1. بنسبه للعزبه اختي افضل التالي:

مرحبا اختي عذبة الصوت وشاكر لك هذه الثقه .اواتمنى من الله سبحانه ان اكون عند حسن الظن.
اولا : الميزانية تكفي ملاحظة اننا عائلة ما نصرف كثير يعني اهم شي نتمشى ونغير جو جدة والرطوبة :
اختي ميزانيتكم جيده ولكن اذا فيه مجال تزيدونها فهذا افضل. وايضا لا تنسون تخلون في حسابكم مبلغ بسيط للحالات الطارئه "لاسمح الله"
ثانيا : ابغى جدول للرحلة ملاحظة احنا ما نحب التنقل كثير يعني يادوب جاكرتا والجبل وانشول فقط ابغى توزيع حلو لها مع ذكر الفنادق
يوم عن الوصول الى جاكرتا وفي اخر الرحله يومين+ 3 باندونق+ 9 جبل البونشاك.
وراح ينبسط ابو العيال وراح تدعيلي بعد ان شاء الله.
ثالثا : اول ماوصل المطار احجز الفندق عن طريق كاها والا من هنا احجز وبصراحة انا ابغى فندق فية مجمع واسواق سمعت يمكن الاتريوم اذا مو غلطانة
اختي او ما توصلون مطار جاكرتا وعند باب المغادره على يدك الايسار. راح تحصلون مكتب صغير اسمه كاها. افضل انكم تسكنون في استون راسون شقق فندقيه فخمه جدا.خذولكم شقه فيها غرفتين تقريبا السعر 660 الف رويبه "وخيارات السكن كثيره عند مكتب كاها".
بنسبه للمجمعات فلا تقلقي التكاسي هناك كثير والمشوار قريبه ليست بعيده. حتى التكسي ماراح ياخذ فلوس كثير. ابعد مشوار تقريبا 45 الف روبيه. "طبعا سائق التكسي مشغل العداد".
افضل انك تزور مجمع الااتريوم. وايضا مجمع منقادوا اي تي سي وهو مجمع رخيص وفيه بضائع جيده وتصلح هدايا.
بس الله الله اختي باالمكاسر. لان الاندونيسيين يجيدون فن المكاسر ويحبونه. يعني خلي نفسك طويل معاهم دائما اعطيهم ربع السعر اللي يطلبونه.
رابعا : الصرف اصرف الفلوس من السعودية الى دولارات وهناك الى روبية طيب في جده ايش افضل مكان اصرف وهناك احول كل الدولارات والا اخلي شوى ( عارفة اني طفشتكم ) بس انا اللي مجهزه للرحلة وما ابغى اي خطا علشان زوجي عصبي:
اختي اصرفي الفلوس السعوديه الى دولارات افضل. واحسن مكان لصرف اتوقع شركة الراجحي "انا من الدمام واصرف منهم" على العموم لازم زوجك يبحث عن سعر صرف الدولارات عند محلات الصرافه والبنوك .وافضل واحد في السعر يصرف عنده.
اذا وصلتوا الى مطار جاكرتا ان شاء الله . اصرفوا من المطار تقريبا 100 او 200 دولار على الااكثر عشان تحاسبون التكسي مثلا.او اذا حبيتوا تشترون اكل من مطعم او مقاضي من بقاله.
اذا رحتوا الى السكن وبعد ما تريحون انشا ءالله. العصر او المغرب اذهبوا الى مجمع الااتريوم في الدور الرابع او الخامس يوجد صرافيين اصرف المبلغ اللي تحتاجونه فقط. "يعني لا تصرفون الدولارات دفعه واحده". اصرفوا على قد احتياجكم فقط.
في الجبل وباندونق ايضا يوجد صرافيين ايضا. واصرفوا على قد احتياجكم فقط.
ملاحظه:

• دائما ابحثوا عن افضل اسعار الصرف بين الصرافيين.
• لا تثنون الدولار او تصفطونه عشان قيمته ما تقل.

"لا طفشتنا ولا حاجه باالعكس انا سعيد بكثرة الااسئله اختي"
خامسا : طيب الوزن في المطار كم مسموح للشخص واذا كان فية زيادة بكم
بنسبه للخطوط السعوديه. اذا بتقلعين من السعوديه فاالامور تساهيل. اما المشكله في العوده فهم يهتمون بهذه الاامور.
اقصد حتى لو تجاوزتي الحد اتوقع انه 40 كيلو في مطارتنا السعوديه. فاالااخوان في الخطوط السعوديه متساعدين جدا. بس المشكله في الاندونيسيين الكلام هذا مرفوض تمام.
سادسا : كيف اسعار الاجهزه هناك سواء جوالات او كاميرات ابغى اشتري كاميرا فيديو اشتري من هنا والا اخليها هناك اول ما اوصل وش افضل مكان اشتري منة .
الاجهزه عندهم هناك غاليه جدا. انا افضل انك تشترينها. انصحك تسالين عن وكالة كينون للجهزه. ترى نزلوا كاميرا 14 بيكسل "يعني شي جنن". واسعر تقريبا 1600 ريال.
انا عندي كامير كينون 12.1 بيكسل شريتها 1499 ريال العام الماضي الان سعرها 1150 ريال في مجمع اكسترا باالخبر.
سابعا : واخيرا ( ما بغيت اخلص ) احجز التذاكر اللحين والا استنى شوي وكم سعر تذاكر الاطفال على الخطوط السعودية اه بغيت انسى العزبة وش اخذ ما ني عارفة .
اختي الااسعار الان على الخطوط السعوديه رخيصه جدا. اتصلي الان على الخطوط السعوديه واحجزي. وافضل انك تطلعين على درجة رجال الااعمال.

بنسبه للعزبه اختي افضل التالي:

5 كيلو رز باب الهند+2.5 سكر+2 ملح+1 شاهي ليبتون كرتون كبير+1 كيلو بهارات للطبخ+1/2 قهوه عربيه+1/4 هيل+ بعشره ريال مسمار قرنفل+1 دله صغير+ا ابريق وسط او صغير+4 بيالات شاهي +4 فناجيل قهوه +8 عبلة حليب بوني حجم كبير+1 عسل وسط+4 علب مربى مليينج+8 قشطه "قيمر او التاج" انا احب قيمر+6 كرتين جبن كيري حجم كبير+5 جبنة البقره الضاحكه حجم كبير+6 علب زيتون وسط اسود او اخضر "حسب الرغبه"+1 قدر ضغط+1 زيت كبير الحجم+1 كرتون صغير شفاف لتغليف الااطعمه وحفظه+1 كرتون دسوس شففه عشان الشغاله لما تقطع السلطه+ 3 كيلو مكسرات +1 علبة بسكويت لطفلكم ذو 3 سنوات+ 1 كيس شيبس "ابو 12 ريال" اللي فيه 10 اكيس داخله او اكثر".
من ناحية الا ادويه للكم وللااطفال انصحكم باالتالي:
1 بنادول عادي او اكسترا+ 2 شراب مضاد للااطفال لاسمح الله +1 كبسوله مضاد لكم في حالة المغص لعدة ايام او نزلت البرد او الااحتقان. "وان شاء الله انكم ما تحتاجونها ابد"
اسفة على الاطالة بس ابغى اعرف الاسعار مثلا الفنادق والتكاسي كم اعطية على مشوار الجبل.
من ناحية الفنادق والشقق المفروشه في جاكرتا فتقريبا ماراح تتعدى 680 الف روبيه تقريبا اقل من 230 ريال ويمكن راح تحصلون اقل ان شاء الله.
من ناحية باندونق والجبل راح تحصلون الفيلل الخاصه والمجمعات بس اتوقع ان الااسعار راح تتراوح ما بين 500 الف روبيه الى 600 الف روبيه وانشاء تكون قريبه من170 ريال الى 200 ريال ويمكن راح تحصلون اقل بعد.
من جاكرتا الى الجبل في الصيف 2008 اعطية السائق تقريبا 400 الف ريال.لاني انتظرني امام سكني في جاكرتا اكثر من 4 ساعات.وايضا لاني طلبته من الجبل. يعني كان خط سيره الجبل+جاكرتا+الجبل.
اتوقع انك راح تعطون التكسي 220 الف الى 300 الف روبيه.لاني سمعت من الااخوان انالحكومه الاندونيسيه نزلت سعر البنزين وصار رخيص عندهم الان. فااكيد ان اسعار المواصلا تغيرت عن الصيف الى الااقل.
من ناحية التكاسي في جاكرتا اختي فلا تقلقي. سائق التكسي راح يشغل العداد على طول. ويجب اتنبيه لك ان سائقين التكاسي في جاكرتا اغلبهم لا يتحدثون العربيه او الانجليزيه بس اعطوه المكان وهو راح يوصلكم.
من ناحية باندونق والجبل البونشاك فاايضا لا تقلقي اذا كنتي في الجبل ساكنه قريب من البقاله السعوديه فاانا ابعد مشاور هو حديقة الزهور فتقريبا من 280 الى 350 الف روبيه مع الانتظار لاحد ما تخلصون رحلتكم.
اختي بما انك طلبتي مساعدتي. فاانا لدي اسم شخص اندونيسي صاحب مكتب خدمات في الجبل "اسمه عبدالقادر ".اخذت رقمه من هذا الموقع قبل ان اذهب الى اندونيسي في الصيف الماضي. وريحني كثير.
اذا يرغب زوجك في محادثته وحجز فيلا او يريد شخص يقله من المطار الى الجبل او من جاكرتا الى الجبل. فلديه سائقين بسيارات حديثه ونضيفه او صرف دولارات او شغاله.
اسف على الااطاله اختي. اذا فيه اي سوال انا والااخوان حاضرين بااذن الله.
واتمنى دخولك على هذا الرابط:
https://artravelers.com/p/re/227142
وشكرا

اختي عذبة الصوت
تحيه طيبه ابي اعرف ايش ترك لنا ابوفهد ماشاء الله عليه
ترك لنا حاجه وحده وهيا الدعاء لك برحله موفقه وسعيده ..تحياتي لك