حمودي حماده
05-11-2022 - 02:37 am
هلا بالشباب وش العلوم وش الاخبار
طرى في بالي هذا الموضوع لأني شوي وصرت ضحيه بس الله ستر على وعدت على خير
موضوع صرف الدراهم او الفلوس او القرنقش ..... او الموني .... أو إمبيرا بالتقالو عندهم
انا بالنسبه لي صرفت من مطار الرياض 400 ريال علشان امشي حالي به لاوصلت للتكسي والبطاقة لاكن المهم الريال ب10 بيسو يعني اكلين شوي منه قلت يالله مالي حيله اطلع واروح بزحمة الرياض وصرفت والباقي دولارات وحتى الدولارات سعرها غالي بالحيل صرفت الدولار ب3.77 ريال يعني من البيسو ومن الدولار يعني صرف بالمطار مافي هذا اول شي ...وحنا بديرتنا :x1::x1:
ثاني حاجه انا بالورده طبعا طلعت انا وصاحبي نبي ناصل السوق قال ابصرف قلت يالله اول ماطلعنا من الفندق قال لنا واحد تعالو صررف الدولار ب49 بيسو يعني اربع آلاف وتسعميه وشوي انا خابره 48 وشو الميه دولار فرحنا لم كشك الصرافه وطلع حساب رفيقي 7500 بيسو وبعد ماحسبهن صاحبي طلعت الفلوس 4500 والرجال الي صوت لنا يتكلم مع صاحبي ويقول له دخل الفلوس بشنطتك ولا بجيبك وسكر الباب بعد بعدها رمى صاحبي الفلوس وقال هات دراهمنا مانبي تغيير ظف وجهك ولا بعد الي تصرف الفلوس حرمه بعد الله يحمانا فنصيحتي لا تصرفون الا من وسط المولات او من البنك المعتمد حتى في مطارهم لاتصرفون لانه مايطلعك يحسبونه مثل مطار الرياض... هذا الموضوع للاستفاده من المسافرين الجدد ولايهونون اهل الخبر بعد :8888:
تحية طيبه
انا اصرف من البنوك بالرياض او بالصرافين بالبطحاء احيانا نفس السعر 3.77 للدولار ..
اما بالنسبه لتنبيهك عن الصرافين انا والله اتحاشى الصرافين اللي اول ما ادخل عليه يقول السلام عليكم او حاط صورة الكعبه للاسف .. واللبيب بالاشارة يفهم .
وبالظبط وتنبيهك على متمه ما فيه افضل من المولات او البنوك ولكن احيانا الاوقات ما تسعفك للصرف منهم وتظطر انك تتجه للصرافين .
اذكر بعض الاخوان يقول الصرف من الصيدليه او اللي بجمب الصيدليه والى الان اتمنى اعرف هل يوجد صراف او صرف بالصيدليات او اماكن مأمونه وسعر العالمي .
اخوي حمود الحافظ الله ويفضل ان تتعامل مع صراف واحد فقط .