اخوي شوف تقريري وراح تدعيلي
https://artravelers.com/p/re/639258
التخطيط والتكاليف والسفر والصور
والتذاكر كانت ب 5600 وبزنس كلاس كمان
منتظر ردودك يالغالي

van 966
اخواني اخواتي
بصراحه انا ابغى اسافر وماحصلت دوله قريبه جوها اقدر اغير فيه
دبي وحر حاليا ومافيني صبر انتظر لبعد الحج
وودي استفسر عن السفر الى جزر المالديف
وماقد رحت لها طبعا
ولا قد سافرت خارج السعوديه من قبل
ابغى الله يجزاكم خير تساعدوني
طبعا السفر انا وزوجتي
وبصراحه ودي اسافر راحه واستجمام مثل مايقولون
وعارف انوا من خلال بحثي انه ماتروح الا طيران الامارات
والقطريه
وكلها ماتقل تذاكرها عن 10000 ريال
صحيح مكلفه علي بس ابغى تكون روحه
وناسه وخايف من السفر بالخارج حجاب وماعرف اخاف احد يلعب علي ومن هالكلام
فالله يجزاكم خير توصو فيني
وعليكم السلام ورحمة الله وبركاته
نفس حلمي اللي أحلم فيه وهو السفر للمالديف
واطلعت على تقارير كثيرة بخصوص هالجزيرة وحمستني بقوة وخاصة تقرير لأخونا طير
بصرآحة ودي بكج نفس الأخ طير بس ميزانيتي 15ألف
وودي أحد يساعدني بخصوص الترتيب للرحلة :
أفضل شهر ميلادي للسفر لها من ناحية الجو وتكون فاضية مافيها ناس زحمة
أفضل طيران يوصل لها ويكون أقل شركة تكلفة التذاكر طبعا لشخصين
المنتجعات والفنادق ورحلات الصيد والغوص والبرامج هناك أبغى أفضل شيء وهل الأفضل تكون الوجبات مشمولة ضمن البكج أ و يكون أغلى وفي حال كانت أغلى وين المطاعم الحلوة هناك وأبغى أعرف عن الضرائب
ياليت أحد يساعدنا الله يوفقكم

مشكور اخوي الفيصلي
بس انا مااعرف انقلش وودي اعرف كيف اتعامل مع شركة الطيران اللي قلت
ودي تحطلنا تفصيل خطوه خطوه
ومثل ماقلت لك اخوي
يعني ماابغى احس انو يلعب علي ولا شي
وياليت تقولنا كيف نظرتهم للحجاب
واللي سمعت عنهم انها بلد اسلامي
يعني من ناحية التعامل
وغير كذا بنغى وش اسوي من قبل مااحجز الى مااركب ال
الطيارة راجعا لبلدي
ادري اني ثقلت عليك او على اللي بيجاوب بس شسوي وان شاء الله انكم ماتقصرون
والله يجعله بموازرين حسناتكم
وصرنا بعد اثنين مع الاخ نيو
https://artravelers.com
انا تقريبا مثل ميزانيتك
والله يوفقنا يارب
بس ناقص اللي يوجهنا التوجيه السليم
وعلى فكره انا نفس فان966
اللي سال قبل بس نسيت كلمة السر وجهاز العمل مدري وش فيه يخبط
شاكر ومقدر لكم

van977
ايو الله محتاجين أحد جرب وعرف السالفة من أولها لآخرها وعرف عيوب الرحلة واللي ممكن يغيرها بعدين وإلا يوجه غيره لها
الأخ الفيصلي ماقصر اكتسبنا منه خبرة ليست بالبسيطة بخصوص أرخص شركة طيران الله يجعله بالجنة
ولما ذكر انو اللي لهم سنة متزوجين يحضرون معاهم إثبات حتى يصلحون لهم برنامج الهوني مون
منكم نستفيد
والإخوان ما يقصرون

ابشر ولا يهمك برد عليكم واعطيك كل شي اخوي
بس دقايق عندي شغله

اخواني السلام عليكم
كل اللي ابيه منك الدعوات الطيبه
بالنسبة للمالديف اهي بلد اسلامية والناس اللي فيها مره طيبين ومحترمين ولا عندهم اي نظرة لي يلبسون الحجاب او متغطيين
البلد سياحي وكلن بحاله والله واموركم ان شاء الله طيبه
بالنسبة للي يقول ما اعرف انجليزي ، هذي سهله لو تبيني اسويها لك ابشر بعمرك
بالنسبة للطيران يا اخوان الان مشيك عليها بالخطوط السيرلانكية
الشخص السياحي ب 1890 ريال والبزنس ب 2864 ريال يعني ولا ارخص
وعلى فكره الحجز هذا ممكن ترده باي وقت ولك مره وحده تغير الموعد ببلاش واذا غيرته مره ثانية تدفع 100 ريال
يعني انا انصح وبقوه للي يبي يحجز يحجز من الان ويخليها الين يقرر
بالنسبة للطلعات والاكتيفيتيز اللي بالفندق لا تخافوا الفندق يرتب كل شي ويعطيك المعلومات ومتي وبكم

الله يسعدك يالأخ الفيصلي 1 ويحقق لك ماتتمنى ويجعل الجنة دارك

امين
شوف ردي بنفس موصعي على الكلام اللي كتبته
وانا بالخدمه

الله يجزاك خير ويجعلها في موازين حسناتك
انا بصراحه ماادري كيف التسجيل في هالمنتدى
مو مثل المواقع الثانيه اطلب كلمة المرور وتجيني لازم ياهو
المهم تعلمت وعرفت وشلون طريقته
واسف على اني كل شوي مسجل بيوزر
وهذا هو يوزري الاصلي والجديد
اكرر اسفي
المهم اخوي الفيصلي وربي ماقصرت
بس انت قلت بالنسبه للانقلش تقول لو تبيني اسويها ابشر بعمرك
الله يسلمك ويخيلك
بس مافهمت كيف تقدر تسويها
ويصراحه 80 بالمية من خوفي هو بالنسبه للانقلش وحجز طيران السيرلانكيه
والباقي هو كيف احجز شاليه على البحر ومنتجعات وفنادق محترمه يعني
والشي الثاني كيف الامان هناك
لأني خواف شوي
واسف على الاطاله والله يطول عمرك ويعطيك العافيه