المشكله في الادارات
وزارة التجاره
البلديه
لو هناك رقابه مستمره وعقوبه لصلح بعض الحال

عندما ذهبت الى المدينة الترفيهيه الواقعه على بحيرة السد طلب قيمة الدخول للشخص الواحد سوا كبير او صغير ( 50 ) ريال.... هل هذا معقول؟
ربما يقبلها العقل لو طلبها على الاطفال فقط مقابل ان يعلب بها !!!
بارك الله فيك
أنا كنت في أبها الاسبوع الماضي وفعلا رأيت إمرأة طاعنة في السن ربما جدتهم ودخولها أيضا 50ريال هل يعقل هذا ؟
نتمنى أن تعيد هيئة السياحة النظر في سياسة هذه المدن الترفيهية بما يحقق مصلحة الوطن والمواطن
هناك أيضا أمر أخر دخول السيارة الى منتزه الحبلة ب 30ريال قلنا ماعليش يمكن تستاهل لكن تفاجأت بالحبلة كراسي مكسرة وكبائن محجوزة وممرات لاتصلح للتنزه الادمي كان من المفروض تسليمها لشركة متخصصة في السياحة والله تفشل قدام زوارها من الخليجين لان أرى في عيونهم علامة تعجب لهذا المكان
دمت بود

الله المستعان
هذا هو الاستغلال بعينه أجل أدفع خمسين ريال أنا وعمري 32 سنة وما ألعب وياليت على ألعاب تسوى ماغير قرمبع أكل عليها الدهر وشرب .
راح أحكي لك موقف حصل لي تقريبا قبل خمس سنوات وبعدها حرمت أركب تلفريكهم الخردة
الساعة خمسة العصر ركبت أنا والمدام وولدي خالد من الجبل الأخضر مرورا بحديقة أبو خيال وانتهاء بأبها الجديدة ، قضينا الوقت كله في التجول في المدينة الترفيهية ولعّبنا خالد وتعشينا ، مع صلاة العشاء جاء مطر غزير قلنا نلحق التلفريك قالوا ممنوع الحين مطر ، انتظرنا لين الساعة 11 حتى وقف المطر تماما ، رحت لهم عشان نرجع الجبل الأخضر متنا برد والسيارة هناك قالوا معليش التفلريك عطلان والحين صيانة وماراح يشتغل إلا بكرة ، طيب انا وش ذنبي قالوا مالنا علاقة فيك .
صرت أحوس في مكاني وأدور أبغى مكتب أو إدارة أو شخص يتكرم بتبرير الموقف وحله ماش ، لين ربي أرسل لنا رجال موظف في شركة ( سياحية ) ولد أجاويد ماقصر جعله الجنة وصلنا لين الجبل الأخضر ، عاد المضحك في الأمر يوم وصلنا مدخل الجبل الأخضر إلا والموظف يبي تذاكر حق دخول الجبل
قام الرجال الله يجزاه خير وقاله هذولا ضيوف عندنا قام الزول يرحب ويسهل ويرقع
يوم ركبت السيارة وأطق بهذاك اليمين توبة إن رجعت لكم ولتذهب أيها التلفريك إلى الجحيم .

فعلاً أسعار مبالغ فيها مقابل خدمة ليست بالمستوى المطلوب ولا حسيب ولا رقيب ,
وإذا خصمك القاضي ,,, من تقاضي

بلا سياحة داخلية لا هم

الحمدالله على كل شي نقول

توبه سياحة داخلية
اما سفرة خارجية ولا في بيتي تحت المكيف
والمبلغ واحد سواء ادفعه هنا او برا
بس يخسون هنا ادفع لهم قرش

صراحه اللي صاير بأبها قمة الاستغلال
ارتفاع فاحش في الاسعار وياليت على خدمة زي الناس ....
انا مو قاهريني إلا الفشايل قدام السياح الخليجين ...
عيب عليهم فضحونآآآ ..

سبحان الله على كثر التذمر وأصوات الشجب والاستنكار من الجميع نجد جميع المنتزهات مليئة تماماً بالسياح
لماذا لانقاطعهم ونتفق؟ يستحيل طبعاً
أبها تنفع كسياحة للمضطر وماقدومي لها إلا لعدم حجزي وتخطيطي المسبق للسفر للخارج فقط
أكاد أجزم أن هذا الإهمال متعمد إلى حد كبير ولكن لماذا ؟ يبقى هذا السؤال حائراً بلا إجابة !