LORD_SA
04-12-2022 - 10:07 pm
بسم الله الرحمن الرحيم
السلام عليكم ورحمة الله وبركاته.........
خبراء سويسرا الكرام حبيت اعرف شي مهم بالنسبة لي
واتمنى منكم الاجابة بمنظور سياحي شبابي بحت وليس بمنظور سياحي فقط
هل سويسرا تصلح لنا كشباب ولا تحسون ان جوها مناسب للعوائل اكثر
اخاف احد يفهم كلامي بسكل غلط انا اقصد يعني عاجبني في سويسرا طبيعتها اللي ما شفتها في ماربيا
لكن في ماربيا استانست لانها مناسبة لكلا النوعين عوائل وشباب
احنا شباب لكن على كيفكم لول ما عندنا بربسه وسوالف نص كم فلا احد يظن اني اقصد امور اخرى
يعني هل هي ملائمة من ناحية وناسة شباب ملاهي اماكن ترفيه اماكن مشي وتمشي وتسوق خفافي
ولا كل اللي فيها طبيعة وحقت عرسان وترزز وكذا
السؤال هذا ينطبق على فرنسا برضوا لاني اشوف الاخ ابو عزيز ما شاء الله مطلع في فرنسا برضو
وبرأيكم وش اللي تفضلونه بين فرنسا-سويسرا-النمسا؟
ودي منكم تعطوني فكرة عن الكرنفال حق جنيف اذا تكرمتوا
علما اني مسافر مع الشباب ان شاء الرحمن في الصيف بين 7 و 8 لمدة شهر
اتمنى اللي بينصح على منطقة معينه او عدة مدن يحطلي افضل وقت لزيارتها خلال الشهور اللي انا ذكرتها
طبعا باستاجر سيارة ان شاء الله فممكن اتنقل من مكان لاخر
ارجع اقول من منظور شبابي
الله يعطيكم العافيه
تصلح لنا ولا لا؟ ولا حنا يالشباب جنيف وبس؟؟؟
ولا رايكم نخليها لريتشوني في ايطاليا للي يعرفها؟؟
تكفون قولولي انها تصلحلنا انا منهبل على سويسرا ودي اشوفها