محمد MA
15-05-2022 - 06:58 am
مساء الخيرات ..
أخوكم الفقير إلى الله في سالزبورغ حالياً وعندي كذا إستفسار وياليت تجاوبوني عليها وأكون لكم من الشاكرين :-
1- بطاقه سالزبورغ سعرها قال لي الاستقبال بالفندق يومين ب 35 يورو وانا سبق قريت 3 أيام ب 25 يورو وش السالفه ؟
2- لما اشتري البطاقه كيف اتنقل وكيف استخدمها وكيف اعرف الباصات لإن هناك كذا نوع من الباصات باص عادي وباص ( مربوط بحبل ) المعذره ع الشرح ياليت يكون طريقه استخدام الباصات بالتفصيل .
3 - الود ودي استأجر سياره من سالزبورغ .. ممكن تخبروني وش افضل شركه او تدلوني على حل سليم ..
اتمنى الاجابه على اخوكم التائه ^_^
انا في سالزبورغ حاليا
والبطاقة صحيح لمدة يومين ب 34 يورو
وثلاث ايام ب 40 يورو ويوم ب 25 يورو والسعر اللي انت قلت عليه فقط من شهر 1 الى 4 اغسطس ومن شهر 11 الى نهاية 12
والباصات اعتقد لها ارقام معينة تقدر تسال الاستقبال يعطونك بروشورات فيه كل شيء
انا جالس يومين والله ماخذتها بروح كعابي لان بعض الاماكن قريبه مني مثل النهر ونزل موزرات وغيره
وبالنسبة لاستئجار سيارة انا سئلت الاخوان هنا واغلبهم اشار علي اني استاجرها من قرية المانية تبعد عن سالزبورغ 7 كيلو ا اسمها فرايسلنج نا حجزتها من هناك من شركة سكست وباخذها يوم الجمعة وعسى الامور تتم علينا بسلام ولا يرفضون ونروح فيها وفيه هناك اكثر من شركة
اتمنى اني افدتك ولو بالقليل واتمنى من الاخوان الخبراء يفيدونك اكثر
تحياتي لك