مرحبا اخوي تاج محل
تأكد انك ان شاءالله بتوجهك لتركيا اخترت الوجهه المناسبه و اللي فيها راح تقضوا اوقات لن تنسوها ابدا
اول شي لا تنسى تجهز كاميرا الفيديو و لو ما عندك استعير والله يا مناظر راح تشوفها ممكن ما تتكرر في حياتك هذه نصيحه
ثانيا سؤالك هذا راح يخضع لأراء شخصيه و كل له وجهة نظر و مبنيه على أساس ولن تكن من فراغ في الاخير انت اللي راح تقرر
رأي شخصي مختصر لقضاء 10 بتركيا:
اسطنبول 3 أيام
بورصه 3 أيام (خصص يوم منها تطلع الصباح الى يلوا و المياه المعدنيه و تعود في نفس اليوم)
أبانت 2 يوم
اسطنبول 2 يوم
و توصل بالسلامه و اي خدمه تعرف رقمي كلمنى و ابشر
أبوهلا

أنا حاليا في أبانت و الاجواء جدا رائعه
بالنسبه للبرنامج اللي سويته لك لا يشمل مناطق البحر الاسود مثل اوزنجول و ايدر لضيق الوقت و لكن 10 زينه مو شوي زي ما تعتقد
أبوهلا

الغالي ابو هلا لولا الله ثم انت ماكنت توجهت الى تركى .
بس الفنادق لوسمحت وش تختار لى . ابى شى نظيف وفى منطقة امان ومايكون غالى حيل .
وتسلم لى والله يجزاك خير . ويرزق على قدر نيتك

1. ==========


2. أبانت: فيها فندقين و كلها ممتازه

بالنسبه للفنادق بعطيك اللي جربتها و زينه بس ممكن يكون فيه احسن منها
بالنسبه لاسطنبول ارشح لك اثنين لا ثالث لهما و في منطقه امنه الى ابعد درجه
اسطنبول: فندق تقسيم قونين هوتيل المبنى الجديد و ليس القديم
للتفاصيل راجع https://artravelers.com
سعره مع الافطار لشخصين 100 دولار هذا انا مجربه بنفسي و ممتاز بدون اي ملاحظات
و هناك خيار ثاني سألت عنه و مدحوه لي و هو سنترال بلازا في تقسيم بس هذا اغلى شوي يقولون اسعاره من 130 و طالع بس ما عندي فكره بالضبط كم و ميزته ان صاحبه ملتزم و لا يوجد فيه لا خمور ولا ملهى ليلي و الغرف حسب ما سمعت انها فيها مطابخ صغار
الفندقين متقاربين
==========
بورصه فندق الهوليدي ان سعره 110 دولار للشخصين ممتاز و جديد و لا يعيبه الا البعد عن منتصف المدينه

==========

أبانت: فيها فندقين و كلها ممتازه

انا في فندق بيوك ابانت و رائع جدا بس ما ادري كم سعره لحد الان ما تأكدت بس تقريبا 120 دولار لشخصين مع وجبتي الافطار و العشاء و الوجبات رهيبه اذا نت مثلي تحب العيشه بتلقى ما لذ و طاب من المأكولات و المشاوي و و و و
===========
واذا تبي تريح رأسك سو اللي انا سويته و اتصل برجال يقوم بكامل الحجوزات عنك و لا ياخذ منك شي لأنه ياخذها من الفنادق و نفس اسعار المكاتب او اقل و ميزته ما اعجبك فندق عطه اتصال يغيره لك و لا تشيل اي هم
============
تحياتي لك
أبوهلا

بارك الله فيك اخوي بو هلا....والله يسعدك ان شاء الله وأنتمنى لكم رحله موفقه.
اخوي عندى ملاحظه وهو انى حجزت في أبنت في جراند أبانت( اعتقد هو نفسه بيوك أبنت)لكن انا طلع عندى الحجز 150 دولار غرفه مزوجه على بحيره مع الاطفال (لانهم حسبوا طفل واحد بس)ولى اقل من 6 مجانا) مع الوجبات،شو رايك في هل السعر؟؟؟وهل فيه سعر ارخص منك؟؟؟
وجزاك الله خير

ايه نعم اخوي عيون الطيف
قراند ابانت هو نفسه بيوك ابانت بس تعرف ثقافتي الان تركيه و بدأت تتداخل مع الثقافات السابقه العربيه و الانجليزيه ههه
و الله ابسألك خويي التركي كم يحصل الغرفه لشخصين مع طفلين احدهم فوق 6 سنوات و الاخر تحت ال6
و برد عليك ان شاءالله
بس متى جاي ابانت؟
انا نفس الشي حاجز غرفه على البحيره و علي حديقة الاطفال جدا رائعه انك تشاهد اطفالك و تطمن عليهم من خلال النافذه هذا اذا قعدت في الغرفه اصلا و ما شدك الجو الرائع للبحيره
و لاتنسى تمر القرى المجاوره للفندق و تشرب الشاي من بيوتهم و اللبن الطازج من الابقار وشي خيالي
اليوم طلعت مع السايق و الاهل مرينا قريه صغيره قريبه على طربق الشلال
الطريق مكسر و بين الغابات كأنك في راليات واخيرا وصلنا للقريه كلها اكواخ و صنادق
وصلنا عند حرمه عجوز و ساكنه لحالها و لقيناه تعلف بقرها و قالها السواق نبي نشرب أيرن (لبن بالتركي) و نشرب الشاي عندك
قالت اهلا و سهلا و الله دخلنا عندها و خضت اللبن و جابته لنا مع الزبده و شربنا وشغلها نظيف تأكدنا بالاول دخلت البيت و شفت مطبخها نظيف و ارتحنا لها
وشوي و تجيب الشاهي التركي و نشرب و عيالنا يلعبون عند بقرها و يطاردون الدجاج و بالاخير قمنا و عطيتها المقسوم صدقه عجوز و فقيره و مشينا
لا تفوت هذه الرحله ترا لها طابع خاص خاصه ان الواحد يبي يغير و يشوف حياتهم كيف بالاكواخ و كيف حياة الجبل بعيد عن الاماكن السياحيه و اللي دايما زحمه و مرتبه للسياح
و اللي يبي يسأل كيف يوصل للقريه يكلمني و اعطيه سواقنا محمود يوصف له الدرب
و بالنسبه لسعر الفندق بسال لك و ارد لك خبر ان شاءالله بكره
تحياتي لكم
أبوهلا

يا أخوان الاسئلة في ساحة الاستفسارات ارجو منك اخي العزيز ابو هلا ان تجاوب فقط على الاسئلة الموجودة في ساحة الاستفسارات وارجو عدم التجاوب مع اي استفسارات في الساحة العامة وذلك لمخالفة تعليمات المنتدى
سوف ينقل السؤال الى ساحة الاستفسارات
لكم جزيل الشكر وشكراً لتعاونكم