السلام عليكم ورحمة الله
اخي الكريم
السله الخلفيه تنباع جاهزه واذا انت من الكويت تلقاها
في صناعية الشويخ وهي افضل من اللي على السقف
للاسباب هذي
اسهل في التحميل والتنزيل
يقلل من مقاومة الهواء للسياره بعكس سلة السقف
لكن حيزها صغير مقارنه بسلة السقف
واسمحلى رديت بدال الاخ ابو راشد (كاكا )
لانه غايب عسى الله يرده بالسلامه
والله يوفق الجميع

مشكور أخوي على الرد
بس أخوي تباع مع الطربال ولا اول شي اشتريها بعدين افصل الطربال ؟
الله يحفظك
ويرد الأخ بو راشد سالم غانم
آمين

العفو اخوى
اعتقد انها تباع من غير طربال لكن الطربال مو مشكله
تقدر تفصله وتقدر تشتريه جاهز من سوق السلاح ( المباركيه)
وسعره مايتعدى العشر دنانير

السلام عليكم اخي ( Bu_Turki )
هلا وغلا بوتركي انا نصيحتي لك بأن تكون الاغراض داخل السياره واذا لاتكفي فأنصحك بوضع شنطه فوق السياره افضل لان عند وصولك للغايه تكون السياره خفيفه للتنقلات .
واذا تبي الاحسن بعد في صندوق يوضع فوق السياره وفيه قفل وشكله جميل جدا انصحك به لان الاوربيين يستعملونه دائما بس في سلبيه واحده فقط لا تستطيع ان تدخل به إلا في المواقف الخارجيه ( الساحات المفتوحه )
:smile001:

الأخ فيانو
الغرض من العربانة او السلة للسيارة ما هو إلا لراحة العيال تدري الطريق طويل
إن شاء الله تعالى راح اسوي خط سير الرحلة على يوم السبت او الاحد القادم ويهمني رايك جداً
الظاهر راح اسوي زي كل مرة ابروح سوق السلاح واسوي طربال واحط أغراضي فوق داخل الطربال يمنع دخول الغبار ويمنع المطر و يوسع للعيال داخل السيارة . والله يستر
لأني ودي أخذ عزبة كامله (خيمة بلاستيك - كراسي تتصفط - أدوات الطبخ - أدوات القهوة (أهم شي) )
وسلامتك