أخوي اللغة وإن كانت شي مهم إلا أنه أهم شي اليرعة (الشجاعة) والامور الاخرى عادية

ممساح
تسلم يالممساح
بانتظار الاخوان ولا خوات

هلا أخوي
توكل على الله ولا تشيل هم....أصلا في باريس نادر ماتلقى اللي يتكلملك إنجليزي يعني سواء كنت فلتة أو على قدك في الانجليزي الحال واحد
أنا كنت في باريس نهاية يوليو ...بس اللي يشتغلون في الفندق يتكلمون انجليزي وبعد على قدهم
نصيحتي لك... اكتب الأماكن السياحية اللي حاب تزورها بالعربي والانجليزي وخليها دايم معاك وكل ماتريد تروح مكان افتح الورقة وأشر على المكان وبيدلونك عليه بالإشارات...
أنا في البداية كنا وايد مستصعبين المترو ...من أول ماوصلت خذت خريطة من الفندق بس كانت صغيرة فرجعت خذت وحدة ثانية من محطة المترو كانت أكبر وأوضح بس أأشر لهم على اسم المكان ويخبروني كيف أروح
وعلى آخر فترة صرنا تمام بروحنا نعرف نحدد المسار بعدين أتأكد و أسأل أي أحد أشوفه في المحطة ويأكدولي
أحلى مافي الشعب الأوروبي إنهم يساعدون
لاتشيل هم وإن شاءالله تنبسطون بسفرتكم

مسافرة خليجية
الله يعطيك العافيه اختي خليجيه
يعني اهم شي اخذ خريطه من الفندق وتكون معاي على طول
او اكتبها بورقه اي وحده فيهم ..
ماعليش ابتعبك معاي شوي
ولو بغيت اطلع لسويسرا بالقطار بواجه صعوبه
شاكر لك اختي

1. ببسي دايت

ببسي دايت

هلا أخوي ... لا مافيها تعب ...أفضل تكون معك ورقة فيها الأماكن السياحية بالعربي والانجليزي تكون مرجع لك + الخريطة... ولما تريد تسأل في محطة المترو افتح الخريطة دور على المكان ووريهم اياه وهم على طول بيخبرونك وين تروح... أحلى مافي باريس انه اماكنها السياحية معروفة فإن شاءالله مابتلاقي صعوبة.. ايفل اللوفر اللاديفانس ديزني كلها اماكن واضحة في الخريطة...فلا تحاتي لو صار وماعرفت تطلع المكان من الخريطة اسأل اللي بالفندق وريهم الورقة مالتك وهم بيساعدونك
بالنسبة للسفر بالقطار إلى سويسرا إن شاءالله مافيه صعوبة...تقدر تقطع التذكرة من الإنترنت أو من هناك مباشرة أو من مكتب سياحي في بلدك، أنا هالسنة طلعنا من باريس إلى جنيف بالقطار ، أخذت التذاكر من مكتب سياحي لأنه قيمتها وحدة فبالنسبة لي أحب أكون متطمنه ومعاي التذكرة ...كانت قيمتها 118 يورو لشخص درجة أولى ...لأني حجزتها متأخر... كل ماحجزت بدري بتكون أرخص أعتقد...
اسم المحطة اللي تطلع لجنيف Gare Lyon بس توصل فيه مكينة صفراء تدخل نهاية التذكرة وتختمها .. أنا ماكان عندي فكرة بس لقينا عامل مغربي في المحطة وهو ساعدنا وخبرنا عنها... وبعدين فيه لوحة كبيرة نفس اللي بالمطارات تنعرض فيها الرحلات لوين وأي ساعة ...وقبل الرحلة بربع ساعة تقريبا ينذكر مكان الرصيف" مثلا geneva رصيف G فتاخذ أغراضك وعالقطار اللي واقف في عند هالحرف... مدة الرحلة لجنيف كانت 3 ساعات و 25 دقيقة.... جدا الأمور سهلة بس أهم شي تروح المحطة بدري عشان ماترتبك
الله يوفقكم ولو عندكم أي استفسارات أنا بالخدمة

مسافرة خليجية
يعطيك العافييه اختى مسافره
راح اتعبك معاي شوي
ياليت تعطيني الاماكن الحلوه بجنيف مع الفنادق اذا ممكن