B a S T e N
21-10-2022 - 07:41 pm
السلام عليكم ..
ناوي اسافر أنا وشخص لميلانو وفينيسا ثم زي لامسي وميونيخ
المده اللي بقضيها حوالي 13 إلى 14 يوم وميزانيتنا 36 ألف ريال سعودي شامله للتذاكر
حبيت أسأل هل أهبط في ميلانو وأقضي 4 أيام ثم فينيسا يومين وزيلامسي 3 ايام وميونيخ 3 أيام
ثم أطير من ميونيخ ..
هذي خطتي وميزانيتي ..
فهل تكفي نستأجر سياره أو ننتقل بالقطارات والباصات ؟!
بنسبه للفيزا والكلام هذا والفنادق والأماكن المقترحه ونوعية الفنادق .. والتنقلات أهم شيء ..
عطوني خططم وتجاربكم ونصائحكم ولكم مني جزيل الشكر مقدماً
قضيت 18 يوم ومعي زوجتي وطفلين وصرفت على التذاكر والفنادق والسيارة والقطارات والفيزا ومصاريف المعيشة والمشتريات والهدايا 39 الف ريال تقريبا وماحرمت نفسي من شي والحمدلله
نصيحتي ميلان 3 ايام منها يوم زيارة كومو ويوم زيارة لوغانو لان ميلان مافيها شي غير الاسواق
يومين فينيسيا وراح تنبسط فيها كثير
زيلامسي اقل شي 4 ايام حسب مخططك ( جلسنا فيها 6 ايام وماشبعنا )
ميونيخ 3 ايام ( يوم بالطريق تمر اي بلدة مثلا قارمش )
في ميلان استخدم المترو واذا فكرت تروح كومو او لوغانو عندك القطار من محطة القطارات
ومن ميلان الى فينيسيا ايضا بالقطار
ممكن تاخذ سيارة من فينيسيا وانت خارج وتسلمها في ميونيخ لكن المشكلة في ضريبة التسليم بدولة اخرى بتكون غالية
انا خرجت من فينيسيا بالباص الى فيلاخ الساحرة ( جنوب النمسا ) ومنها اخذت سيارة وسلمتها بمجرد وصولي فيينا وتفاديت ضريبة التسليم بدولة اخرى
ان شاء الله اكون افدتك وبالتوفيق اخوي