رحلة موفقة
اللي اعرفة ان الفيزا ماتطول في السعودية كثير حسب افادة الاخوة في المنتدى
حاولوا تقدمون عليها من الان عشان تلحقون القوقت افضل
واعتقد في شركات سفريات تتولى استخراج الفيزا
وافضل انكم تتصلون السفارة الفرنسية بالرياض وتتاكدون شنو المطلوب
وعلى فكرة الصورة بحجاب وعادي جدا ولا تطلع الاذن ولا منبت الشعر
يعني احنا يوم سوينا فيزا امريكا طلبوا ان الاذن تكون طالعة فقط
اما فيزا اوروبا ولندن بعد يكتفون بالخلفية البيضاء
وربي يوفقكم ورحلة موفقة ان شاء الله

lمثل ما ذكر لك اخوي قطر
واحب اضيف نقطة هنا بانه يجب ان تحدد موعد لتقديم اوراقك للسفارة
يعني مايصلح تروح لهم مباشرة وتقدم اوراقك
وممكن تحدد موعد عن طريق موقعه الالكتروني هنا
http://www.ambafrance.org.sa/
وكذلك تطلع علي باقي الشروط
وعلي العموم ماتقلق..الموظفين هناك متعاونين ..يعني لو رحت لهم وشرحت لهم انك مستعجل علي التاشيرة ووريتهم التذكرة بان تاريخ السفر قريب اتوقع يتساعدون معك
اتمني لك سفر سعيد

هلا اخوي ترسلها لمكتب سفريات بالسعودية افضل
ب800 ريال يسويها لك خلال 15 يوم بالضبط ولا تروح الفرنسية خل المكتب يسويها لك من السفارة الايطالية شقردية ما شاء الله عليهم تقول فيهم عرق اعربي يسونها لك لمدة سنة كاملة وتحتاج ورقة تعريف من الجامعة انها طالبة واتوقع كشف حساب لوالدها انا مش متأكدة من هذي النقطه بس المكتب راح يريحك وانصحك بالمكاتب الموثوقه عندنا بالشرقية مثل سفريات الطيار وعبدالله فؤاد وسفريات كانو هذا اذا هي بالخبر او الدمام وبالنسبة للصور لا طلعت اذني ولا منبت الشعر بس الحواجب لازم تطلع كاملة والخلفية بيضاء وكان الله غفوراً رحيما
بس هم يقولون الاذن ومنابت الشعر كلام بس

الله يعطيكم العافية والله ماقصرتوا ورايتكم بيضا
أنا قررت إني أستخرج لهم الفيزا من اهني من سفارة فرنسا في بوظبي لأنه المواعيد في الرياض وايد متأخرة يعني أقرب موعد بتاريخ 25-2 وانا سفري تاريخ 17، لكن في بوظبي فيه مواعيد باجر حتى، ان شاء الله اليوم بيطرشون لي جوازاتهم ب fedex وبتوصل باجر، والحين توني كلمت السفارة الفرنسية في بوظبي وقلت لهم اقدر اقدم لسعوديين قالولي هيه تقدر بس بشرط بكونون مقيمين في ابوظبي وانا بكتب بالابليكيشن انهم مقيمين في ابوظبي ولا أحد يدري لأن حنا الخليجيين فديتنا مانحتاي فيز في بلادنا والفيزا كلها 10 أيام وبتطلع بالنسبة للسعوديين ويومين بالنسبة للإماراتيين، والأجراءات وايد سهلة صراحة، أنا ما أحب أسير مكاتب وأخسر عمري بصراحة كل اللي اسويه اني اعبي الابليكيشن واسير اعقه في السفارة ويقولون لي تعال بعد يومين، لأن الاجراءات والمواعيد عندنا وايد سهلة
يعطيكم العافية ماقصرتوا

مرحبا اختنا ام اسيف اولا اشكرك على افادتنا باالمعلومات القيمه ولكن ودى اسالك بصراحه وين المكتب اللى يطلع لى الفيزا علما انى نازل السعوديه بعد شهرين من الان هل اقدر امر المكتب ويخدمنى باستخراج الشنغن لانى انا احمل فيزا طالب فى بريطانيا
ارجو مراسلتنا على الخاص ان امكن والف شكر
تحياتى لك

silnt man
هلا اخوي المكاتب كثيرة بس انت من الشرقية؟ لان المكاتب الثقة الي اعرفها بس بحدود منطقتي وهي الخبر
بس فيه شخص من قرايبنا طلع الفيزا من جدة عن طريق شركة سياحية من النت اسمها ريكسون بالف ريال اذا تبيهامن غير حجز فندق او طيران ومن غير كشف حساب من البنك وترسل الجواز بالدي اتش ال
وسو سيرش بقوقل واكتب ريكسون ويطلع لك الموقع وتواصل معاهم
اما انا سواها لي المكتب من السفارة الايطالية ب800 ريال للكبار ولبناتي من دون 12 سنة ب700 ريال ولمدة سنه كاملة وانا الحين في باريس والحمد لله ما واجهت اي مشاكل
وبالتوفيق ان شاء الله
وبجي يمكم لندن بس بزور هاريتز واتسوق فيه وارجع بنفس اليوم

السلام عليكم في الحقيقة انا معجبة بمواضيعك وبما انو عندك الخبرة في السفر فيك تساعدني انا مقيمة بالامات العربية المتحدة وبصدد السفر لكن لا يمكنني ترتيب ملف التاشيرة اخاف من الاغلطات وبما انك مقيم بالامارات اطلب منك ان تعطيني عناوين الشركات السياحية هنا اذا كان امكن وخاصة من لها الخبرة في طلبات تاشيرة شنغن المانيا وشكرا اخي العزيز

السلام عليكم اخوانى واخواتى مسلمين ومسلمات
انا طبيب اوربى مسلم وعندى شهاده تفيد انى مسلم والحمد لله ارغب اداء عمره فى رمضان وارغب من الاحوه والاحوات الذين لديهم معلومات كيفيه استخراج التاشيره لعمل الغمره او حطاب دعوه من احد الاحوه او الاخوات السعوديات من لديهم مؤسسه او لهم القدره على خطاب الدعوه ارجو مراسلتى على الايميل الخاص بى
وجزاكمالله خيراكثبرا
أم سيف76

اوربى مسلم
وعليكم السلام ورحمة الله
اهلا بك اوروبي مسلم بين اهلك واخوانك
اتمنى اني استطيع ان افيدك لكن اعتقد لو تضع سؤالك في هذا القسم سجد تجاوب اكثر
حجوزاتك الى مكة المكرمة مع رحلة الإيمان https://artravelers.com/s/259
وعمره مقبولة ان شاء الله