حياك اخوي ابو دجانه
الأسواق روح رد سي ومجمع العرب وخذ لك لفه على شارع التحليه
ولو ماتحب الازعاج روح السوق العصر ولاخلصت لفلفه روح لمطعم روق
فيه عندنا صناعات وطنيه بمركز الحارثي
وفيه صناعات متنوعه بخيمه امام ايكيا وخيمه ثانيه بجنب اويسس مول
وابحر فيها كنز ابحر والسقاله
وفيها لانشات وقوارب ممكن تركب لانش مع شاي منعنش واستمتع بالبحر
او تحجز على غواصه مرسى الاحلام اظن عندهم عرض غداء وعشاء برضو في ابحر
فيه الكافيهات اللي بالفنادق زي روز وود والهيلتون وغيرها مره رايقه
والمطاعم فيه مجموعه ليلتي بالحمراء
شيزان الهندي لسى ماجربته بس اخوي الجبل الاشم يمدحه تلاقيه بالحمراء خلف ابو شقره
والبيك ههه لهم فرع عوائل باسواق المساعديه واسواق السليمانيه بلازا
الوزان بالتحليه وبالم بيتش وابو شقره ع الكورنيش
وفيه مطعم لو سيل بمركز السحلي امتداد شارع الاندلس
وشارع الاندلس اغلبه مطاعم
المطاعم كثيره لو تحدد رغباتك بيكون افضل عشان نذكر لك المطعم المناسب

وعليكم السلام ورحمة الله وبركاته
حياكم في جدة
المولات: روحو الرد سي -مجمع العرب
الشوارع : خذوا لفة في التحلية - شارع الروضة - الكورنيش
المطاعم الفخمة : روحوا لاكوزين - الملتقى - زودياك -لوسييل "المطعم الدوار"
مطاعم اسماك : روحو مانهاتن فش ماركت طريق الاندلس
مطاعم امريكية: روبي تويسداي طريق الاندلس
كافيهات: روحوا لوست سيتي - اروما كافيه - كهف البحر
الملاهي : الشلال
ابحر للقوارب و اللنشات
جرب تقعدوا على الكونيش تاكلو بليلة وذرة وترمس تغيير وفكرة حلوة
منتزهات مفتوحة : لاكوستا - الشراع
وان شاء الله رحلة سعيدة