يكفى هذا التقرير المفصل من المشرف العزيز بدر بوناصر عن مطاعم ماليزيا
عادى ........... يسمح بادخال الطعام " تيك أوى ) الى غرف الفنادق
تفضل اضغط على الرابط
https://artravelers.com/p/re/210127
بالتوفيق

مشكور أخوي على سرعة التجاوب
و أنا قبل ما اطرح أي إستفسار أبحث عن التقارير بالمنتدى
و بالأخص تقارير الأسطورة ( بدر بوناصر )
بس ما لقيت أجوبه في التقارير عن أسئلتي
شاكر ومقدر لك ردك

اخى الكريم
انت سألت عن مطاعم ماليزيا
وارفقت لك التقرير للاخ بوناصر
والسؤل هل يسمح بادخال الاكل للفنادق ؟
جاوبت عليك ب " نعم " يسمح بادخال الاكل من المطاعم الى غرف الفنادق
اذا فى اى استفسار .........
حاضرين
بالتوقيق

أشكرك من صميم القلب
أو اعتذر لك لم اقراء مشاركتك بتمعن
و الله يجزاك كل خير

العذر مقبول الزعل ممنوع !!!
حسب تحذيرات المسافرون " طبعا العرب " الاعضاء
من مطعم الطربوش بجميع فروعه
و مطعم على كيفك ما يمدحونه
و تأكد من باقى المطاعم بنفسك !!!
بالتوفيق

الطربوش للاسف ماكو مصداقيه وغالي
ماكو مصداقيه اقولكم ليش ( دخلت المطعم انا والاهل وشفت القعده تحت مومناسبتني وودي اهلي ياخذون راحتهم ) فطلبت منهم اصعد فوق : قالولي فوق مسكر ف قررت اقعد تحت شسوي ، وبعدها بخمس دقايق والا تدش عائله خليجيه ونفس الكلام قالولهم بعدين شفتهم صعدوا فوق وجت عائله بعدها وهم صعدوا فوق؟ شسالفه هذا اللي توه مسكر؟
وغالي : توقعت الغلى بس موبهالطريقه : طلبت صحن شيش طاووق + صحن عرايس + 2 عصير برتقال + فتوش
شدعوه الحساب 105 رنجت؟
لذلك قررت تكون اول واخر مره اجي المطعم فيها
مطعم خيمة الصحراء احلى منه وفيه اماكن مخصصه للعائلات ( ستاره نفس الكبينه اهلي اخذو راحتهم بالاكل ) واسعاره مورخيصه لكن معقوله

وين فيه خيمة الصحراء يالاالغالي

راعي الفزعات
شوف يالامير تخلي ماكدونالدز على يسارك وفندق بيكولو على يمينك وتكمل سيدا ( مشي موبعيد ) راح تلقاه على يسارك
في قعدات بره بس ماتصلح لنا لان فيها شيشه لكن فيه داخل اماكن للعائلات وكذلك الشباب لكن من غير شيشه

لاهنت يا الغالي وبيض الله وجهك