حكيم القلوب
11-12-2022 - 11:01 am
اناوصديقي بروح تايلند في تاريخ 11112010وبنرجع 21112010يعني
0ايام ولكن احنااول مرة نروح وقلنابنقعد هل 10 ايام في بانكوك ومانعرف
شي هناك وعندي كم سؤال وابي الي راح يفيدني واكون شاكرلكم
1-كم يبي لنافي اعتقادكم ميزانية حق عشرة ايام يعني كل واحد يصرف له كم
2-الفيزاناخذهامن هناك ولاهني وكم سعرهاهني في البحرين اذااحد يعرف واناجوازالسفر
مالي ينتهي شهر مارس السنة القادمة هل اجددهالان في بعض الدول لازم يكون على
اقل في جوازك صلاحية 6اشهر
3-واي الفنادق هناك احسن واذافي شقق بعد يكون احسن ويكون سعرهازين
4- اي احسن الاماكن الي في بانكوك من مجمعات وحدائق
5- كم تبعد بانكوك عن بتايايمكن نفكرنروح هل تروحهابطيارة لوبسيارة
6-وش لغتهم انكليزي ولايعرفون الينالان بيني وبينكم لغتناالانكليزي مولذاك الزود
واخيراارجوان تفيدوني رحم الله والديكم
بالنسبة للميزانية لعشرة ايام تكفي 500 دينار (5000 ريال ) لكل شخص دون احتساب التذاكر الدولية.
0ايام كثيرة على بانكوك انصح بتغيير جدول الرحلة خلها 6 ايام بوكيت و 4 بانكوك وطبعا بوكيت تحجز لها طيران داخلي وما راح يكلفك كثير في حدود 30 الى 40 دينار للشخص تذكرة مرجعة.
جواز السفر لازم يكون في اقل شي 6 شهور قبل انتهاء الصلاحية على اساس ما تتمشكل وترجع على اول طيارة !! انا صادفتني مشكلة ان جوازي ينتهي بعد 5 شهور ونصف وفي اخر لحظة جددته في المطار فبل السفر لسفرة وحدة.
الفنادق هناك بالهبل والاسعار حسب ميزانيتك تبدأ من 6 دينار بالليلة والى اكثر من 300 دينار .. وطبعا يفضا تسكن في فندق 3 نجوم او اكثر والسعر بيكون من 11 دينار الى 20 تقريبا .. ويعتمد على الموسم يعني انت بتروح في شهر 11 واعتقد محسوب هاي سيزون والاسعار ترتفع فيه،، انت حدد مزيانيتك وبنرشح لك افضل الفنادق.
احسن الاماكن في بانكوك :
وايد اماكن عندك -
1- ملاهي سيام بارك سيتي
2-ملاهي دريم ورلد
3-سفاري ورلد
4-سيام اوشن ورلد الواقع في مجمع سيام باراغون
5-وتقدر تشوف رحلات سياحية من المكاتب المنتشرة في كل مكان.
6- مجمع ام بي كي
7-سوق الاحد
8-الاسواق الليلية مثل سوان لوم و بات بونق
بالنسبة لبتايا تروحها من بانكوك بالسيارة تقريبا ساعتين او اقل بشوي حسب الازدحام ويفضل تتفق مع التاكسي يروح على الهايوي وتدفع الضرايب اسرع لك.
اللغة مو مشكلة لان التايلنديين بعد ضعيفين في الانجليزي يعني كم كلمة انجليزي تمشي الحالي مع الاشارات وخلاص ،، وفي السوق كاسرهم عن طريق الالة الحاسبة بتلاقي كل بايع عنده حسابة .