السلام عليكم و رحمة الله
إجازه سعيده مقدما في ربوع تايلند
و أنصحك فيها بشده تقسم أيام إجازتك بين بوكت ((رحلات و مغامرات و طبيعه )) و شنغماي ((طبيعه خلابه و جو سبحان
الخلاق)) و بانكوك عشان متعة المدام بالتسوق
7 أيام بوكت و 3 أيام شنغماي و بانكوك 6 أيام مابين تسوق و رحلات (((((حسب مدة إجازتك)))))
ومن ناحية الأمان فالديره أمان و أهم شي إنك ما تسيئ لاحق ديانتهم البوذيه ولا للملك أو أحد من الأسره المالكه والشعب بشوش ودائما تجدهم مبتسمين
ونصيحه إبتعد عن المناطق إلي فيها عرب((نانا)) و (( سوكومقيت))لأن المنطقه وصخه وفيها مناظر لاتليق بنا كمسلمين
وعرب و أنصحك بالسكن في نوفتيل سيام سكوير في ((بانكوك)) بمنطقة سيام سكوير منطقه راقيه ومافيها عرب وكل
المجمعات وألأسواق حواليك و نوفتيل ((بوكت)) نفس المستوى و الخدمه بالفندقين فوق الممتازه ****نجوم
ومن ناحية السعوديين والفيزا ما فيها مشكله و عندك أخونا فيصل تقريره مثبت في صفحة التقارير المصوره يقدر يفيدك
وترى وايد من إخوانا السعوديين يسافرون و يستانسون ..
وإترك عنك ماليزيا لأن تايلند أرخص منها و الله يهنيك وتروحون وتردون بالسلامه
إختك / أم عبدالله

و علكيم السلام
الشامخ

الشامخ
أخوي توصل بالسلامة
ورحله سعيده ان شاء الله
انا والمدام الان في بانكوك
والله ماشفت شيء يعكر مزاجي
موجود كل شيء بس انت وش تبي تشوف
اذا انت من الاشخاص الذين يؤمن بكلمة ياغريب كن اديب
أكيد بتستمتع في الاجازة والبلد أمان انا اقول من 7 صباحا الى 12 مساء
لاتحاول تظهر جنسيتك للاخرين .
اهم شيء معك حجز ذهاب وعوده وحجز فندق لمدة ثلاثة ايام الاولى
بعدها خطط على راحتك ماذا تريد واين تذهب استخدم التكسي بعائلتك أفضل
لازم تعرف كم تصرف في اليوم (بصراحه مصروف اليوم أقل شيء 200 دولار يوميا)
السبب ام العيال الله يخليها هناك الكثير من المغريات ولاتنسى شريحة الجوال
لاتنسى تاخذ بطاقة فيزا او ماستر كارد لحجوزات الفنادق فقط فقط فقط
خذ معك دولار مقبول في اي مكان والديره امان والبسالبس اللي يعجبك
ما احد من ابناء البلد يزعجك ؟
اسف على الاطالة
والمنتدى بصراحة مهم جداً ؟

لولو74
مشكورة ما قصرتي على التوضيح

الشامخ
حاضرين للطيبين

أبو حمد
مشكور يا ابو حمد للتوضيح

صابر
ترجع بالسلامه ان شاء الله
ورحله سعيده
طيب سؤالي انت سعودي ؟
هل سافرت بتصريح ولا لا وكيف اقدر احصل على التصريح ؟

الشامخ
والله سعودي وانا مافكرة في اخذ التصريح نبي نتونس انا والمدام واذا رجعنا لها الف حلال
التصريح من سنوات وانا افكر في الحل ولم اجد سوى الذهاب وعند انتهاء الجواز نجددهعن طريق احد المكاتب المدعومة والله يستر انا سكنت اول في رويال اوركيد شرتون على النهر حلو للعائلة وهادي وهناك مجمع الرحلات البحريه بس الاسواق يبي لك تفكر
اما تقطع النهر باتجاه الهلتون بمايعادل ريالين انت والمدام والمسافة اقل من ثلاث دقائق فهناك سوق
ابو ريالين وعشره وعشرين وهلما واما تاخذ الباص من جانب الفندق لاسواق mbk وطوكيو وسعر الباص ثلاث ريال للشخصين تقريباَ والمسافة خمس دقائق او بالتكسي 70تايلندي .
انا اقول لو تسكن وياي في ندق اماري وترغيت حلو كثير كل الاسواق بجانبك والفندق طيب وامان خمس نجوم والحجز عن طريق النت او من الفندق ب3090 تايلندي +812 للفطور للشخص
والله يسر لك خير الديره امان بمعنى الكلمة
اما شارع العرب والله ماجيته ولافكرة ازوره
الافي حالة العفش الزائد
والله يسهل انا حاجز على الملكيه الاردنيه
وسعرها شوي وخدمات الطيران السعودي والاماراتي والخليجي
بوجه عام هم الافضل للطيران نظرالطول المسافة.

تايلند ممنوعة من السفر لها
وأنا صراحة سافرة لها ولم أواجه مشاكل طبعا المشكلة بتكون وقت تجديد الجواز فقط . بالنسبة لي جددت الجواز بدون مشاكل لأن الموظف ما فتح الجواز عشان يشوف الختم حق تايلند بس أخوي يوم جدد الجواز حولوه للتحقيق ودفع غرامة مالية
التصريح أذا لكم احد في الغرفة التجارية يقدر يعطيكم ورقة تحتفظوا فيها الى أن يأتي تاريخ تجديد الجواز واذا الموظف شاف الختم طلعله الورقة وأذا ما شافها لا تفتح الباب على نفسك وما أدري أذا عندكم سجل تجاري اذا فيه سجل تجاري الورقة بتكون سهلة جدا لأستخراجها من الغرفة التجارية وأذا ما فيه سجل تجاري شف لك اي احد تعرفه في الغرفة التجارية ويعطيك الورقة
مع التحية