المشكله مب في شارع العرب يخوي اخذها نصيحه, احنا مشكلتنا في الاكل وصعبه تسكن مكان بعيد عن شارع العرب او منطقة نانا لأن على الاقل تضمن ان الاكل حلال سواء اللحم او حتى الدجاج لأن بتايلند طريقة ذبح الدجاج ايضا غير شرعيه,
ولاتنسى ان معاك الاهل ولست مع صديق تاخذ لك درب الفين ساعه بسبب الازحام عشان وجبة غداء او عشاء!!
مجرد نصيحه وان شاء الله اسأل لك عن طلبك وارد عليك
واعذرني على الاطاله

تسلم اخوي على النصيحة ولكن انا والمدام نباتيين
ومايهمنا المطاعم العربية
فشو تنصحني من الفنادق البعيدة
ومشكور الغالي

عزيز وغالي, شوف اخوي انت طلبك يعني في منطقة سيام سكوار siam square القريبه من طوكيو سنتر, وعلى حسب علمي في اربع فنادق او خمس اللي ينصحون فيهم انا شخصيا جربت واحد منهم وصراحه ارتحت فيه والخدمه جدا ممتازه اما البقية كانت من ضمن الفنادق المرشحه
فندق باثوم وان برينس - Pathumwan Princess اربع نجوم الفندق هذا تفتح باب غرفتك تنزل تشتري من طوكيو سنتر وانت راجع الغرفه في نفس المبنى :biggrin:
فندق كورتيارد باي ماريوت - Courtyard by Marriott اربع نجوم

يسلملي النباتي والله ياخي محتاجين امثالك عشان لايصدعون راسنا بعض الناس اللي همهم على بطونهم يعني اذا اكل فاكهه وتوست وجبن وحلى بالايس كريم (بعد مافي ايس كريم حرام) راح يموت ؟ واذا ماقدر يصبر عالكبسه والاكل الخليجي بعد ياحيل الله المطاعم العربيه يدل مكانها المهم انصحك بأحلى 3 فنادق من وجهة نظري وبعطيك بس 3 من 30 احبهم لكن مابي ازيد حيرتك - الاول بمنطقة سوكومفيت بس بعيد حبتين عن شارع العرب واسمه دريم وامفصل على المقاس باللي تبيه من هدوء ونظافه وشياكه تتفق مع شهر العسل وعالبركة يارب وهذا الرابط ماله
http://www.asiarooms.com/thailand/bangkok/dream.html
الثاني بنطقة ميدان سيام أو سيام إسكوير على قولتهم بس تأكد انه يقبل يسكن عرب لأن كل يوم له قانون هالفندق وهو شابك مع مجمع طوكيو على حسب طلبك يعني تطلع من اللوبي تدخل المجمع وبالعكس
http://www.asiarooms.com/thailand/bangkok/pathumwan_princess.html
اذا مايسكن عرب خذ الثاني
http://www.asiarooms.com/thailand/bangkok/novotel_siam_square.html
الثالث أو الرابع (حاولت بثلاث فنادق لكن صعب في بانكوك) هو ماريوت بمنطقة ريفر سايد واحد اجمل الفنادق اللي على ضفاف نهر بانكوك
http://www.asiarooms.com/thailand/bangkok/marriott_resort_and_spa.html
واذا شفت الاسعار غاليه بهالفنادق عطني خبر وانا بخدمتك مع ذكر السعر المناسب لك بالضبط اذا امكن والله يحفظك ورحلة سعيدة

عزيز وغالي, شوف اخوي انت طلبك يعني في منطقة سيام سكوار siam square القريبه من طوكيو سنتر, وعلى حسب علمي في اربع فنادق او خمس اللي ينصحون فيهم انا شخصيا جربت واحد منهم وصراحه ارتحت فيه والخدمه جدا ممتازه اما البقية كانت من ضمن الفنادق المرشحه
فندق باثوم وان برينس - Pathumwan Princess اربع نجوم الفندق هذا تفتح باب غرفتك تنزل تشتري من طوكيو سنتر وانت راجع الغرفه في نفس المبنى :biggrin:
فندق كورتيارد باي ماريوت - Courtyard by Marriott اربع نجوم

ناسي جوازي
مراحب باللي ناسي جوازه بس دخيلك لاتنسى جوازك وانت مسافر
مشكور اخوي على مشاركتك وانشالله باشيك على الفنادق وباشوف اذا تناسبنا وتسلم

انا سكنت ب siam @siam الفندق هذا قريب من مجمع طوكيو يعني تقدر تروحله مشي .الفندق 5 نجوم وفخم لاكن فيه عيب واحد ان الغرف حقته تضيق الخلق :s
وهذا رابط الفندق http://www.siamatsiam.com

في بعد رويال برزدنت واوماني تور حلوين ادخل علي موقع sawadeeتلاقي فنادق كثيرة جدا ومبروك مقدما

.khaled.
تسلم اخوي خالد على الرد وبحطه ضمن القائمة وبسأل عنه