وعليكم السلام ورحمة الله وبركاته
أتمنى ان تبعد عن البكج وبعض الفنادق المذكورة ليست خمسة نجوم
كماجستيك جراند مجربه شخصيا وهو 4 نجوم
والأفضل تحديد ميزانية الفندق في الليلة
وهل الرحلة تبيها استجمام ورحلات وزيارات فقط
وإلا سهر وطرب
وابشر بإذن الله مابنقصر معاك
كل الود

الله يوفقك يالحنون .. على سرعة الإستجابة
أنا بصراحة صرت متعود إني أبحث على البكج في أي دولة أزورها لأول مرة
لأني قد أخذت لي كم درس من سفرات مضت .. إلى دول أخرى !
وبصراحة .. المكتب السياحي لما يكون ثقة مثل هذا .. يقدر يوقف معك وإنت برى لو غيروا عليك أي شي في البرنامج
وهو يتكفل بالتفاهم معهم وتعديل اللي تبغاه والإلتزام بالبرنامج غصب عنهم وتريح إنت نفسك من كثرة الكلام
( أنا جربت بموقفين بدولة تركيا .. وفي كل مرة اتصل عليه وهو مباشرة يتفاهم معهم وأعطاني اللي أنا ماشي عليه بالضبط / خصوصا وإن التفاهم معهم ومع عنادهم كان صعب بصراحة )
فأبغى رأيك الله يخليك بالسعر= هل هو مناسب لعدد الأيام والسكن ؟ + الأماكن المحددة هل هي مناسبة للإستمتاع أو أغيرها ؟
وكل اللي ذكرته إنت مطلوب
ولكن يهمني في المقام الأول " التصوير " لأني مصور محترف ومعي العدة كاملة وأبحث عن اللقطات المميزة جداً
وألف ألف شكر مرة ثانية

يامشرفين يا أعضاء المشورة تكفون ..
أعتمد الجدول ولا أغير

اسف للتاخير
من ناحية فنادق البكج فهي غالبا للعوائل ,,,
وانصحك بفنادق معقولة وأسعارها اقتصادية 4 نجوم او 3 نجوم والشور لك
وتقسيم الايام في نظري /
4 أيام بتايا
7 أيام بوكت
3 بانكوك
من ناحية شنقماي هي عائلية وتصلح للعرسان وفيها مغامرات وبكل امانة لم ازورها من قبل
وبامكانك زيارة هذا الرابط للأستفادة اكثر /
https://artravelers.com/p/re/717123
كل الود

ابشر بنصحك وانشاالله اني لك من الناصحين
اولا :
الفنادق اللي ذكرتها بالجدول كلها اربع نجوم ماعدا جراند ميلينيوم اللي في بانكوك ما اعلم عنه بصراحه
ثانيا : وهذا اعتقد شي مهم لك بأن اسعار الفنادق مبالغ جدا فيها بالسعر وماتوصل لهالسعر لانها اقل بكثير من الواقع
ثانيا :
انصحك بحجز الفنادق من مواقع الحجز المعتمده مثل : agoda او booking
لانهم اقل بكثير من سعر المكتب اللي ذكرت بس بموقع الحجز اللي ذكرت لك من غير ضريبه وانتبه لهالشي
ثالثا :
جدول الرحله المقترح
الذهاب على طول الى بوكيت بالطيران الداخلي واذا انتم تحبون البحر من ليلتين الى ثلاث ليالي ولا تنسو عرض الفانتاسي
وبعدها تعودون لمطار بوكيت ومنها الى الشمال لمدينه شيانج ماي وانصحكم في فندق رويال برنسس لانه حلو وشرح ومقابل السوق الليلي وثلاث ليالي كحد اقصى
ورحلات شيانج ماي تقدر تشوفها بجدول الرحلات وانا اخالف زميلنا الحنون لان شيانج ماي حلوه جدا وممتعه ولاتنحصر للعائلات فقط بالعكس الا للشباب لانها كلها رحلات بين الطبيعه والشلالات وعروض الفيله ولاتنسو اهل الرقاب الطويله ومزارع الشاي واعلى قمه في تايلند بتشوفوها بعد ماتاخذو رحله سياحيه من الفندق او مكاتب الرحلات الخارجيه وانصحكم تاخذون الرحله من مكتب الرحلات التابع للفندق
رابعا :
ترجعون لبانكوك وتقضون فيها باقي ايامكم علشان اذا بتشترو الهدايا للحبايب ومن بعدها رحله العوده للمطار
هذا الجدول بمعرفتي واتمنى اني وفقت .

الحنون .. بيض الله وجهك والله ماقصرت ,
( دائماً ما تحصل بوكيت على الترشيح الأكثر من عدد الأيام )
بإذن الله سأوافيك من هناك بالتفاصيل
ألف شكر

يوسف .. ألف شكر ياغالي
أعتقد ان شانق ماي في أقصى الشمال وبوكيت وباتايا في الجنوب = يعني مشاوير
لكن الجدول اللي حطيته انت رائع ومناسب لو ما حذفناها من الجدول بعد التشاور
عاجز عن شكرك , كفيت ووفيت .

مصور محترف ومعك عده
انت يبي لك مناظر طبيعيه وترابط في عدد من الاماكن
لا تضيع ميزانيتك في الفنادق
في انتظار صورك الاحترافيه لتنافس مصورين قناه ناشونال جيوقرافك

يانون .. تلخبط كل شيء
صديقي اللي معي صار له ظرف صعب مع ولده .. والحمد لله على كل شيء
والأفضل إني مادفعت التذاكر ولكن إطلعت على الأسعار على موقعم فقط
عموماً أنا رايح رايح بإذن الله ..
وبأروح لوحدي على أقرب يوم في نهاية هذا الأسبوع أو بداية الأسبوع القادم ( واللي يبغى يخاويني الله يحييه والله )
والحمد لله أيضاً .. دخلت على الموقع ولقيت فيه إمكانية بنفس السعر تقريباً ولكن الأهم إنه مايكون يوم الأربعاء فقط لأن السعر يختلف
ولعل فيها خير والحمد لله على كل شيء

• * *

ناشونال جيوقرافيك مرة وحدة صعب .. لكن بأحاول باللي أقدر عليه
عندي موضوع مصور بسيط نزلته هنا بقسم الكاميرات والصور عن سفرتي لتركيا .. حياك :
بعنوان : النورس التركي 2012