انا ماشي لقطر يوم الاربعاء الجاي
وشيكت على الفنادق
فندق ميلينيوم تقييمة جيد ومحتار ممكن احجزة
خاصة بعد كلام صديقك

سلومي10
حدد السعر المناسب لك؟؟ وما هي الخدمات الضرورية التي ترغب ان تكون في الفندف؟؟

بالنسبة للفنادق ان شاء الله يفيدونك بقية الاعضاء
اما بالنسبة للاماكن السياحية و الترفيهية .. عندك متحف الفن الاسلامي ( من اروع و اجمل المتاحف .. تحفة تستحق الزيارة)
سوق واقف ( سوق تراثي شعبي جميل جدا .. و فيه مطاعم و كافيهات متنوعه يجب زيارته) و يفضل في الفترة المسائية
جزيرة الؤلؤة The Pearl ... روعه .. حلوة للتمشي و الجلوس في احد الكافيهات او المطاعم ( الفترة المسائية ) و التسوق
حديقة اسباير زون .... متحف قطر الوطني ... شاطئ سيلين و منتجع سيلين ... مركز قطر الثقافي الاسلامي "فنار"
فيلاجيو مول .. اللاند مارك ( مول صغير ) .. اي و عندك الحي الثقافي (كتارا ) وايد حلو و يستحق الزيارة .. فيه مسرح روماني
و مسرح داخلي و مطاعم و كافيهات و شكله روعه و قريب من جزيرة الؤلؤة .

هلا اخووي والله بالنسبه للملينيوم حليوو الفندق وموقعه ممتااز شفته من برع وجديد بس ماادري اذا خمس نجوم ولا اربع نجووم اما بخصوص الفنادق الكبيرة والخمس نجووم عندنا الفورسيزن وفندق شرق هوتيل وفندق الدبليو والريتز كارلتون وجراند حياة والشيراتون بالنسبه للفنادق خمس نجوم بس اقل فخامه من اللي ذكرتهم عندك الماريوت ورمادا والانتركونتيننتاال .ومثل ما نصحوك الاخووة من قبل عندنا سوق واقف لازم تزووره وجزيرة اللؤلؤه والحي الثقافي كتارا والمتحف الاسلامي ومول فيلاجيو . وبالتوفييق

بالنسبة لي أهم شيء يكون الفندق سعره ما يتجاوز 500 ريال ويكون فخم وفيه نادي صحي ولياقي وجاكوزي ومساج يعني مناسب للاستجمام خاصة احنا الان بالصيف ويكون أكله طيب وفيه انترنت يعني بس كفاية أعتقد الخدمات المطلوبة غير مستحيلة أو صعبة

أخي الكريم اتمنى لك التوفيق ..
والدوحة أصبحت مدينة سياحية رائعة .. وإضافة لما ذكر عن التسوق لا تنسى زيارة سوق (( سيتي سنتر )) فهو ممتع ،،
ولا تفوتك جزيرة اللؤلؤة في المساء بعد المنطقة الدبلوماسية .. وبالنسبة للفندق هناك (( السيف )) قريب من الموفنبيك إسأل عنه .. وأظنه ب 500 ريال ؛؛

هلا ومرحبا اخوي،،
فندق ملينيوم يقع في منطقة السد، ماشاء الله عليه الفندق حلو ومرتب ونظيف بس مكانه مب على البحر، الفندق اثاثه جديد والمطعم عندهم يقدم بوفيه فطور وغداء وعشاء وماشاء الله حلو وقيمة البوفيه للشخص 90 ريال وهل الفندق اربع نجوم بس يضاهي الخمس نجوم تقريبا بسبب ترتيبه لوبيهم تحت صغير وملموم وحلو، فتوكل على الله، لكن لو الفندق كان سعره بالف ريال الليلة فانا انصحك تشوف لك فندق الشيراتون وهو نفس السعر تقريبا واحلى وموقع استراتيجي ومميز.

الملينيوم سعره تقريبا 650 ريال
ال w سعره تقريبا 850 ريال
الماريوت سعره تقريبا 850 ريال
ال كمبينيسكي سعره تقريبا 900 ريال
الشيراتون سعره تقريبا 1000 ريال
هذا حسب ما قريت في المواقع وأنا أول مره جاي الدوحة وما أعرف وش أفضل واحد فيهم وسعره فيه ويستاهل وخدماته مخفضه والمميزات الموجوده في أحدها وغير موجود في الاخر