سلام
اذا كنت من عشاق البحر فلازم تدفع بعني أنت وين والأسعار الي حاطها وين !!!!!!
أخي الكريم جزر المالديف اسعارها غالية يعني 4 نجوم اليوم يكلفك 600 ريال سعودي شاملة الوجبات من فطور وغداء وعشاء وشاملة ركوب اليخت السريع من المطار للجزيرة وزي ما الكل يعرف الفلوس بتيجي و بتروح والأهم راحة البال ..بس في بعض الأشهر بتختلف الأسعار
ودمتم بحفظ الله ورعايته .

مرحبا فيك اخوي عاشق البحر
مما لاشك فيه ان المالديف تعتبر من البلادان السياحيه ذوات الاسعار الغاليه جدا
علما أنها لم تكون اعجبت شريحه كثيره من الناس بحكم البحر في كل مكان وغيره
فأنصحك بأن تذهب على موريشوس فهي اقل اسعار ورائعه جدا
وتقدر تاخذ باكج لدى الخطوط الاماراتيه شامل تذاكر + إقامه+ وجبتي افطار وعشاء راقي لمدة 14 يوم بحوالي 6000 ريال لشخص الواحد اي لشخصين 12000 وريح بالك
اتمنى لك التوفيق
تحياتي

اخوي الحين صار عندي خبره بالمالديف واسعر الفنادق والمنتجعات وراح أقولك انك مستحيل تلقى شيء بهالسعر وعلى قولتهم أقل شيء 600 ريال باليوم ويمكن بدون التوصيل والعشاء والسبب لغلاء الأسعار ومن حقهم رفعها صعوبه أنشاءلله الأوتيل لان كل أوتيل ومنتجع عباره عن جزيره لحالها فتخيل كم تكلفه أنشاءه وصعوبه توصيل خدمات المويه ووغيره من مستلزمات المعيشه هذا سبب غلاء الأوتيلات فأذا تبي شيء رخيص ماأنصحك بالمالديف أبد روح مثلا لموريشوس وحتى يعني اسعرها مب ذاك الرخص تكلف شوي أو بوكيت بتايلند عندهم أوتيلات أسعارها معقوله حاول تغير وجهتك وتصرف نظرك عن المالديف كليا أذا أنت تبي الرخص ..
بالنسبه لأسعار الاوتيلات تبع المالديف سألت عنهم بدون مبالغه واحد واحد مستحيل تلقى منتجع بالسعر الي حطيته أقل شيء على قولت الأعضاء 600 ريال ويمكن بدون التوصيل والعشاء والسبب بغلاء الأوتيلات ورفع أسعارها ومن حقهم الصراحه لأن أنشاء الأوتيل يكلف بما أنه كل أوتيل عباره عن جزيره مستقله لحالها وهذا يكلف في البناء وتوصيل مستلزمات المعيشه ولازم تحط ببالك أن اغلب الأوتيلات بعيده عن المطار وراح ينقولنك يأما بالطيار المائيه وهي مكلفه جدا وسعر الشخص مايقل عن ألف ريال ويمكن أكثر حسب بعد الأوتيل أو بالبوت السريع وهذا مايوصل الا للمنتجعات القريبه للمطار وأيضا يكلف لكن مو زي الطياره المائيه ..فأذا أنت دخلك محدود ماانصح بالمالديف موريشوس وبعد هي مو ذاك الرخص أو بوكيت بتايلند عندهم أوتيلات حلوه واسعارها معقوله لكن المالديف شلها من راسك ..

يمدحون الطائف أحلى ...
ولا جدة غير .........
مجرد دعابة ...
ما أعتقد أنك بتلقى هالاسعار أخي الكريم ...
لكن .. عموماً حاول وعسى يكون خير ...
مع تمنياتي لك بطيب الإقامة أينما كنت ...

ها بشرنا وين قررت تروح !!! يا عاشق البحر
والله خطرنا نقوم بالواجب(.. بس على قد الحافك مد رجليك ..)
ما عليك سافر وأنبسط وكلنا في الهوا سوى من ذوي الدخل الطاير....
اللهم يسر امورهم , وفرج همهم , وسخر لهم أسبابك , وأجزل لهم ثوابك ,
وأحفظهم بأسمك السلام القدوس..آمين يارب العالمين .

السلام وعليكم ورحمة الله
مشكورين يا شباب على التحطيم ولكن هي الحقيقة المره
قررت ان اذهب الى جزر لاكشدويب في الهند شواطها قريبة من جمال شواطئ المالديف والسعر رخيص لاصحاب الدخل المحدود
ولكم الشكر والعرفان

كل شي جايز حبيبي وكل الأسعار موجوده ولايهمك
لقيت لك هاذي الفلا اللي تتكون من 3 غرف + صاله + مطبخ + حمامين
ومجهزه تجهيز كامل بجميع المعدات اللازمه من أدوات طبخ وغسيل ملابس وشواء و و
غرفتين في الطابق الأرضي وغرفه في الطابق الثاني وتكفي لعدد 6 أشخاص
هنا صور لها

وهاذي صوره من البلكونه

المطبخ

سعر الفلا اليومي 660 درهم
تفضل ادخل هنا تلقى كامل التفاصيل ورقم المالك مباشره
http://www.rent-holiday-homes.com/details.php?object=9656
==
وطبعا هالفلا بتكون مفيده لو كنتو عائله تتكون من هالعدد لأنها بتوفر عليكم سعر الغرف الفندقيه
لكن لو كنتو اثنين فالأفضل السكن في فندق وتتمتع بخدمات فندقيه
==
اخوكم
أبو مانع

اخوي اذا تبي رأيي...
انسى المالديف..... لانهامره غاليه
انصحك في بوكيت بتايلند... راح تلقى شاليهات كثير بالسعر هذا اللي تبيه يعني ابو 350
وفيه ايضاً فندق جيد في بي بي ايلند... تحدث عنه الاخ واقعي في رحلته الاخيره لتايلند

يالطيب.... انا طالعة عليا الرحلة لفندق الوايت ساند في المالديف (اعتقد اربع او ثلاث نجوم) لمدة 11 يوم شاملة التذاكر والاكل والشرب والفندق والتوصيل 2363 ريال في الليله.... وللعلم انا من ذوي الدخل المحدود المحدود وزيادة... لكن كنت مخطط للرحلة ذي من 7 شهور ولذلك كنت موفر شوية فلوس كل شهر..... يعني بالعربي، لازم نخطط ونوفر فلوس اذا بغينا ننبسط..... أتمنى التوفيق لك يا عاشق البحر....