بما أنك حجزت خلاص توكل على الله
فنادقك فنادق إقتصادية مستواها متوسط
ماعدا فندق الصن وي لاقون يعتبر ممتاز

هلا حبيبي المغادرون 2007
انا لسى ما حجزت انا حجزت حجز مبدئي ورايكم يهمني
فابي رايك فيهم يعني اقدر اغير هالفنادق خصوصا اذا ماهي كويسه ولاتنفع شهر عسل
وعموما ياقلبي بقولك حاجه انا ميزانيتي ماقدر ادفع للفندق اكثر من 500 ريال اذا فيه غيرها وحول سعرها
افدني لاهنت ولك كل الشكر
واتمنى انك تفيدني بخصوص اسعر هالفنادق لاني خايف تكون غاليه ومضحوك علي

ولا يهمك حبيب قلبي نواف ابشر
بما أن الموضوع قابل للتفاوض خلني أعطيك رأيي
أول شيء توزيع الأيام
يوم واحد لسلانقور مايكفي لأنه تعرف يوم واحد إش معناه؟ معناه أنك راج تصل
من السفر مرهق وتروح على الفندق على العصر تطرح رأسك وتنام ويمكن تخرج تتمشى وتتعشى بالليل وترجع
ثاني يوم تصخى على الساعة 9 تنزل تفطر وتلف لك ساعة حول الفندق وترجع تلم العفش علشان تخرج ..
شفت كيف أنك مالحقت تسوي أي شيء ؟!!! لذا لابد من ليلتين على الأقل
وأيضاً بينانج 4 أيام عليعا كثير بالنسبة لواحد مدته قصيىرة مثلك لذا أقترح عليك إعادة توزيع الأيام كالتالي :
2 سلانقور - 3 بينانج - 2 كاميرون - 5 كوالا
وبالنسبة للفنادق تفضل
سلانقور : فندق صن وي لاقون بيرميد
2 * 540 = 1080 رنقت
بينانج : فندق فلامنقو غرفة ديلوكس مطلة عالبحر
3 * 248 = 746 رنقت
كاميرون هايلاند
فندق دي لي فرانس غرفة ديلوكس
2 * 228 = 456 رنقت
كوالا : فندق بيكولو على شارع العرب غرفة ديلوكس
5 * 341 = 1705 رنقت
الأسعار شاملة الضرائب + وجبة الإفطار مجاناً
المجموع = 1080 + 746 + 456 + 1705 = 3987 رنقت = 4705 ريال
إش رأيك ؟

حبيبي المغادرون
حلو جدا هالاسعار بس وين احصلها انا ماحصلت هالاسعار في المكاتب السياحيه برى ولاتقول لي احجز عن طريق الفيزا ماعرف ابد ومابي احجز ابي حجزي يكون اوكي من الرياض والفوتشرات معي من الرياض
كيف احجز في هالاسعار وفي هالفنادق ياغلاهم
وبعدين رحلتي في 8/4/2011 العوده في 20/4/2011
افدني ياغلاهم لازم اتواصل معكم وراح ادعيلك

والله يانواف أنا حاليا في فندق فلامنجو بينانج والفندق سيء وجاب لي القرف في حياتي وندمت إني حجزت فيه
أولا كثير الحشرات
ثانيا حاطين تحكم الكهرباء في طاولة مجرد ماتتحرك الطاولة يطفي كل شي بالغرفة
ثالثا أمس ماقدرت انام لأنه مسوين حفلة غنائية عند المسبح والغرفة حقي مطلة عالمسبح والبحر
وأكبر مصيبة حصلت لي إنياكلت اليوم في الفطور مارتوديلا وعجبني طعمها ولما رحت آخذ ثانية قال لي شاب سعودي إنها لحم خنزير و المشكلة مهم كاتبين إنها لحم خنزير
وهناك كثير من العيوب في الفندق راح أذكرها في تقريري عن الفندق

نواف الشوق 888
هذي الأسعار من مواقع الحجز من الإنترنت في نفس فترة سفرك
وإذا أردت الحصول عليها لابد أن تحجز عن طريق الإنترنت
كل اللي يلزمك بطاقة إئتمانية وشوية معرفة باللغة الإنجليزية
تفضل أدخل هنا
http://www.agoda.com

اكثر مواقع الحجز بالعربي واهمها ايضا
بوكنج
اسيا ترفل
اقودا
فقط حدد اسم الدولة والمدينة وتاريخ الدخول والخروج وربي ما فية اسهل من حجز النت
http://www.agoda.ae/

مستر عمر خوفتني من الفلامنجوو ..
المغادرون بحجز عن طريق مكتب ماعرف عن طريق الفيزاء بس بسالك عن الكاميرون شنو رايك فيها والا لنكاوي احلى
وبعدين شنو رايك في الفلامنجو في بينانق

إذا ما تعرف عن طريق الفيزا والإنترنت بعطيك طريقة تفيدك
أول شيء حدد الفنادق الزينة اللي تناسبك من ناحية السعر والمواقع
واكتب اسم الفندق ونوع الغرفة والإطلالة وسجل في كل مدينة أكثر من إختيار
ثم خذ الورقة ورح للمكاتب السياحية وقل لهم أبغى تحجزون لي على هذي الفنادق
بنفس نوع الغرفة والإطلالة تماماً ثم شوف بكم يحسبونها لك وخذ وأعط معهم مقارنة بالأسعار اللي راح تتعرف عليها من هنا
بهذي الطريقة تضمن أنهم مايلعبون عليك ولا يأخذون مكاسب كبيرة.
أما عن أيهم أفضل لنكاوي أو كامرون؟ الجواب لا مجال للمقارنة بينهم لنكاوي جزيرة وسط البحر
جميلة وهادية وفيها نشاطات سياحية رائعة وأمطارها مستمرة معظم الوقت
أما كاميرون فهي مدينة جبلية مرتفعة عن سطح البحر وجوها بارد والأكمطار كل يوم
تمتاز بطبيعتها الخلابة ومزارع الشاي والزهور والفراوزلة ومناحل العسل
لكن مشكلتها ليس فيها مطار وطريقها جبلي وعر مسار واحد متعرج مثل طريق الهدا القديم
أما فندق فلامنقو في بينانج فلم أجربه شخصياً ولكن من خلال تقارير الشباب أنه فندق جيد يصلح للشخص
اللي ميزانيته على قده أما إذا عندك مجال في الميزانية فأنصحك بغيره مثل بارك رويال أو أقل منه بي فيو بيتش
اتمنى أن أكون قد افدتك