1. بخصوص استفساراتك


2. 4- يمكنك صرف اليورو من مكاتب إنجاز في الرياض

و عليكم السلام و رحمة الله و بركاته
أخي الكريم فالنسيا مبروك انك خلصت امورك و بالتوفيق و بخصوص الموضوع مايحتاج رفع لأني ما راح اخلي موضوع ان شاء الله دون الرد عليه

بخصوص استفساراتك

1- أنا أفضل السعودية على الفرنسية و هناك نصيحة خاصة إنك تخلي الرحلة المواصلة إلى اسبانيا تكون متأخرة حاول تكون فترة انتظارك في مطار باريس اكثر من 3 ساعات, لأن مطار باريس في الرحلات المواصلة يأخرون وصول الشنط و العفش لك و يمكن تحتاس و تتأخر أغراضك و يمكن تضيع فهم متعبين من هذه الناحية, فالأفضل تغيير الخطوط إن أمكن أو الجلوس أكثر من 3 ساعات.
2- بمجرد دخولك الإتحاد الأوروبي هم اللي راح يختمون لك يعني أنت ما يحتاج إنك تشيل هم هذا الأمر, فإذا ختمت في فرنسا ما راح تختم في اسبانيا
3- مدينة تاراقونا مدينة حلوة و جميلة و قريبة من برشلونة و متوفر فيها كل شي و انا تطرقت لها في اكثر من موضوع و كتبت عنها كتابات مختصرة لكن اشهر ما فيها الملاهي العالمية بورتافينتورا

4- يمكنك صرف اليورو من مكاتب إنجاز في الرياض

5- الشريحة هي افضل على حسب استخداماتك لكن بما انك توك واصل خذ فوادفون و بعد فترة بعد ما تعرف الفروق انت تشوف وش اللي يناسبك اكثر, لأن اللي مكالماته مثلا كثيرة في وقت معين فالافضل له فوادافون و بعض الاوقات موفي ستار ,, ,بس الفرق بسيط و ما يستاهل تشيل همه في البداية
6- انت عندك رقمي في فرنسا و اي شي تبيه و انت هناك او اي مشكلة تواجهك لا تتردد في الإتصال علي و خصوصا اني اتردد كثير على اسبانيا و بكون متواجد كثير هناك و نشوفك ان شاء الله

الشاب
عبدالمجيد ,, ماقصرت وربي يوفقك , ويا بخت فرنسا فيك :smile127:
بالنسبة للنقطة الاولى صراحه مافهمتها , انا حاولت احجز ع الخطوط السعودية من الرياض لمدريد لفالنسيا لكن مكتب الطيار ماقدر يحجز على خطوط ايبريا بحجة ان مافيه اتفاق معاهم ,, فأغراني بسالفة ان الشنط تكون دايركت على فالنسيا بالخطوط الفرنسيه من غير تعب لي والحين ماعتقد فيه امكانيه اغير الخطوط ,, ومثل ما قلت ان الرحلة راح تتوقف في باريس 4 ساعات هل هذا في صالحي يعني ,, وماني عارف كيف ااخر رحلتي في باريس لأكثر من 3 ساعات ؟ ,, نورنا الله ينور عليك
شي ثاني يا عبدالمجيد ,, مثل مانت عارف ملحقيتنا في باريس ففكرت اني امر عليهم , هل اقدر اسوي الشي ذا خصوصاً ان فيزتي اسبانيه , ومابعد اخذت بطاقة الإقامة . وهل يمديني خلال 4 ساعات قبل اقلاع الرحله ؟ مادري إذا سبق ومريت عليهم او لا ؟
موفق خير يا استاذي ,,

فالنسيا
اذا كان الإنتظار 4 ساعات فأنا أشوف انه مناسب, و الشي الثاني انتبه تحط اغراض ثمينة و مهمة في الشنطة اللي راح تشحنها, و خل الأغراض المهمة في شنطة يد معك مثل الكاميرا و أوراق مهمة مثلا أو ساعات أو نظارة, لأنها ما راح توصل مع اغراضك اذا وقفت في مطار باريس لأن فيه حرمية كثار من اللي ينقلون اغراضك و اسألني فيهم.
لكن تبي نصيحتي تريح نفسك , خذ على الخطوط السعودية الى مدريد و خذ من مدريد الى فالنسيا قطار او انت قص التذكرة لحالها بدون ما تسويها عن طريق الطيار و تطلع لك رخيصة علشان ترتاح من هالسالفة كلها
اما انك تمر على الملحقية فهذا ما له داعي و ما راح تحتاج انك تمرهم و لا شي و كل الشباب في اسبانيا ما احد راح الملحقية و انا ما عمري مريتهم و حاليا انا في فرنسا بعد
اما انك تروح الملحقية خلال 4 ساعات فهذا شي مستحيل مستحيل و انتبه تسويها

عبدالمجيد باسوي اللي قلت عليه ,, لكن ماعتقد اني اقدر اغير خط الرحلة او الخطوط ,, الفلوس اندفعت وخلاص ,,
الله يعطيك العافيه وبيننا اتصال ان شاء الله