تبي خيار ثاني عندك مدن المانيا كل وحده تقول انا
وسوري مره ثانيه لو تدخلت بشئ من خصوصياتك .. بالتوفيق