روزماري
25-12-2022 - 01:51 pm
الحمدلله طلعت فيزتي بالسلامه وكنت متخوفه انهم يسكرون لاجازة العيد وتتعطل
والسفره ان شالله بعد يومين وعندي استفسارات اخيره ياليت تساعدوني فيها
لان تخطيط رحلة باريس علي من الالف الى الياء وماودي اتفشل
نبدأ
1- كيف اوصل من المطار الى الشانز تحديدا المحطه القريبه من الفوكيت اي مترو اركب بالضبط اشرحولي بالتفصيل
2- انا بقعد ان شالله 5 ايام استخدم اي بطاقة مترو ؟؟ الفيزت ولا الاورنج؟؟ واختار اي زون؟؟
3- لو بغيت اطلع شريحة جوال هل فيه شركة معينه وكيف الطريقه؟؟ والشريحه تشتغل في المانيا ولا بس باريس؟
4- نوعية الافياش بالفنادق شلوون؟
5- في الاماكن السياحيه والمتاحف والقصور هل كاميرا الفيديو عليها رسوم؟؟ او هو ممنوع اصلا؟
6- احول الفلوس الى يورو من السعوديه احسن ولا لاوصلت هناك؟ وعادي اخليهم كاش؟
7- جدولي مرتب حسب الايام
اللوفر وايفل تاور - فرساي والحي الاتيني - الاوت لت والمونمارت - الاوبرا والقاليري لافييت - اللادفانس والسفر
هل التخطيط مناسب؟؟ للحين محتاره اروح دزني مع الاوت لت ولا اكنسلها لانها ماتسوى؟؟
انتظر مساعدتكم وردودكم وبليز لاتبخلون علي باي معلومه او نصايح لانها اول زياره لباريس
ويارب ماتكون الاخيره
يلف العقل اذا تعودتى عليه بكون اسهل منه مافيه غير كذا ما عندى معلومه على تذاكر الفيزت لان كنا نقطع التكت
للمكان الى بنروح بفس الوقت خذى روحه ورجعه او روحه بس يور ونص او يوروين مو غاليه اما بخصوص الكاميرا ما اخذو
رسوم!!!!!! عادى كنا نصور واستفسري اكثر من الاعضاء بس عنا ما خذوا شي
واحسن لو تحويل الفلوس من هناعشان هناك يمكن يكون الصراف بعيد او اي ظرف خذ احتياطك من هنا احسن غير انه هناك اكيد بياخذون فرق العمله الا اذا انت عارفه محل يكون قريب من سكنك فيه محل صرافه
واخر شي لالاللالاال حرام عليك تكنسلين دزنى لاند وبذات اذا معاك اطفال احس اكثر شي استانسنافيه دزنى العاب وعروض واشياء توسع الصدر ملاهى لها 15 سنه تقولين كانه امس فاتحينها ما شاء الله روعه هذى وجهة نظرى والراي والاول والاخير لك
وبا النهايه يارب يارب يارب تتوفقين برحله وتكون سعيده وتنبسطين واذا رحتى اللاديفانس سلمي لى عليها قولى لهايغار الورد تسلم عليك باعلى صوتك بساحه الكبيره ههه وعلى فكره اللاديفانس كانت منطقة سكنا رايقه وهاديه وراقيه وجوها احلى من الشانز اللى حر وزحمه ولا يسوي شهرته الواسعه