ماحد عنده فكرة .... ولا ماحد يبغا يساعد ؟؟؟ :112:
عموما .... يعطيكم العافية ومازلت بأنتظار الردود

هل لديك رغبة ياسيد هابو7 في زيارة المتاحف
هناك العديد من المتاحف طبعا اهمها هو المتحف البريطاني و يليه متحف التاريخ الطبيعي و متحف و سائل النقل , و المتحف العلمي و غيرها كثير .
ارجو لك رحلة سعيدة , و لا تزعل علينا ياسيد هابو 7

شكرا ياسيدي alderhim ويعطيك العافية
في الحقيقة أنا أحب المتاحف بس مالي ثقل عليها كثير
وراح أزور متحف الشمع والمرصد الملكي وبس.... المتحف البريطاني زرته مرة من زمان
أكرر شكري لك ... بس أيش رأيك في الاماكن اللي ذكرتها أنا في الأول
لو ممكن تتكرم علي وتحدد ايش اللي قريب من بعضه عشان أخليه في نفس اليوم
وتراني ماني زعلان ... بس كنت أتوقع تفاعل أكبر من الأخوان و الأخوات ...
يمكن علشان رمضان ؟؟؟ والناس مشغولين
نسأل الله أن يتقبل صالح الأعمال من الجميع

يا أخي كل الأماكن اللي ذكرتهم , هي قريبة من بعض بس مو معناه انك تروح لهم مشي على رجليك , لا لازم تركب وسيلة مواصلات و ما أسهل المواصلات في لندن .
أما Blue water أظنه انه سوق أو مجمع أسواق خارج لندن , إذاكان عندك وقت تضيع لك يوم كامل رح له وإلا ما يحتاج تروح له.
و أتمنى لك رحلة موفقة و ترد بالسلامة

1. هلا يا طويل العمر .. اسمح لنا على التاخير .


2. بخصوص الاماكن الجريبة من بعض هي كالآتي :

habboo7

هلا يا طويل العمر .. اسمح لنا على التاخير .

بخصوص الاماكن الجريبة من بعض هي كالآتي :

اوكسفور ستريت و الهايد بارك يم بعض ييعني تقدر تاخذ لك لفة في شارع الاكسفور و تتسوق و بعدين تدش الهايد بارك تطلق رجولك و تشم لك هوا نظيف ، و على فكرة ترى هارودز مكانه في الطرف الثاني من الهايد بارك بس بتتعب من المشي .
لندن آي و الجولة في نهر التايمز و مبنى البرلمان " ساعة بيق بن " يم بعض ، و المكان هناك شحلاته خصوصاً تحت لندن آي يعني الواحد يقد مجابل النهر و يغسل قلبه و يطالع الرايح و الياي .
ترافلجار سكوير " ساحة الحمام سابقاً " و البيكاديللي سيركس و ليستر سكوير ذلين جراب من بعض يعني تقدر تتنقل بينهم مشي، هل اماكن وايد حلوين و فعلاً تحس انك في لندن .
متحف مدام توسو هاذي في بيكر ستريت ، و يم المتحف عندك حديقة ريجن بارك و فيها حديقة الحيوانات ، الصراحة ريجنت بارك حلوة و هادية و احلى من الهايد بارك الي متروسة من العرب خصوصاً في الصيف .
محلات هارودز موجودة في النايتس بردج ، هاذي المنطقة حلوة و راقية و كلها محلات معروفة و قهاوي ، و مثل ما قلت لك هل منطقة صايرة في الطرف الثاني من الهايد بارك . تقدر تروح لها عن طريق الاندرجاوند و تنزل في محطة النايتس بردج .
باكينجهام بالاس هاذي بروحه ما يمه شي الا سانت جيمس بارك و اهيه من الحدايق الملكية ، و في يمها متحف الحرس البريطاني .
اما بخصوص greenwich و blue water فذلين بره لندن . انه رحت مجمع بلو ووتر اذا تحب ممكن اشرح لك الطريقة ، و بعد اذا تبي نقولك عن اقرب محطة مترو للاماكن السابقة انت اطلب و احنا تحت امرك .

قوس النصر
جزاك الله خير اخوي قوس النصر على المعلومات المفيده

ابوفيصل*
تسلم اخوي بو فيصل هذا من ذوقك