أبو ديم ... تحية لك ...
يا ليت أقدر أوجهك في سيدني ... لكن
شف الأخت طيف الورورد ... تراه عارفة سيدني شارع شارع ....
تحية لك .

1. عندك اماكن كثيرة بس كم مدة الاقامة؟؟

مسافر متزن
:55654: :11sted_co :36_1_22:
كفش

عندك اماكن كثيرة بس كم مدة الاقامة؟؟

عندك الدارلينق هاربر بياخذ منك نهار كامل من تجربة الاشياء الموجودة هناك من سينما ثلاثية الابعاد وعالم تحت الماء وكل شيي كل شي راح تلاقية حولك و ممكن تاكل في احد المطاعم اللي هناك وتقدر تجلس لليل ولا جا الليل طقوا اللثام وعطوا الدرب اقصد روحوا تمشوا على الشوارع المشهورة الموجودة حل المنطقة واذا استمريتوا في المشي تلاقوا انفسكم في شارع جورج ستريت وماادراك ماجورج ستريت خاصتا لو كان في الويك اند او يوم الخميس,وبما انكم رجالة يعني مافيكم حرمة لا تخافوا من شي ماتخافوا ان احد الكرانين يتعرضكم او يكتشف هويتكم ,جرب حياتهم ليلة لاكن انتبهوا حياتهم بس بديننا يعني لاشرب ولا بصبصة هنا وهناك تعرفوا على ثقافتهم(اختكم جربتها وكانت بتموت من الخوف او مرة ليش الكذب كل مرة اخاف من سكران عابر او قارورة طايشة تستهدف حجابي مع ان الكل كان بحالة و لا حد يم احد .
ونفس الكلام السابق جربوة في منطقة السيركلا كي واستمتعوا بالكافيهات الموجودة هناك وجربوا الدخول في النهار للاوبرا هاوس وبعدها خذوا تذكرة وعلى الرعد اقصد القارب الصغير اللي لونة اصفر او احمر وادوها تفحيط وخذوا لكم دش على طريقة استرالية, واذا كنتوا راعين مشي العضلات ماشاء الله صحراوية استمتعوا بتسلق الجسر بس اتحداكم تتسلقوة من قمتة مو من الوسط .
فية منطقة جبلية بحرية حلوة ومميزة ممكن تزوروها اسمهاmaroubra beach منطقة حلوة تستحق الزيارة.

مسافر متزن
أخوي مسافر متزن
شكرا لمرورك
ومن جد اعجبتني حركة التحويلة
ملعوبة
تسلم اخوي

طيف الورود
اختي طيف الورود
كلمة الف الف الف شكر ماتوفيك حقك
واللي استنبطته من كلامك انك تنصحيني اسكن في الدارلينق هاربر ،، اذا ماكنت غلطان
لاكن وش تنصحين بأي فندق
وارجع واقوول يعطيكم العافيه يااخوتي

من ناحية الفنادق:
1- شيراتون فور بوينتس.
2- نوفوتيل.

مسافر الجزيرة
اخوي مسافر الجزيرة
اشكرك وبعنف على المعلومة

حبيت اضيف نقطة
احنا جالسين تقريبا 5 ايام ،، المشكلة اننا موعارفين ايش احسن منطقة اللي تكون احسن منطقة للسكن من ناحية (المطاعم المتوفرة ، المناطق السياحة القريبة) واذا على المواصلات راح نستأجر سيارة
وشكرا جزيلا ياحبايبي

ابو ديم1
خمسة أيام كافية على سيدني.
أفضل مكان ولا تفكر في مكان غيره هو منطقة الدارلينغ هاربر بها كل ما ذكرته من اماكن ترفيهية وسياحية ومطاعم.
اذا سكنت في منطقة الدارلينغ هاربر ما تحتاج مواصلات لزيارة أغلب الأماكن القريبة مثل الاكواريوم وبرج سيدني والاوبرا. يوجد قطار معلق (مونوريل) ينقلك لأغلب الأماكن المذكورة وبتذكرة يومية 9 دولارات للشخص.
تستيطع الانتقال للاوبرا ومنطقة الصخرة عن طريق التاكسي البحري او الفيري.
عموما لا يفضل أخذ تاكسي لانها غالية.. وتوجد مواصلات جيدة في سيدني.
إنسى أيضا مسألة السيارة في سيدني ... مقود السيارة في اليمين وسيدني طرقها زحمة نوعا ما.. أي لا يفضل القيادة فيها لأول مره هناك.
بالتوفيق.

مسافر الجزيرة
اخوي مسافر الجزيرة
كفّييت وفييت وماقصرت
هذي المعلومه تكفيني
شكرا جزيلا لجميع اللي افادوني بآرائهم