سلام الله عليكم ورحمته وبركاته
جايكم وأنا مطفي النور أبغى أستفسر عدة إستفسارات يا أهل الخبرة,,طبعا لو سمحتم يا حبايب هذي أول مشاركة لي بهذا المنتدى...
أولا:أبغى أستخرج فيزة سياحية إلى المانيا..وش الأوراق المطلوبة في السفارة الالمانية في الرياض؟
ثانيا:بتكون الرحلة على خط سير جدة-الرياض-فرانكفورت يوم 7 سبتمبر2011 والعودة19 سبتمبر.
ثالثا:وهو المشكلة يقال والعهدة على الراوي إني إذا خرجت من المانيا الى النمسا مايمدني أرجع لألمانيا مرة ثانية؟!
هل هذا الكلام صحيح؟؟ لأن مخططي بعد زيارة عدة مدن في المانيا ثم أتجه للنمسا وبعدها على المانيا نفس خط السير:
فرانكفورت -جدة((((إذا فيه أفكار عطوني الله يعطيك مبتغاكم))))علما بأن العودة بتكون يوم 19 سبتمبر2011
رابعا:كيف بيكون الجو في هذا الوقت لأني عندي طفل سنتين
خامسا:إذا عندكم مخطط حلو بين المانيا والنمسا نوروني الله ينور لكم (خصوصا في خط السير الرجعه)يعني اذا فيه رجعه من النمسا على الناقل الخطوط السعودية أوكي يعني ما أحتاج أرجع لألمانيا تجنبا للمشكلة المحتملة في النقطة الثالثة أعلاه....ممكن أحد يسألني يقول ليش الخطوط السعودية ؟؟الجواب لأن عندي أميال فرسان أبغى أستفيد منها.
قسم بالله حسيت إني أكتب رواية.