هلا فيك .. ابشر خير اخوي الغالي
جدول جيد لكن فيه تنقلات كثيره .. مقارنه مع عدد الايام
مثال ممكن نلغي كونستانتس .. ونطلع على طول من زيلامسي الى انترلاكن 7 ساعات تقريبا اذا ما عندك مشكله بالمسافات الطويله .. ونأخذ يومين كونستانتس ونحط يوم لكابرون ويوم بأنترلاكن
وهذا يعتمد على عدد الاشخاص واعمارهم ,,
وبالامكان استبدال كونستانتس بانسبروك لو حبيت تمشي على نفس الجدول
تحياتي

حياك ابو عمر وأشكر لك تفاعلك
بالنسبة للأشخاص
انا وزوجتي وولي العهد ( 3 سنوات )
لي عودة معك بالنسبة لأجار السيارة
لك خالص الشكر

شوف المخطط اهم
وابشر خير ان شاء الله
والله يخليلك الولد وامه

اتمنى أن يكون التعديل النهائي
موعد السفر 19 مايو وقت الوصول 13:00 الرياض فرانكفورت
العودة 4 يونيو وقت المغادرة 18:00 جنيف الرياض
الناقل الخطوط السعودية
البرنامج
ليلة فرنكفورت
4 ليال ميونخ
4 ليال كابرون
2 ليال كونستانس او انسبورك
4 ليال انترلاكن
ليلة جنيف
والحال هذي من وين افضل اطلع الفيزا
وأتمنى ابو عمر تتفضل علي وتزور الرابط ادناه لأن السعر المعروض لتأجير السيارة أرخص عرض حصلته
http://www.booking.carhire3000.com/DriverExtras.do
اذا الرابط ما اشتغل هذا عرضهم 596.46 جنيه استرليني للمدة كاملة
ياليت تتفضل علي انت وبقية الأخوة والأخوات بملاحظاتكم
دامت مسراتك

هلا فيك مخطط جيد جدا ..
في تنقلات لكن مقبوله قياسا بالمده
الشركه ما عندي فكره عنها ابدا ... الفيزا استخرجها من المانيه

اختار كونستانس عشان تروح لالعاب اليورب بارك يوم وتروح لشلالات الراين
وطلعها من الالمانيه

حياك ابا عمر
حياك اختي بنت حواء
انا اتابع ردودك في المنتدى اشوفك متعصبة لوكنستانس دائما وش القصة
اكيد لك نسبة من العائد من السياح للمدينة
عموما أنا عاجز عن شكرك لتواصلك لك مني اطيب المنية بحياة هانئة رغيدة

كونستانس مدينه رائعه ومهضومه اعلاميا والشي المؤسف انه الناس تروح لمدن معينه وماتغيرها
ومن رايي انه الواحد لمايسافر يبحث عن الهدوء والاستجمام وليس التجمعات
والحلو في موقعها قربها من رست وكذلك في منتصف الطريق بين انترلاكن وزيلامسي
وان شاء الله اذا رحت لها راح تعرف سبب حبي لها
وابشر بالاماكن السياحيه راح اعلمك عليها وترى هناك ما تشوف خليجيين كثير بس فيه عرب يدرسون هناك كثير بالجامعات

عذراً أخ abu wafie على الدخول عرض في موضوعك بس حبيت أسأل الأخت بنت حواء هل السفارة الألمانية تطلب مقابلة عند استخراج التأشيرة أو لا ؟