هلابك أختي الكريمة
أنا أرشح الكانون SX210
وسعرها عند عبدالواحد قبل أمس ب 1550 ريال وأتوقع عند غيره أرخص
والفرق بينها وبين S90
الصراحة ما أدري
اللي أعرفه إن كلهم فيهم إعدادات يدوية ويصنفون إنهم شبة إحترافية
وتقولين والا ديجتال أساساً الشبة إحترافية وحتى الإحترافية فيها خيار الأوتو ( يعني تك وصور )
يعني خوذي شبة إحترافية أحسنلك لإنك راح تحتاجين سرعة الغالق وأنتي رايحة لإندونيسيا ( لأنك أكيد راح تزورين تامان سفاري والعروض اللي فيها تحتاج سرعة غالق عالية )
تراي ما رحت هناك بس قريت وشفت بعض الصور ( لأني مثلك إن شاء الله بالصيفية بإندونيسيا )
ولاتنسين تاخذين ذاكرة ثانية يعني 2 قيقا و 4 قيقا لإنك راح تصورين فيها فيديو والفيديو يستهلك من الذاكرة
وخلك مع هالرابطة
https://artravelers.com/p/re/378328
تقبلي مروري وتحياتي

محيرهم
الف شكر لك اخي الكريم على تجاوبك معي
والله يريح بالك ان شاء الله
واتمنى لك رحلة موفقة باندونيسيا
ومو تنسى موافاتنا بالتقرير
وان شاء الله بتوكل واباخذ الاس اكس 210 خاصة ان سعرها حلو ومناسب
واذا ممكن وين القى محلات عبدالواحد بالشرقية؟؟
وهل في اماكن اخرى اقدر اشتري منها الكاميرا؟؟
لاني كنت ناوية اخذها من اكسترا بس لقيت البعض مايمدحه
مع تحياتي واحترامي لك

لا شكر على واجب أختي الكريمة
الصراحة ما عندي خلفية عن محلات عبدالواحد بالشرقية
بس بإمكانك تدقين على إستعلامات الدليل 905 وتسألين عن شركة أحمد عبدالواحد بالشرقية
وشوفي جرير يمكن عندهم
أو الوكيل شركة القريشي إذا فيه بالشرقية
ورحلة موفقة إن شاء الله
لك تحياتي

ياجماعه الخير انتم ماعمرتكم تكلمتو عن olympus sp-800uz والله العظيم افضل من كل الكاميرات الشبه احترافيه يكفي زوومها 30 ....والبكل 14 والماكرو والخصائص الكثيره اللي فيها
شوفوها وانا واحد املك هالكاميرا
شويه عليها قويه وارخص من الكاميرا اللي ذكروتو ... اشترووها من امازون واتركو عنكم الغش التجاري للمحلات اللي عندنا للاسف ....
شوفي هالرابط واقري مواصفاتها اختي وتعرفين وش الافضل صدقيني ماتندمين
http://www.amazon.com/Olympus-SP-800UZ-Digital-Camera-Stabilized/dp/B0031RGEVS/ref=sr_1_3?ie=UTF8&s=electronics&qid=1276372196&sr=1-3

هلا وغلا بالغالي
أنا معك أولمبيوس شركة جبارة أنا عندي منها كام الميغا بكسل فقط 3,2 وصورت تقرير صلالة اللي بالتوقيع حاطه فيها ونتائجها رائعة أما بالماكرو شي عجيب
بس الفرق الجوهري من نظره عامه بالحجم يعني إذا فيه أحد بياخذها وما عليه من حجمها أوكي
لأن فيه ناس تفضل الكام اللي تجي بالمخباه ( الجيب ) أو بالشنطة النسائية مع جربها بعد
والكام اللي ذكرت هذي صورها لتدعيم معلومك

والكانون SX210

واللي أذكر بعد إن سعر الذواكر حقات الألمبيوس أغلى من الكانون ومو بأي مكان تحصلها
إلا على فكرة بطارية الألمبيوس عادية والإ ليثيوم ؟؟
لك تحياتي ولصاحبة الموضوع

أختي: شروق_الشمس
فيه محل بالرياض يبعيها ب 1400 ريال
وهذا رابط الموقع
http://cam4sell.com/ar_آخر-المنتجات,28.html
تقبلي مروري وتحياتي

محيرهم
هلا اخوي الغالي .... الكاميرا عندي ... ومستخدم ذاكره kingston 4gb
مع العلم ان ذاكرتها الداخليه 2 جيجا ..... وبالنسبه للبطاريه ليثيوم ياغالي وليس اصابع
وانا شريتها من مووقع امازون مع بطاريه اضافيه اسمها باور ماكس ... ب 1280 ريال فقط واصل لباب بيتي
والصراحه الكاميرا مثل ماتفضلت لا يعلى عليها
واي سؤال عنها انا حاظر .. وبالتوفيق

محيرهم - mdd123
تسلموا اخواني وماقصرتوا والله
ولكن حيرتوني اكثر
وان شاء الله اقدر اليوم اروح واشوف كل الكاميرتين واشوف الحجم والمميزات
وبالنسبة الى اوليمبوس
هل فيها تحديد الوجوه
ومانع الاهتزاز
وهل تعتبر شبه احترافية

هلا بك
لاتحتارين ولا شي
كلهم فيهم عجلة إعدادات يدوية كاملة ( شبة إحترافية )
الفرق الجوهري يمكن بالحجم والألمبيوس أقل سعر وأطول زوم
يعني إذا ما يضايقك الحجم أنا أقول خوذي الألمبيوس
وهذا الرابط فيه الفرق بينهم
http://www.dpreview.com/reviews/compare_post.asp
تقبلي مروري وتحياتي