درر2008
07-10-2022 - 10:39 am
السلام عليكم اخواني واخواتي الاعزاء
طلبت مشورتكم من مده وما قصرتو
والحين طالبتها مره ثانيه وسامحوني اذا ثقلت عليكم
الموضوع: جوله اوروبيه
ان شاء الله بنسافر بعد 3 اسابيع بأذن الله تعالى وسويت شبه جدول لبعض دول اوروبا
العدد انا وزوجي الله يخليه لي وكتاكيتي الاثنين الله يحفظهم 3سنوات و5 سنوات
المده 40 يوم ان شاءالله تعالى
ابي رايكم ومشورتكم في الجدول اللي سويته من اختياري للدول وعدد الايام والمواصلات
فياريت اتساعدوني اذا في اي خطأ وتنصحوني لان للعلم احنا اول مره بنروح فيها اوروبا
والتكت بكون ان شاءالله دوحه ميونخ دوحه
الدول اللي تم اختيارها هي:
المانيا/ النمسا/ ايطاليا/ فرنسا/ هولندا
الجدول كما يلي:
اول يوم الوصول لميونخ والمكوث ليله استاجار سياره
والذهاب لفيننا المده 3 ايام
ثم الى سالسبورغ ومانقعد فيها بس نتمشى والذهاب لزيلامسي ونقعد 4 ايام
ثم الى فينيسيا الايطاليه ونقعد 4 ايام
ثم الى ميلانو ولوجانو ونقعد في ميلانو 5 ايام لوجانو انروح لها بنفس اليوم ونرجع على ميلانو المده 5 ايام
وتسليم السياره في ميلانو مدري اذا يصير او لا وحجز طائره والذهاب لباريس المده 5 ايام
ثم بالقطار من باريس الى امستردام ونقعد فيها 5 ايام
ثم بالقطار من امستردام الى فرانكفورت ونقعد 4 ايام
وبعدين نبي نروح لليوروب بارك اعتقد نطلع لها من مدينة ريست بس مادري نطلع حق مدينة ريست من فرانكفورت او من ميونخ افضل لان باقي المده نبي نقضيها في اليوروب بارك وميونخ
ايش رايكم في الجدول وساعدوني في تصحيح اي خطأ انصحوني
ولكم مني جزيل الشكر
حاولوا تقللون المدن اللي مو لازمه و تقعدون اكثر مدة في المدن الكبيرة مثل ميونخ و فينا و باريس و امستردام , و هذا الكلام صراحة اقوله لكم عن تجربة مرت معنا . .
اتمنى لكم رحلة سعيد ان شاء الله