.عطر الورد.
21-10-2022 - 09:13 am
السلام عليكم ورحمة الله وبركاته
بدخل بالموضوع على طول ابي اسافر لماليزيا بالصيف انا وزوجي واطفالي ثلاثه
( 9 سنوات - 7 سنوات - 9 اشهر ) ومحتاره اخذ الشغاله معي او لا
ابي تساعدوني لاني اول مره اسافر لماليزيا بالنسبه للتذاكر الدوليه والداخليه والفنادق بحجزها عن طريق مكتب
الطيار ادري اسعارهم غاليه بس اضمن اخاف اخطي بالحجز من النت
وعندي سؤال اللي مايعرف انقلش يقدر يمشي حاله هناك والا لازم يكون عنده لغه
تاريخ الرحله 4 / 7 الى 19 / 7 يعني مدة الرحله 14 يوم
المدن اللي ودي ازورها :
كوالالمبور ومنها على جنتنق - الكاميرون - لنكاوي - سيلانجور ومنها على مدينة صنواي لاجون - بينانج
يعني جنتنق ومدينة صنواي لاجون ابي بنفس اليوم اروح وارجع ودي بعد اروح افاموسا مادري من وين بالضبط اطلع لها
وكل مدينه ابي اقعد فيها يومين ماعدا كوالالمبور 6 ايام مادري كذا توزيعي صح او لا
ودي اسأل عن الكاميرون يومين اقضي فيها او يوم يكفيها واخلي سيلانجور 3 ايام
ابي احد يساعدني بتوزيع الايام وابي ارخص الاسوا ق ويكون التسوق بالايام الاخيره من الرحله عشان نقل
الاغراض وودي ازور اغلب الاماكن السياحه والمطاعم المشهوره والاسواق اللي تستاهل الزياره مابي اضيع
وقت يمكن ماروح لها مره ثانيه
ساعدوني بترتيب الرحله وذكر الاماكن اللي اروح لها كل يوم بيومه واكون شاكره لكم
اول شيء. وش تبين بالشغاله خليها في بيت اهلك. وبعدين ليه تحجزينها من الطيار وعندك النت موجود كل شيء والله غلطانه
كوالالمبور 2 يومين في صن واي لاقون
وبعدها لنكاوي 2 يومين لو تاخذون في لنكاوي لاقون حلوو
وبعدها بينانغ عن طريق السفينه تجلسون 3 ساعات ول طياره 30 دقيقه وبارك رويال لا تتعدونه حلو وبوفيهم افطار روعه
وبعدها ارجعوا لكوالالمبور عندكم خيارين سياره 4 ساعات ومناظر طول الخط ول طياره
كوالمبور والله ما ادري وين تبون تحجزون فيه لاني قد سكنت في المندرين اوريتنتال بس ماظنتي انه رخيص
اتمنى لك التوفيق
اخوك
عبدالله*