اولا رحله سعيده
الوقت حلو من ناحية الجو بيكون خف البردبالنسبه للخطوط ماعندي علم
الفنادق حلوه بس فطورها غير مناسب لنا
انا اخذت الغرفه بيومين بالفطور واول يوم ماعجبنا وكان باقي حجزي من غير فطور المقاهي هناك كثيره وعلى نصيحة وحده فطورهم احسن من الفنادق بس شيء في خاطري ابي اجرب
اذا اقتنعت خذ لك شقه افل بما انكم شخصين حصلت استيديو بسعر 500 باوند في الاسبوع ومع الواي فاي والحراسه
والفنادق اقل شي مايقل عن 800-900 اذا شي حلو وراقي
والشقه تطلع باقل من 500 باليوم
اما حصلتها عن اجوار رود منطقه حلوه وقريبه من الهايد بارك والاكسفورد ستريت
يمديك تروح لمانشيستر يوم وترجع
وعندك لندن مافيه امل تفضى
واذا فضيت مر على الهايد بارك
عندك مدام توسو ولندن اي والاكواريوم وساعه بق بين ونهر التايمز وجوله بالبق باص اول ماتوصل
والبكاديللي
هذا يكفيك لاسبوع ويالله بعد
وفيه رحله خارج لندن مثل السفن سيستر ومنطقة البحيرات وسفاري بارك ومزارع الفراوله في برايتون اذا هذا وقتها تلاقيهم عند المكاتب السياحيه في الاجوار رود شف كذا مكتب وخذ افضل سعر

الخطوط ممتازة و ماعليها كلام
لندن يبيلها لوحدها اسبوعين فلا تفكر في الذهاب لمدينة اخرى لضيق الوقت
برأيي فندق أفضل و خذه بدون فطور و افطر في الكافيهات أفضل خاصة كافيه the pret manager
السكن في منطقة البيكاديللي أفضل لأن الفعاليات كلها مشي
عندك مدام توسو - الهايد بارك - قصر باكنقهام - لندن آي - بق بن - الحي الصيني - السينمات
و الأسواق لوحدها و شوارعها المحيطة يبيلها 3 أيام على الأقل مثل هارودز و سلفردج
و الجو بيكون رائع نتمنى لكم رحلة سعيدة
و حاضرين لأي استفسار

عشقي السفر
اخر فرصة
مشكورين اخواني ماقصرتوا
استفدت منكم كثير
وشكلي باخذ برايكم واحجز بفندق بدون فطور
بحثت ولقيت فندق كمبرلاند ..وش رايكم فيه حلو؟؟
واذا عندكم فنادق ممكن تقترحونها علي اكن لكم من الشاكرين

ما شاء الله في نفس وقت سفرياجازة منتصف الفصل الثاني ههه
انا انصحك فقط لو تحب الكورة انك تروح مانشستر يوم وترجع .. غير كذا لا تعني حالك
بالنسبة للسكن فعلى حسب العدد .. ان كنتوا اكثر من 3 .. فالشقة افضل وارخص
بس ترى الشقق عادة بدون افطار -- ممكن تلقي بافطار الشقق الفندقية
بالنسبة للجو فعلى حسب كلام احد الاصدقاء حيكون ممتاز خاصه اخر مارس -- بارد نوعا ما وفيه امطار شويه --- والله اعلم
بالنسبة للسكن
المناطق المحيطه باكسفورد رود مثل الماي فير لكن انا افكر بويست منيستر لانه بيكون قريب من كل شئ كذا هو بالنص بين اديجوارد واكسفورد والهايد ولندن اي والبرلمان والتايمز
في موضوع انا قريته استفدت منه كثير بخصوص الجدول
انصحك تقراه
https://artravelers.com/p/re/611576

عندي سؤالمتاكد من تاريخ سفرك 21- 3
لانه مافي رحلات للخطوط هذه في نفس اليوم اعتقد

الكمبرلاند متوسط و تكلمت عنه أختنا الكويتية بشكل مفصل
خذلك جولة على الفنادق اللي تكلمت عليها في موضوعها فقد أبدعت
تحياتي

كنت بلندن الاسبوع الماضي
الجو بارد بس ممتع ومطر هتان يجنن
سكنت في ماربل ارش اللي بالاكسفورد راقي جدا جدا وفطورهم جيد
فتحملوا شوي استفساراتي..
1- حصلت على خطوط ال bmi على الدرجة السياحية ...رآيكم فيها ؟
ماعندي خلفيه عنها
2- السكن ايهم افضل في فندق او شقة ؟ مع أنه أهم شي عندي يكون مع الفطور...ووش أفضل منطقة للسكن ؟
انا افضل الفنادق والاكسفور افضل منطقة
3-يمديني أروح لمانشستر .. او لا؟ واذا امداني أروح وش افضل وقت لها ؟
ماادري انا اسبوع بلندن ويادوب
4- أبي جدولي يكون full مليان ما أبي أقعد فاضي وش تقترحون؟
اصلا ماراح يكون عندك وقت انصحك بالويك اند تروح البيكاديلي
5- الجو في شهر مارس حلو؟ يعني انبسط إذا رحت وإلا أتكسف؟
انا بيناير والجو حلو اكيد بمارس احلا واحلا
ومشكورين مقدما ...
العفو اي خدمة لاتتردد

مشكورين كلكم
واحد واحد
وماقصرتوا الله يجزاكم خير
جدا استفدت من ردودكم
وانا والله صارت لي ظروف لا انا اللي سافرت ولا انا اللي قدرت ادخل المنتدى
وان شاء الله الى الآن فكرت روحة لندن ببالي ورجعت لكم من جديد
وشاوركم بالوقت وش الافضل قبل الاوليمبياد والا بعد الاولمبياد يعني بعد عيد الفطر بشهر عشرة هجري؟
وهل يكفيني خمس الى ست ايام
وابي متوسط الصرف اليومي لشخصين تقريبا