ما أحد ضربكم على يديكم وقال لكم روحوا لأوربا وبعدين برد عليك في جزئية الأكل
أين أنت من قول الله سبحانه وتعالى (( وطعام الذين أوتوا الكتاب حل لكم ))
فلماذا نحرم ما أحل الله لنا
يا ناس بلاش تعقيد

zaman99s
اقولك ما يذكون , و لا يذبحون برصاص يقتلون الدجاج ,
ثاني شي انتم الي حمستونا و خليتونا نرووح من كلامكم هنا و تسهيلكم للموضوع
خافو الله في الناس خافو الله في الناس و قولوا الصراحه

ماودكم بعد لو نرسل لهم الهيئه

فجوره
كلمه لا تلقي لها بالا قد تهوي بك في النار سبعين خريفا ..
اللهم اني بلغت ف اشهد ,

ياخي جان وديت معلبات تونه وياك مو غلط وبخصوص الملابس و القبلات ياخي غظ النظر

اخوي اقولك على بلاطه مو اسبانيه بس حتى بالدول الخليجيه تحصل يعني اذا ماتبي مناظر خلك بالسعوديه الله يحفظها
وانا صراحه اتمنى اروح اسبانيا وان شاء الله اقدر ازورها

وليد السعوديه
يا ناس انتم اللي خافوا رب العالمين ولا تحرمون ما أحل الله
نجيب لكم آيات من القرآن الكريم وتقولون لنا ما يذبحون صح
فكونا من ها الكلام
هل سأل رسول الله صلى الله عليه وسلم اليهودية التي أطعمته كيف ذبحت الشاة
أو هل أرسل صحابته لينظروا كيف ذبحت
الله سبحانه وتعالى أحل لنا كل طعام أهل الكتاب إلا ما نص على تحريمه وهو الخنزير فكيف نحرم الحلال
وثاني شي احنا نقلنا لكم رأينا وخايفين ربنا الحمد لله بس لازم نتمتع بالذكاء والاطلاع ونعرف هل تناسبنا البلد أم لا
يجب أن نبتعد عن تقليد الآخرين ونذهب للبلد لأن غيرنا ذهب لها

وليد السعوديه
!!!!!! ياساتر انا وش قلت الحين

اخوي معليش اسمحلي كلامك فيه شي من الغلط انا رحت اوروبا النمسا وفرنسا واتمنى اروح مره ثانيه
صحيح انه فيه اشياء خارجه عن المالوف من عادات وتصرفات مايرضاها ديننا بس الواحد هناك لمن يمشي يحاول يصد عنهم وويغض النظر وهالشي عندهم عادي و على كلامك دعاره لا بالله ماشفنا شي من هالكلام والواحد مايقدر يسير الناس مثل مايبي كلن حر بتصرفاته واللحين التلفزيون لاخلى ولابقى مناظر قبيحه واشياء ماترضي لاربي ولارسوله وللاسف القنوات كلها عربيه بعد هذي شلون الناس تمنع اهلها من شوفه التلفزيون والا انت تقدر تمنع اهلك من متابعته
شكلك اخوي صارلك كم يوم باسبانيا وماشفت الزين فيها عشان كيذا جالس تتذمر منها زوجي راح لها رحله عمل ويقول روعه حاول تعيش يومك وماعليك من الناس اتمتع بخلق ربي هذي المناظر الحلوه ربي اللي خلقها مو هم عشان امنع نفسي ومااروح ديرتهم ولايسوي اني انكد على حالي عشان كم منظر سئ
الاسعار لازم اذا رحت الديره اللي تبيها تعرف وين الاماكن المناسبه عندهم بكل شي حتى السوبر ماركت نفسه احيانا يختلف عن سوبر ماركت ثاني قالولي انا باريس نار عشاء انتي وزوجك يكلفك 700 ريال رحت وشفت الوضع اللي يبي النار يروح له واللي مايبي يقدر يعتدل في ميزانيته تعشيت مرتين بالشانز مره بمطعم هندي ومره بمطعم والله مااعررف اسمه بس على الشانزليزيه والله ماتعدت الفاتوره 200 ريال وشووي
المويه كنا نشتريها اللي يقولون المويه ب10 ريال لا ماشفت هالكلام المويه الغاليه ب5 ريال وفيه حتى بريالين
الاكل اخوي عندك خيارات كثيره فيه سمك فيه روبيان فيه مكرونات بيتزا مو معقوله بس بيض وجبن
كلمه اخيره استمتع بما انت فيه وخل اللي حواليك ينبسطون والا اذا شافوك كيذا بالعون حتى هم تنكدوا وكرهوا السفره
ان شاء الله ترجعون بالسلامه