1. السلام عليكم ورحمة الله وبركاته

السلام عليكم ورحمة الله وبركاته

أخواتي و أخواني الأعضاء تحية طيبة، في البداية أشكر كل من وضع لمساته في هذا المنتدى الأكثر من الرائع و الذي يهتم بإستفسارات المسافرين، إعزائي لا أريد أن أطيل عليكم... أنا فقط أحببت أن أنبهكم من موقف صار معي أثناء قيامي بحجز لفندق هوليدي إن بوكيت وتريدرز كوالالمبور عن طريق موقع AsiaRooms.com ، إلي صار معي و أتمنى إن كل عضو ينتبه منه كالآتي:
قبل أسبوع قمت بحجز غرفة في فندق هوليدي إن بوكيت لمدة 5 أيام عن طريق AsiaRooms.com و أيضا في فندق تريدرز كوالالمبور، طبعا الخطوة الاولى AsiaRooms.com تقوم بعمل حجز عالبطاقة الائتمانية على القيمة الاجمالية عشان يتأكدون إن المبلغ موجود، الخطوة الثانية AsiaRooms.com تروح تتأكد من الأوتيل إذا فيه إمكانية حجز على التسعيرة الموجودة على موقعهم، الخطوة الثالثة إذا صار فيه إمكانية يرسلون لك إيميل تأكيد بحجزك، أما إذا لم يكن هناك إمكانية يرسلون لك إيميل يقترحون فنادق أخرى، طبعا إذا قررت إنك تبي تدور في موقع ثاني غير AsiaRooms.com و تبي تسترد فلوسك بيرجعونها لك لكن راح ياخذ منهم الموقع من 4 الى 5 أيام عمل :112: طبعا هذا بصراحة شي أغضبني إنهم حجزوعلى فلوسي في ساعة الحجز و لما بغيت أكنسل أنتظر 5 أيام و هذا قد يشكل معضلة لبعض الأشخاص إذا مايبون يتعطلون و يلاقون حجز بسرعة، فعليكم يا أعزائي في حالة إنكم بتحجزون من AsiaRooms.com إنكم تتصلون و تتأكدون إذا فيه إمكانية حجز على الفندق إلي تبونه عشان ما يسير معكم زي ما صار معي و السلام ختام؛؛؛ و أتمنى إن هذي المعلومة تفيدكم؛؛ أخوكم محمد