1. السلام عليكم ورحمة الله وبركاته


2. 6-جميع المراسلات بينى وبين الجهه المنظمة للمعرض بما فيها دعوات الدخول

السلام عليكم ورحمة الله وبركاته

حياكم الله على المنتدى والمعلومات الجميلة يا إخوان أنا اخوكم مدير تسويق بأحدى شركات السياحة بمصر (القاهرة)
أنا قدمت على تأشيرة زيارة 6 شهور (General Visit Up to 6 months الى هى أول إختيار لما تيجى تملى الأبليكيشن) للأنى عندى معرض فى لندن لمدة 4 ايام المهم أنى كتبت انى هدخل يوم 7 واخرج يوم 14 باختصار وقدمت كل الورق الممكن وهو :-
1-جواب من جهه عملى انى مسافر لحضور المعرض وأنهم مغطيين كل تكاليف السفر
2-جواب من جهه عملى يبين من أمتى وانا شغال معاهم (المده تقريبا سنتين) وكمان فيه مرتبى الشهرى الصافى بعد الضرائب
3-أيصالات المرتب (Pay slips)
4-كشف حساب بنكى بأن المرتب المحول لى هو نفسه المذكور فى إيصالات المرتب وخطاب جهه العمل
5-قسيمة جوازى ( مع الأخذ فى الإعتبار أن زوجتى مش مسافرة معايا)

6-جميع المراسلات بينى وبين الجهه المنظمة للمعرض بما فيها دعوات الدخول

فى 2 زملاء قدموا معايا وخليتهم يقدموا نفس الورق وتقريبا نفس المعلومات فى الأبليكيشن والحمد لله الإثنين خدواها 6شهور ومالتى وأنا خدت رفض
والسبب فى الرفض أن كان فيه سؤال فى الإبليكيشن بتاعتى بيسألك هل تنوى الدراسه فى المملكة المتحدة كانت إجابتى عليه ب YES رغم انى مش فاكره تماما طيب هروح أدرس ازاى وانا اصلا مقدم انى مش هقعد أكثر من اسبوع بصراحة مش عارف السؤال ده انا مخترتش yes اصلا ... ما علينا طبعا ظابط التاشيرات المحترم رد فى اسباب رفضى ان انا اختارت yes وبكده هو مش مقتنع انى مش هاخد كورس هناك ورايح للمعرض بس وانا بكده ابقى مش مطابق لشروط التأشيرة الى انا مقدم عليه الى هى ال General Visit Up to 6 months بصراحة عنده حق للأن من شروط النوع ده انك متكونش رايح تدرس...
دى الحكاية كلها دلوقتى لى سؤالين لو سمحتم :-
1- الأخوة الى خدوا رفض قبل كده هل كان الرفض مطبوع أو مختوم على الجواز ولا فى ورقه برة.
وهل تظنوا ان ورقى بكل ده ناقص؟
2- أنا قدمت طلب إعادة نظر فى ورقى مع الإعتبار ان إختيارى ل YES فى السؤال ده كان خطأ غير مقصود , هل فى رائيكم طلب إعادة النظر ده هيجيب نتيجة؟؟ ولا ملوش لازمة وأقدم أبليكيشن تانى وأتلافى الغلط ده؟
فى أنتظار ردكم واسف انى أقول الوقت ضيق للأن المعرض بعد اسبوع فلو هقدم تانى عشان الحق..