نابليونيه
19-12-2022 - 11:22 pm
السلام عليكم
ابي اسأل الحريفه فيكم عن سويسرا كم سؤال
السؤال الأول : انا ان شا الله ناويه على سويسرا بالصيف بشهر 8 وبغيت اسأل عن فندق حليو ونظيف قريب من الأماكن السياحيه وموقعه زين و كذلك سعره ماابي غالي ابي شي معقول بس اهم شي نظيف وتعامله زين مع الزباين
ثاني شي : هل بجنيف مكان للمشاه فقط على غرار ( حلوه غرار !!) يعني مثل شارع المشاه بفيينا مكان كله كافييهات ومكان شرح حق تمضيه اخر النهار
السؤال الثالث : ( جنه كثرت الاسأله ) هل جنيف مثل باريس الناس فيها ماتنام الا الفجر والا مثل فيينا الناس فيها الساعه ست كل واحد منخش ببيته ؟؟
ولكم جزيل الشكر
ملاحظه اذا جاوبتوا على اسألتي باحط لكم تقرير عن الدوله اللي باسافر لها ( رشوه )
اللي راح لباريس وبورتا بانوس (رحتهم وشفتهم) ويجي لجنيف غير اوقات الكرنفال يصاب بإحباط شديد
ولهذا السبب تجدين العوائل اللي تحب الرزة في صالات الفنادق والمشي ذهابا وايابا في مثل هذه المناطق تجدينهم موجودين وبكثرة في الفترة بين 1 و 14 اغسطس من كل عام في جنيف وعلى البحيرة وبالتحديد على جادة المون بلا
والناس بكيفها تعمل الي يحلو ويطيب لها لإنهم في الأخير ما في احد ضربهم على يدهم واجبرهم ان يكونوا في هذا المكان في هذا الوقت
يعني ولا تاخذين برايي وتسلمين فيه
وما ينفع ذي اسئلة سهلة
نبي اسئلة اصعب شوي
وعلى فكرة الموضوع راح نشيله من هنا
ونحطه في ساحة الإستفسارات بعد الإذن
تحياتي