بداية أقدم شكري الخاص لأبو عزيز المبدع في موسوعته السويسرية الشاملة والوافية من كل الجوانب ...ولا يهون خبراء
سويسرا اللي اتحفونا بتجاربهم الممتعة..
بس عندي استفسارات أتمنى تجاوبوني عليها خاصة إن الترتيب يعتمد على إجابتكم..
أولا.. أبغى أفضل مخيم صيفي في سويسرا لبنتي تسع سنوات وولدي ست سنوات لمدة أسبوعين أو ثلاثة ويفضل يكون مو في جنيف ..وكيف عنايتهم للي جربوه خاصة بالنسبة للبنات.
ثانيا... حابة أدخل معهد لغة انجليزي في سويسرا لمدة سنة طبعا بعد الصيف ان شاءالله ..إيش أفضل المعاهد وكيف مستواهم خاصة إني أبغى التوفل تمهيد للدكتوراه ان شاءالله وأفضل كمان يكون في زيورخ أو انترلاكن أو لوزيرن..وكيف حتكون دراسة أولادي في مدارسهم.
ثالثا...إذا حبيت أمتلك شقة أو بيت في سويسرا...إيش أفضل المدن وكيف الأسعار والطريقة ...
أعتذر عن الإطالة بس محتاجة إجابتكم وتخطيطي حيكون على أساسها ...وشكرا على تعاونكم والله لايحرمنا من منتدانا الرائع