ينقل لقسم الاستفسارات ,,,

شكرا اخوي
ياليت القى اجابات على أسئلتي

لعلي اجيبك بدل المشرفين
لان ما اظن عندنا مشرفين بهذا القسم
وان شاء الله بعد عودتك من كوريا يكون كسبت خبرة ونزكيك مشرف
اولاً: ما ذكرت عددكم
ثانيا: ما ذكرت كم المدة
ثالثاً: محددت تاريخ الذهاب والعودة
رابعاً: حدد لي الحد الاقصى لسعر الفندق بالليلة وحدد غرفة او غرفة وصالة
خامساً: حدد لي اكثر شيء تهوونه
مثلاً طبيعة ام اسواق ام شواطي
كذلك حدد لي نوعية الاسوق كاسواق ملابس او اكسسوارات او شنط او او او

اولاً: ما ذكرت عددكم
بالغين و طفلين
ثانيا: ما ذكرت كم المدة
7 ايام 4 ايام سيئول 3 ايام جيجو
ثالثاً: محددت تاريخ الذهاب والعودة
الذهاب 25/7/1435ه و العودة 3/8/1435ه
رابعاً: حدد لي الحد الاقصى لسعر الفندق بالليلة وحدد غرفة او غرفة وصالة
0ريال كحد اقصى قريب من المطاعم العربية
خامساً: حدد لي اكثر شيء تهوونه
مثلاً طبيعة ام اسواق ام شواطي
الطبيعة ومدن الالعاب
ما نبي سوق طال عمرك

7 ايام 4 ايام سيئول 3 ايام جيجو
على حسب معرفتي بان مطار جيجو لا يوجد به رحلات دولية لدول عربية
هذا ما اعرفه اذا فيه رحلات برنامجك حلو
لكن اذا ما فيه رحلات
فبرنامجك بيكون حوسة
لانك بتجلس 4 ايام بسيول ثم 3 ايام جيجو ثم تضطر ترجع لسيول وبنفس الوقت تركب الطائرة وترجع لدولتك
وكذا بيكون مرهق لكم
اقترح برنامجك يكون
2 سيول
3 جيجو
2 سيول
واذا قدرت تزود ايام من 7 الى 10 افضل خاصة وان معكم طفلين
لان كوريا تحتاج مشي كثير
والاطفال بيلخبطوا برنامجكم بكثرة وقفات الراحة
يعني سيول تحتاج اقل شيء 6 ايام
0ريال كحد اقصى قريب من المطاعم العربية
مبلغ ممتاز
وليت تذكر لي اعمار الاطفال حتى احدد لك الفنادق مع اسعارهم
الطبيعة ومدن الالعاب
حلو
الطبيعة بجيجو
الالعاب
عندك مدينة ايفر لاند وتحتاج يوم كامل

طيب طيب
بالنسبة للطفلين 6 و 4 سنوات
و بالنسبة لبرنامجك حلو حبيته
كمل حبيب قلبي

من ناحية الفندق عندك هالفندق ويعتبر من افضل الفنادق
https://www.booking.com/hotel/kr/fraser-suites-insadong-seoul.ar.html?aid=1300939
طبعا اذا بغيت تحجز من سيول اختر مطار جمبو gimpo الى jeju
لي عودة مرة ثانية لاستكمل الباقي

انتظرك اخوي
لأنه ممكن أعدل التواريخ بس ابي اخذ فكره اكبر