أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم شووف يااخي الكريم انا بصراحه سمعت انها ممتزه قبل لا اسافر ماليزيا اول مره لاكن يوم سافرت عليها من الكويت الى قطر ثم كوالا بصراحه سيئه ومافيها اي نوع من الرفاهيه وانا من ناحيتي والعائله مارتحنا فيها بالمره وانصحك بوجة نظري انك تغيرها
القطرية كالسعودية والسعودية كالكويتية..........لكني اسمع عن تميز الخطوط الاماراتية.....اما تلك الخطوط التي ذكرتها فهي متشابهه..وانا سافرت على القطرية الى ماليزيا قبل شهر..وكانت خدمتها راقية...لكن للأسف الخطوط الخليجية تهتم بالخطوط الاوروبية اكثر...
أخوي القطرية ممتازه في الخدمه و مواعيد الاقلاع والوصول ,لاكن بعد أنت و حظك في الصيف القطرية كل ماليانه و عليها ضغط شديد فبتالي العملية تصير شوي صعبه في الا نضباط المقنع ...يعني على سبيل المثال اذا بغيت تروح ماليزيا و الطياره مثلا عقب ماليزيا بتروح أندونيسا الله ايعينك على قرف الخدم في الطياره والله ماغير تختنق من روايحهم و أزعاجهم فابتالي تلقى حتى المضيفات مرهقين و الخدمه تلقاها مضطربة ......يعني تقدر اتقول هو طيران ممتاز لاكن على حسب ظروف الرحله.
سافرت على القطرية إلى مالزيا مرتين
وكانت خطوط محترمة ، تحترم ركابها ، وتعاملهم بكل أدب وذوق، ولم أر منها ما يسوؤني أو يزعجني من خدماتها مطلقاً ، خذها وسوف ترتاح عليها إن شاء الله
الخطوط القطرية ممتازة وتعجبني فيها الدقة في المواعيد والخدمة ممتازة
والزحمة عليها وايد ومانلقى حجز بسهولة
مما اضطررنا في رحلتنا الاخيرة الى تغيير الحجز على الاماراتية وكنت افكر من كثر المدح اللي سمعته عنها اني بركب شي خيال
يوم شفتها كانت عادية جدا حتى الوجبات على القطرية اطعم والذ وفوق هذا تاخرت الطيارة ساعة كاملة واحنا في المطار يقولون انهم ينتظرون ركاب من تونس
المفروض تطير 6.55 لكنها طارت 7.55
يعني مأخرين العالم كله عشان ركاب تونس واحنا دايخين وتعبانين
آخر شي قام واحد من ركاب الطائرة وراح للكابتن وهاوشه وقال ايش هالسبب البايخ ترى لكم 5 دقايق اذا ماطارت الطيارة بننزل كلنا وبرفع دعوى عليكم
ما اخذنا 5 دقايق الا طارت الطيارة ولا ركبوا معنا ناس لا من تونس ولا من غيرها
بس كله كذب على الركاب
ومنها قلنا القطرية وبس
صح المطار صغير بس اهم شي تكون مهيئ نفسك لهذا الشي والله يسهلها عليك
اما عن اللي يقولون مافيها ترفيه ترى كله يكون على حسب الطيارة والرحلة
مثلا لما رحنا عليها الى باريس وتركيا كان اكثر من فلم واستمتعنا
واعتقد كله يكون على حسب الطيارة المعدة للرحلة يعني مانقدر نحكم على الخطوط باكملها انها سيئة بمجرد رحلة على طائرة واحدة من طائراتها
اتمنى لكم سفرة موفقة
