اختي الكريمة ،،
انصحك بهالفندق The Shaftesbury Kensington وهو اربع نجوم وبعد خطوتين من المستشفى
والله يشفي والدتك وجميع مرضى المسلمين ،،، امين

Hotel in London &"http://www.ichotelsgroup.com/h/d/hi/1/en/hotel/lonhi;jsessionid=OG1CRPWOWGIK4CTGWAJCJBQKM0YBUIY4?_requestid=344445" target="_blank">Holiday Inn LONDON Hotels &

http://www.nh-hotels.com/nh/en/hotels/united-kingdom/london/nh-kensington.html
هذا ببعد قريب وايد وناس من اهلنا كانوا ساكنين فيه ومرتاحين
NH Kensington
NH Kensington Address: Cromwell Road 202-220, SW5 0SW LONDON, London (United Kingdom)
E-mail: Tel.: +442072441441 Fax: +44 207 244 1442
هاي صوره وعلى فكره كل الفنادق الي عطيتك ايااها في منطقه كروم ويل رود الي المستشفى يقع في نفس المكان

يعطيكم الف عافية اخوي الظفيري واخوي اثورى
ان شاء الله بشوف اي واحد الاقرب
واذا تعرفون شقق مفروشة تكون اوفر لنا وحالتها جيدة ياريت تفيدوني

بنك غيرل اغلب الشق الي هناك تعبانه بس فيه شقق السيفوي كورت هاي اشوف احسن شقق هناك بس ترى اغلب الشقق مستواها مب شي واذا بتسكنون اكثر من شهور انصحج بشق غلوستر
http://www.londonservicedapartments.co.uk/luxury/gloucester-park.htm
هاي موقعهم مع الاسعار بس اقل شي عشان تسكنون فيها 90 يوم

هلا وغلا بنك غيرل ..
أثوري ..ذكرتيني بشقق سيفوي كورت !! أذكر سنة 93 أحتلال كامل من أهل قطر وخصوصاً أن الدوله أمنعت العلاج في المانيا وحولوا كل العلاج إلى لندن ..
بنك قيرل ..الله ايخلي لكم الوالده ويشفيها وأتردون بلدكم وانتم في أتم الصحه والعافيه ..المستشفى هو ملك لحكومة الإمارات أشتراه الشيخ زايد رحمه الله ..والشقق موفره قدام المستشفى مباشره ..والشقق هذي مشهوره واجد وأسمها العماره الحمرا ..والشخص الي يشتغل في الأستقبال أسمه محمد وأصله أردني ..المشكله اني ضيعت رقمه للأسف
ولكن أول ماتوصلون بأذن الله أسكنوا فندق يومين وروحوا حق العماره الحمرا واسألوه إذا عندهم شقق لأن أهل الإمارات ماشاءالله ماأيخلون شي ..أكتساح كامل على هالعماره بسبب المستشفى ..
وأي خدمه أحنا في الخدمه ..

القطري فديتك من صجك حد يسكن في العماره الحمره مادري انا اشوفهم مب شي انا بصرااحه ماسكنتت فيههم بس كل مامر صوبهم اشوف الستاره طالعه من البلكونه ولونها املح وعتيجه ومكسره ونااس انعرفهم اسكنوا فيها واطلعوا قالوا عنها قديمه ومتهالكه والله يعززك البالوعه تطفح عليهم لان الشق قديمه مره
القطري تعرف عماره نمبر 1 اذكرها كانت زينه ورى غلوستر ملينيوم كانت حلوه واللحين جددوها
بنك غيرل شوفي السيفوي ارحم شوي من العماره الحمره بس الحمره لازقه بالمستشفى وايد
بالنسببه للسيفوي كان اكتسااح مب طبيعي لاهل قطر بس انا ملاحظه في الاونه الاخيره صاروا اهل قطر يفضلون الفنادق يعني اغلب معارفنا في الفنادق
بنك غيرل الله يوفقكم يارب والله يشفي امج
وانتي كوني على تواصل معانا في المنتدى وانشالله انقدم لج كل الي نقدر عليه

اثورى
ان شاء الله بسأل عن شقق سيفوي لأن اقامتنا بتكون ان شاء الله مو اكثر من شهر ونص
واذا الوالدة علاجها مايطول وايد بإذن الله بنروح كارديف
يزاك الله الف خير ومشكور على الدعوة الطيبة والله لا يراويكم مكروه
القطري
الله يسلمك ويعافيك اخوي
وايد نصحونا ان نحجز فندق وندور شقة على راحتنا وتحت عينه
ان شاء الله نسوي جذي والله يوفقنا بشقة زينة
يزاك الله خير اخوي الغالي

اثوري
صدقتي بنت ديرتي ..
العماره الحمرا أثاثها قديم ويحتاج إلى تجديد لأنها بعد متهالكه واجد ولكن يشفع لها قربها شديد من مستشفى كرمويل ..
وإذا سوينا مقارنه بين العماره الحمرا وبين السيفوي كورت فأعتقد أن السيفوي كورت أفضل ..
والفنادق أحلى مافيها أثوري أنها تغنيك عن كل شي ولكن المشكله إذا كانوا عائله