1. اما التنقلات الداخلية:


2. بين فيينا و زلامسي و سالبروج و زيورخ


3. الافضل القطار

مساء النور أخوي العزيز
من المطار للفندق :
تقدر تاخذ تاكسي و السعر حسب مكان فندقك من المطار و شطارة السائق في الوصول للفندق بدون لا يضيع
او تطلب من مكتبك اللي حاجز منه انك تريد شوفير ينتظرك باسمك بالمطار و ياخذ شنطك و يوصلك للفندق

اما التنقلات الداخلية:

داخل فيينا نفسها اذا تريد تروح للساحة او قصر الشابرون او الالعاب فالافضل الاندرجراوند ( تاخذ تذكرة لطول فترة زيارتك لانه في بطاقات ل3 ايام و 7 ايام ........ بس لازم تكون لك خلفية باستخدام الاندر جراوند و الوان الخطوط و تطبع خريطة كانت موجودة بالمنتدى المحطة اللي تنزل منها لكل معلم بفيينا )

بين فيينا و زلامسي و سالبروج و زيورخ

الافضل القطار

ولازم تاخذ اليوريل باس لبلدتين لطول فترة زيارتك يعني هي عبارة عن بطاقة تشمل استخدام القطارات بين الدولتين النمسا و سويسرا و تشتريها من مكتب السفريات ببلدك و متوافرة باغلب المكاتب و اسعارها تختلف حسب العدد و اذا تريد تركب بالقطار مقاعد الدرجة الأولى او الثانية
و من واقع تجربتي :
قررت اشتري البطاقة من محطة قطارات النمسا و قالولي البطاقة بتطلع علي ارخص اذا خذتها من بلدي و يدوب الانجليزي يمشي عندهم ههه
النقطة الثانية قررت اشتري مقاعد الدرجة الثانية و اوفر ههه بس معظم القطارات لما توصل المحطة الدرجة الولى اول القطار تصعد و انت مرتاح
ام الدرجة الثانية حالتي ههه ركض بالشنط لأخر القطار خاصة اذا كان طويل
فحدد لوكالة السفريات :
الدولتين النمسا+سويسرا
عدد الاشخاص
الدرجة الأولى
تاريخ صلاحية البطاقة تأكد انها من تاريخ وصولك هناك و اخر يوم خروجك وليس من تاريخ شرائك ببلدك !
و احتفظ بالبطاقة في مكان امين و معاك بكل رحلة البطاقة مع الجواز لانهم يشيكون تطابق الاسماء و يكتبون انك سافرت على القطار بالورقة هاذي
و البطاقة ممكن تستخدمها للحصول على تخفيض لرحلات قمات الجبال و تستخدم سفينة البحيرة بسويسرا ببلاش
و مسألة ترتيب رحلاتك بالقطار من موقعهم لازم تشيك وقت القطار
تحرك القطار
عدد مرات التبديل platforms من قطار لقطار
الوصول
و الافضل دائما اخذ اول قطار الصبح الساعة 5 او 6
و هذا كله تعملك جدول و ترتبه بالتاريخ و الساعة و الدقيقة من موقعهم و تطبعه و تحتفظ فيه بملفك تاخذه وياك
تكتب بالموقع
من :
إلى:
التاريخ:
الوقت:
و يعطيك كل الرحلات بنفس اليوم و يختلف عدد مرات تبدل القطار و المدة و هل التبديل من قطار لقطار او قطار باص فانتبه
http://www.oebb.at/en/index.jsp
=======================
و بالنسبة للأكل دور بالمواضيع تلاقي لاني ما حفظت اسم اي مطعم للأسم
و اذا تعبت بمسألة راسلني عالخاص بتواريخ سفرك - تنقلاتك من مكان لمكان- و انا برتب لك اوقات القطار بطريقة سهلة اطبعها و بس
و بالأخير ارجو الدعاء لي ان الله يكتب لي و يسهل علي السفر و تفريج الهم
و لاتررد اسأل اللي تريده

العموري
أخوي الغالي " العموري " ..
تسلم يا غالي ع الشرح المفصل وما قصرت والله ..
بس أنا حاولت ويا المكتب بالنسبة للقطارات و قال لي أنه بإمكاني الحجز من المحطة وراح يكون أسهل و أوضح لي من ناحية تحديد المسارات
راح أنتظر ردود باقي الأعضاء لين ما أدور أنا بعد في المنتدى وراح أرد عليك بعدين