بداية اخى الكريم اهنئك مرتان
اول تهنئة بمناسبة زواجك المبارك السعيد وثانى تهنئة بمناسبة رمضان كل عام وانتم بخير بخصوص احلى الاماكن الاخوة الاعضاء ماراح يقصرون وياك ان شاء الله
اما بخصوص حجز الفنادق فأنا بنصحك من خبرتي ما تحجز عن طريق مكاتب السياحة لانه راح ياخدون منك وايد افضل شىء واسهل وارخص تحجز عن طريق النت
يوجد مواقع كثيرة للحجوزات الفندقية على النت بس احسنهم وارخصهم موقع فندق دوت كوم كل اللى عليك انت تضغط على كلمة تايلاند http://www.fendeq.com/cities.php?countrycode=th&countryname=تايلاند وانت راح تدش على موقع الفنادق فى تايلاند اختار المدينة والتواريخ وراح يظهرلك بعدها الفنادق المتوفرة فى تايلاند وفى المدينة اللى اخترتها وكل سنة وانت طيب

مبارك عليك الشهر
ومبروك علي الزواج مقدما
بالنسبة للرحلة لازم تكون البداية
4 ليالي شنغ ماي - فندق d2 خوش فندق ونظيف وغالي بنفس الوقت
5 ليالي بوكت - فندق هوليدي ان بشاطئ البوتنق علي كيف كيفك
http://www.holiday.phuket.com/index.htm
3 ليالي بانكوك - عندك كذا فندق لاند مارك - نوفيتيل سيام - جي دبليو ماريوت
وهذا موقع لحجز الفنادق
http://www.asiarooms.com/
هذا الخطوط الداخلية في تايلند
http://www.bangkokair.com/
وهذا موقع ان شاء الله راح يفيدك بالعربي
: : رحلات تايلاند : : http://www.thai-trips.net/index.php
واي شي تبيه نحن بالخدمة
اخوك :- عبدالله الكويتي

اختيارك لتوزيع الايام ممتاز والمناطق الي اخترها احلى المناطق
بالنسبة عن تجربتي بما ان توني راجعه من تايلند الحبيبة
كنت في شنغماي فندق رويال برنسس هذا يميزه سعره الرخيص وموقعه ممتاز جدا في وسط السوق ويمك اغلب المطاعم وستاربكس وماكدونلز وبرجر جنج وغيره
اما في بوكيت تارا باتونج بيج وايد حلوو وسعره حده حلو بعد وهو اربع نجوم بس ستايله يديد
وفي فكرة لك اعطيك اياها كتغيير فكرة المسبح الخاص انصحك فيها بما انك معرس يديد
عندك فلل ماليسا Malisa Villas حلوة ستايلها مختلف عن الفنادق العاديه جو رومانسي اخر درجه وحتى سعرهم وايد زين تكون لكم غرفة ومطبخ وحمام ومسبح خاص لكم
يصلح ليلتين او ثلاث
بالقرب منه في مطعم دبي حلال واكله حلو البرياني لذيذ ماله مع الكااري
ويقع في منطقة كاتا بيتج الي هي في بوكيت وبعد يمه مطاعم سي فود انا عن نفسي كانو احلى يومين بسفرتي
وبالنسبة لبانكوك عندك فندق جراند ماجستك اذا تبي تسكن في نانا الي هو شارع العرب
او عندك زينيث بعد حلو ونظيف صج ثلاث نجوم بس عن تجربتي نظافه لاخر درجه
بس لان انا كانت ميزانتي فقط حق كل فندق بين 2000 إلى 2500 بات
لكن بالنسبة للمسبح الخاص اكيد الى الليلة طلعت علي طبعا مع الفطور لشخصين 60 دينار بحريني
حجزت من موقع اقودا وموقع هوتل ترافل
http://www.hoteltravel.com
اسعارهم كويسه واحيان يسوون لك عرووض وبما ان وقتك مناسب ليس في الهاي سيزون اتوقع الاسعار جيده
بالنسبة للرحلات عن تجربتي طبعا حجزنا من المطار لأن استلمونا قروب بس كان قروب محترم جدا صج تدفع شوي اكثر بس بعد كويسين حق مكاسر
بس يقولون ان المكاتب ارخص لكن مادري احس مارتاح لهم..احسهم عصابات مارتاح لهم يعني
وانصح يكون قروبكم عرب مو اجانب
لان حرمتك راح تتضايق منهم شوي

بارك الله فيكم ماقصرتو والله ... https://artravelers.com - عبدالله - ام فواز ... وبالمبارك ان شاء الله
والله يوفقك اخوي ... ويكتبلك رحلة شهر عسل حلوه

الله يعطيك العافية اخوي mikano والله يبارك فيك ماقصرت راح اشوف الفرق اذا كبير بحجز من النت ودمت بود
شكرا اخوي عبدالله والله يبارك فيك يعطيك العافية على المعلومات الحلوة وان شاء الله بستفيد منها
شكرا اختي - أم فواز- معلومات حلوة واكيدراح احتاج لك ياختي الغالية
شكرا أم منورة على ردك على الحلوين اللهم امين ويوفق الجميع بس ماذكرتي لنا شئ ترى مانستغني
يعني كلمة شكر شوية والله يبارك فيكم ونرد لكم بالافراح
اخواني بس انا فيه شئ محيرني كيف التنقل بين بوكيت وشنغماي ؟؟؟؟ هل عن طريق الطيران او عن طريق القطار واذا
كان عن طريق الطيران هل هناك دايركت ومع اي خطوط
ياحلوين ننتظر منكم الدعم والمزيد من المساعدة

التايلاندية فقط هي الي عندها رحلة دايركت سعرها اعلى عاد وفي رحلة باليوم بس جنه على الساعه 12 ظهرا بتوقيتهم

بس رحلة وحده مافي غيرها اما طيران اير اسيا مو دايركت ترجع بانكوك وتروح بوكيت وانا مانصح لان تعب وايد تعب انا مجربه يروح يومك كله

أختي أم فواز يعطيك الف عافية والله لي اكثر من اسبوع ادور
والحين الحمد لله لقيت بس من شنغماي الى بوكيت
فعلا التوقيت 12.30ظهرا
لاعدمناك ياختي الغالية
بس عندي سؤال الحين انا بوصل مطار بانكوك ابي وش الخطوط اللي في المطار نفسه يعني مابي اروح للمطار القديم عشان الارهاق
لاني قررت الحين اروح لشنغماي بعدين اطلع لبوكيت بعدين ارجع لبانكوك
وهل خطوط الاير اسيا يكون الاقلاع من نفس المطار
اتمنى المساعدة ياحلوين

كله نفس المطار في عشرين الف خطوط طيران بس انا انصح باير اسيا لانهم اسرع في الوقت وتوصل بسرعه كنك راكب باص وبتشوف انهم سهالات ماشاءالله واحجز من النت من موقعهم الخاص بهم واهناك مكاتبهم ياكثرهم في المطار وبتحس تمشي على البركة توكل على الله وراح تشوف ان كل شي سهالات من الله.. احنا اول مره نروح وكنا خايفين نضيع بس الحمدلله ماصادتنا ولا مشكله ولما تحجز قبل شهرين احسن تعرف ليش؟ عشان تحصل الكراسي الي جدام لان ورا راح تتغربلون شوي فاحجز بدري ولاتنسى بين كل رحله وثانيه خل لك بريك ساعتين حق الاجراءات والله يوفقكم وتكون رحلة سعيده واي استفسار انا حاظره لكم