اخوي بترولي 2 حياك الله في الاحساء وانشالله توصل بالسلامه
بالنسبه لأحسن مطعم عندك مطعم فرايديز مقابل جامعة الملك فيصل
اذا بغيت كافيه في عندك جوفريز مقابل فندق الانتر في مجمع سيتي بلازا
الاسواق عندك العثيم مول مو بعيد عن الفندق
وبالنسبه لسوق دعيدع اللحين البلديه قاعده تبني سوق شعبي متكامل
لسوق دعيدع وسوق واقف
وسوق القيصريه انشالله قريب يفتحونه
بالنسبه للفندق هذا الموقع راح يفيدك انشالله
http://www.ichotelsgroup.com/intercontinental/en/gb/locations/alahsa
انشالله كفيت وفيت معك
ولد الهفوف

حياك الله اخوي بترولي في الاحساء
ولا يهون اخوي ولد الهفوف ........ عطاك اياها بالمختصر والاماكن القريبه من الفندق
بس عندي بعض الاضافات لو حبيت تاخذها
بالنسبة للمطاعم في الكثير منهم وانصحك تجرب فندق الانتر طعاهم جييد وبرضوا في عندك قريب مطعمين ايطاليين
في نفس سيتي بلازا المقابل للانتر . وايضا مطعم ديالي في طريق حي الملك فهد ( المحدود ). وايضا في مطعم توباز ومطعم مروش في شارع الجامعه . ومجموعة مطاعم سفود ومطاعم الانعام هذا بشكل عام من افضل المطاعم
بالنسبة للكافيهات يمكن الافضل جوفريز مثل ماذكر اخوي ولد الهفوف وايضا يوجد الرصيف في شارع الثريات وفي ايضا واحد جنبه بس ناسي اسمه . بس لا يفوتك الكوفي شوب حق الانتر بصراحه ابداع وخصوصا لما يكون الجو رايق
لا يعفس عليك جوك بسبب الرطوبة . هذا مكاني المفضل .
بالنسبة للاسواق حاليا الاشهر والافضل هو العثيم مول . وموجود مول الاحساء بس لسة مافتح المول كامل وثالثهم السيتي بلازا
هذا للمولات ... اما البقية فموجود شارع السويق طبعا هالسوقي نسائي 95 % وسوق شارع النجاح . على الاغلب هذا اماكن التسوق في الاحساء
اما سوق دعيدع خ هالاسم من الايام الخوالي ههه
سوق دعيدع اكثر شي يكون في يوم الخميس لأنه الغي هالسوق ولا مكانه القديم خلاص اندثر
اما القيصرية قريبا يكون جاهز باذن الله ...... ونرجع الايام الخواي فيها
وبالنسبة للفندق اسعاره ابتداءا من 750 ريال على ما اعتقد .... انا اللي اتذكره اخذته ليلتين حق زواجي بس كان عرض ب 550 ريال طبعا هالكلام قبل فتره بس حاليا بناء على الموقع حق الفندق بيكون 750 ريال
بالتوفيق ان شاء الله واي خدمة في الاحساء انا حاظر واكيد اخوي ولد الهفوف ماراح يقصر
تحياتي ....((

السلام
لي رغبة بزيارة الهفوف يوم الاحد 13 شعبان لمدة يومين
هل بالامكان افادتي وارشادي عن أماكن شقق مفروشة نظيفة وسعرها معقول وموقعها جيد ؟
بانتظار الرد . . . وشكرا مقدما .

اخوي سيفاوي أنصحك تروح شارع الخليج في وسط الهفوف تقريبا
لأنه فيه جميع الأنواع رخيص و غالي و قديم و جديد
وشكرا...