اولاً : الطقس الآن معتدل وسيظل كذلك لفتره من الزمن ثم يبدأ في البروده شيئاً فشيئاً , حتى بدايه الفتره الصيفيه في السعوديه حيث يكون الجو هناك ذروه البرد
ثانياً : لا , وألف لا , الماركات الموجوده في نيوزيلندا سيئه , واسعارها غاليه , فالأفضل والأوفر لك الشراء من هنا
ثالثاً : إن شاء الله العضوات الكريمات معنا في هذه البوابه يفيدونك
رابعاً : بإذن الله سيفيدك هذا الرابط كثيراً
https://artravelers.com/p/re/226871
خامساً : بمجرد نزولك في المطار بوسعك شراء وصله مناسبه من اي مكان وبسعر معقول , سواءً اشتريتي من المطار او من المحال والمراكز التجاريه فالسعر موحد

يعطيك ألف ألف عافية يا إنتظار ..
تسلم وما تقصر نردها بالأفراح ...
وأكيد بس أوصل بتزيد الأسأله ههه أستحملوني عاد

أولاً : بغيت أسأل عن أحوال الطقس من نص شهر 3 ليه نص شهر 6؟
الاجواء الان في الجزيرة الشمالية روعة ولكن يوماً بعد يوم تقل درجة الحرارة وبالتأكيد سوف تلحقين بدأية الشتاء خصوصا ان الجزيرة الجنوبية ابرد من الشمالية
ثانياً : هل في اسواق ممكن اشتري منها ملابس وتكون بأسعار مناسبه ؟
الاسعار غالية مقارنة بالبلاد العربية ولكن هناك بعض المحلات تعمل خصومات جيدة
ثالثاً : ياترى في بنات في كريس شيرج حاليا .. ؟؟؟ علشان عندي بعض الاستفسارات البنوتية !!!
لا اعلم
رابعأً : شنو الشي المهم وضروري إلي لازم اشيله معاي؟
القرآن - الاطلس ( الدكشنري ) - تمر اذا رغبت به . الامور الاخرى متوفرة في نيوزلندا
خامساً : وبنسبه للكهرباء على واير اللابتوب ولا فيشت الكهرباء نفسنا عادي بو ثلاث؟؟؟ وشاحن التلفون ؟؟؟
انا شريت فيش يشغل جميع الافياش ب 10 دولار تقريبا 26 ريال
بالتوفيق لك

مو عارفه شنو اقول والله مستحية ..
تسلم أخوي السفير الطائز وجزاكم الله الف خير على التجاوب وطمنتوني يعني اجي وانا مغمضه عنوني
شكرا

اختي الفاضلة انتي ممكن تحددي ايش بضبط جيتك ... دراسه بالجامعة
او لغة لكي نعطيك نصائح اكثر....
ثانيا اختي الكهرباء مثل ماذكروا الاخوه من هنا تاخذين الافياش لان غير السعودي الافياش مختلفه تماما
وان شاء الله حنا بالخدمه

ماقدر اضيف شي على كلام الاخوان
ولاكن اعيد واكرر لاتنسين القران تجيبينه معك - دكشنري - هدايا بسيطه للعائله اذا كنتي بتسكني مع هوم ستاي لانك بتندمين بعدين لو ماجبتي شي معك .. - كاميرة تصوير لتوثيق ذكرياتك - ملابس كفايه شتويه لانه الملابس هنا والماركات مخيسه بعض الشي ..
الاجواء روعه الايام هذي جدا ً جداً جدا ً لاكن الصباح شوي برد انا اتكلم عن الجزيره الشماليه
اتمنى لك رحلة سعيده وحاولي قدر المستطاع الاستمتاع بنيوزلندا .. جنة الله بالارض ..
بالتوفيق اختي

"عبدالعزيز"
لا أنا جاية لغة بإذن الله ..
وأكيد من بلد إلى بلد تختلف بس أنا كنت حابه على المحول لأن أحنا عندنا بو ثلاث والشاحن مال التلفون بعد بو ثلاث ..
وتسلم أخوي عبدالعزيز وما تقصر .. الله لا يحرمنا من طلتكم الحلوة..

GENIUS1
الحمدلله والله يثبتنا على دينه.. هذا شي أكيد أن القرآن الكريم معاي ..
والله قايله ابي اجيب لهم هديا بإذن الله .. وكاميرا جاهزة بس ما اتمنى انسى شي
أنا ما قدرت اشيل وايد لأن كلها ثلاث شهور وانا مو رايحة أكشخ فعلشان جذي مو شايله معاي وايد ... وتسلم أخوي GENIUS على النصيحة بالأستمتاع .. وجد الله لا يحرمني من هالمنتدى بإذن الله وبكون معاكم أول بأول حتى لما أوصل لو صاري شي الله لا يقول أنتو اول ناس ألجأ لكم
تحياتي

ما عليكم أمر ..
بغيت أستفسر عن المصاريف شلون اخذها كلها ولا أخلي اهلي يطرشولي على حسابي وشنو افضل شي ممكن اسويه بالنسبه لبطاقة السحب واكم اجيب معاي كاش بالكثير