صعب لكبار السن التنقل في المترو
الجدول ابدؤها بالشانز وقوس النصر وساحة الكونكورد واللاديفانس
الثاني ديزيني لاند
الثالث : الحي اللاتيني وبرج ايفل ونهر السين
الرابع : تسوق+ اللوفر

يعطيك العافيه أخوي
طيب وش ترشح لنا وسيله نتنقل فيها؟
هل الباص السياحي ممكن يكون حل مناسب ؟ ولا مايوصل لكل أماكنا اللي بنزورها اللي طرحتها لكم ؟
أنا ودي أبعد عن جشع التاكسي ولاأستخدمها الا ماندر
أنتظر شورك علي

الجدول كالتالي :
الثلاثاء :الوصول عصرا ( الذهاب للفندق والراحه وبعدها التوجه للشانز +وبعدها العوده للفندق )
الأربعاء : القاليري لافييت + اللادفيانس+ الحي اللاتيني < هل يوصلها الباص السياحي ؟
الخميس: الشانز وقوس النصر وساحة الكونكورد ( ممكن يكون جوله بالباص السياحي )
الجمعه: برج إيفيل ونهر السين والحي اللاتيني + الشانز
السبت : ديزني لاند + الأوت لت
الأحد : بيكون في هاليوم المغادره لبرشلونه الساعه 4 عصرا
شرايكم بالجدول وهل يحتاج تعديلات ( ديزني لاند ماأقدر أغير يومها أعرف أنه ويك اند وراح تكون زحمه لكن مضطره )
هل الأوت لت بيكون مفتوح يوم السبت وهو يوم اجازه عندهم ؟
وهل الباص السياحي بيغطي الأماكن اللي بزورها ؟
تكفون السفر قرب ماعاد عندي وقت

http://www.lavalleevillage.com/en/plan-your-visit/plan-your-visit?
فيه ايام يغلق متأخر حسب التواريخ باليسار واضحه من الموقع اعلاه
الباص الاحمر ما يزور لاديفانس بس سهل الذهاب لها خليها اول يوم تروحين الي لاديفانس ومن لاديفانس تروحين للشانز 10 دقائق بالمترو علشان اختصار لليوم اللي بعده وكل شيء قريب منه
الخميس ممكن ينضم لليوم الاول
وتخلون الاوت لوت يوم مخصص اذا تحبون تتسوقون
والحي اللاتيني مكرر مرتين ممكن تختارون يوم سوق مثلا Le Bon March
او حديقه

الجدول مع ترتيب بعض الأيام :
الثلاثاء :الوصول عصرا ( الذهاب للفندق والراحه وبعدها التوجه اللادفيانس بالمترو وبعدها بالمترو إلى الشانز وقوس النصر+وبعدها العوده للفندق )
وهذي هي محطه المترو اللي بجوار الفندق
Ternes وش أسم محطه اللادفيانس اللي أتوجه لها وأتوجه من اللادفيانس لأي محطه بالشانز جورج ؟
الأربعاء : القاليري لافييت + برج إيفيل ( أحس هاليوم فاضي وش ممكن نضيف معه )
الخميس: ممكن يكون جوله بالباص السياحي لمده يومين خميس وجمعه
الجمعه: برج إيفيل ونهر السين والحي اللاتيني + الشانز
السبت : ديزني لاند + الأوت لت < بنخلي الأوت لت مع ديزني لأن التسوق ناوينه بمدريد مب بباريس
الأحد : بيكون في هاليوم المغادره لبرشلونه الساعه 4 عصرا
كذا أحس أيام من الجدول مرتبه وأيام يبيلها إعاده ترتيبهل الباص السياحي يوصل للحي اللاتيني ؟
وهل فيه أماكن غير ( اللوفر + هضبه مونمارت + قصر فرساي + دار الأوبرا ) ماحطيتهم ضمن الجدول ؟
وديزني لاند السبت 30 جون تفتح من الساعه كم لكم ؟

محطه لاديفانس La Défense السوق فوق المحطه والساحه اول ما تطلع من السوق
الاربعاء اضيفي حديقه الصباح قريبه منكم
اذا معاكم ناس كبار مونمارت وفرساي ما تصلح
الاوبرا تروحون لها من جاليري لافييت ولا من الكونكورد قريبه منها
الحي اللاتيني قريب من كنيسه نوتردام مشي وحلو المشي اصلا بالمنطقه ذي
1تغلق
http://news.disneylandparis.co.uk/calendar/calendar.xhtml?day=30&month=5&year=2012

يعني الجدول كالتالي :
الثلاثاء : الوصول والتوجه للفندق والراحه وبعدها الذهاب بمحطه المترو Ternes إلى محطة La Défense التجول بالساحه والسوق وبعدها العوده إلى محطه
George V
والتجول بالشانز وقوس النصر وبعدها العوده من محطه الشانزGeorge V
إلى محطة Ternes ومن ثم إلى الفندق
سؤال : الوالده يتعبها الدرج والمشي الطويل هي مو كبيره بالسن بس ركبها تعبانه شوي هل المترو ينفع لها ولافيه تسهيلات؟
الأربعاء : التوجه لحديقه Monceau Park + القاليري لافييت + برج إيفيل ( كيف ممكن نتنقل هاليوم بين هالأماكن ؟) ووش رايك بالحديقه أنا أضفتها لأنها بجانب الفندق
الخميس : جوله بالباص السياحي والنزول عند كنسيه نوتردام والذهاب إلى الحي اللاتيني ( المسافه بينهم كيلو ولا أقل ؟) + الشانز مساء
الجمعه : جوله بالباص السياحي والنزول عند برج إيفيل وجوله في نهر السين والنزول عند كنيسه نوتردام والذهاب للحي اللأتيني + الشانز مساء
السبت : الأوت لت + ديزني لاند
الأحد : التوجه إلى برشلونه عند الرابعه عصرا
كيف ترى الجدول الآن ؟
أبي مواقيت الصلاه في فرنسا واتجاه القبله ؟

توقيت الصلاه
http://www.islamicfinder.org/world.php?lang=arabic
بخصوص المترو والله اشوف ناس كبار بالسن ماشيه معاهم الامور صحيح مو متعودين حنا بس
الأربعاء : التوجه لحديقه Monceau Park + القاليري لافييت + برج إيفيل ( كيف ممكن نتنقل هاليوم بين هالأماكن ؟) ووش رايك بالحديقه أنا أضفتها لأنها بجانب الفندق
التنقل بالمترو
هل جربتي المترو وعرفتيه ترى للعلم اذا المترو فيه تغييرات كثيره وعددكم حول اربعه انصحك تروحون تاكسي علشان الوالده
الخميس : جوله بالباص السياحي والنزول عند كنسيه نوتردام والذهاب إلى الحي اللاتيني ( المسافه بينهم كيلو ولا أقل ؟) + الشانز مساء
الحي اللاتيني كبير واي مكان يوجهكم له اقل مما تتصورين شوفي الماب
http://maps.google.com/maps?saddr=%D8%B7%D8%B1%D9%8A%D9%82+%D8%BA%D9%8A%D8%B1+%D9%85%D8%B9%D8%B1%D9%88%D9%81%D8%A9&daddr=%D8%B7%D8%B1%D9%8A%D9%82+%D8%BA%D9%8A%D8%B1+%D9%85%D8%B9%D8%B1%D9%88%D9%81%D8%A9&hl=ar&ie=UTF8&sll=48.852073,2.34924&sspn=0.003968,0.006899&geocode=FSpx6QId3NcjAA%3BFUVt6QIdbNMjAA&oq=sa&dirflg=w&mra=ltm&t=m&z=18
فيه حديقه يمدحونها خلف الكنيسه وراها جزيره صغيره سانت لويس يمدحونها وانا ما شفتها جربوا
الجمعه : جوله بالباص السياحي والنزول عند برج إيفيل وجوله في نهر السين والنزول عند كنيسه نوتردام والذهاب للحي اللأتيني + الشانز مساء
ليش تكرارا الحي اللاتيني

كررت الحي اللاتيني لأني رحت لها المره اللي فاتت وكانت ممتعه الجوله فيه
طيب لو أستبدله بساحه الرسامين
طيب كيف أوصل لساحه الرسامين ؟
وأخليها مع أي يوم وش أقرب جدول لموقعه
يعني الثلاثاء والأربعاء التنقل بالمترو
الخميس والجمعه باص سياحي
السبت الرير الأحمر
وأتوقع بيكون فيه كم مره تاكسي لظروف الوالده
أبغى أعرف محطه المترو اللي أطلع منها على ساحه رائعه مقابل برج إيفيل الساحه مرتفعه وقدامها نوافير