عااشق السفر
اخي الغالي عاشق صدقني لو اخترت الاماكن انت من خلال تصفحك ووضعتها هنا سوف تستفيد كثيرونقوم بتعديل عليها

عااشق السفر مثل ما قال مشرفنا رجنت هناك العديد والعديد من الاماكن التي تستحق الزيارة في مانيلا
وفيه قاعدة شرعية مهمة تقول " كل واحد وجوه "
فيمكن فيه اماكن تصلح لي
واماكن اخرى ما تصلح لك
مثلاً عندك
المولات بمطاعمها وصالات السينما كثيرة عد واغلط
المتنزهات العامة مثل رزال بارك ومانيلا باي
الاماكن الترفيهية مثل اوشن بارك وحديقة حيوانات مانيلا
الملاهي ستار سيتي وانشانتد كنقدوم
والكثير الكثير تلقاه في التقريرين:
https://artravelers.com/p/re/133409

رجنت
الي خلاني اطرح سؤالي هو يالغلا اني احترت وما ادري
عموماً وش رايكم لو أضفنا تقي تاي والشلالات باسنغهان في الجدول
اليوم الأول :
اليوم الثاني : تقي تاي
اليوم الثالث : شلالات بسنقهان
اليوم الرابع :
وش رايكم وياليت لو تضبطون لي اليوم الأول واليوم الرابع وهل فيه إمكانية أضيف على اليوم الثاني والثالث شئ من الأماكن السياحية .. لأني ما أدري كم مدة قضاء الوقت في تلك الأماكن
أحتاج مشورتكم والله لا يهينك أخوي رجنت وأنت أبوها وسمها

zabinx
وأنت بعد يالزاحف ههه نحتاج مشورتك وخبرتك
أختر لي الأماكن التي تراها تستحق الزيارة وعلى ذوقك
المشكلة أن المدة عندي قصيرة ولا أدل شئ بالبلد مرة يعني المرة هذي بنجرب على ذوقك والمرات القادمة إن شاء الله عاد سوف نختار الي يستحق والي مايستحق
اليوم الأول :
اليوم الثاني : تقي تاي
اليوم الثالث : شلالات بسنقهان
اليوم الرابع :
رأيك ياعسل
ودمت بكل خير

اليوم الاول : ممكن تطلع الى اوشن بارك مع مول اف اسيا لانه يحتاج
اليوم الرابع: ممكن تقضيها في المولات في مكاتي او ربونسون او ماركت ماركت او ميغا مول او الجرين بلت

الله يعطيك ربي العافية حبيبي رجنت
طيب وش رايك في اليوم الثاني والثالث هل فيه أماكن أخرى ازورها غيرها
بالنسبة لتقاي تقي مدري وش اسمها بالضبط بس اروح للجبل بالخيل واقعد بالجبل وأرجع بس كذا ولا فيها نشاطات اخرى
بالنسبة لشلالات باسنغهان اروح للشلال بالقارب واخذ لفه وأرجع ولا فيه نشاطات اخرى بعد ازورها في المنطقة
وجزيت كل خير

كلها اماكن قريبه من مانيلا وجدولك جيد ويمكن احد الاخوان يضيف لك شي اخر بس الى الان جيد

بيض الله وجهك اخوي رجنت
طيب سؤال آخر وهو بالنسبة للدراهم
1 هل أحول من الريال إلى الدولار
2 كيفية تنسيق الفلوس وترتيبها هناك
3 ماهي أفضل الأماكن للصرف في مانيلا ياليت لو تعطوني العنوان بالضبط وكم تنصحوني أحول
4 بالنسبة لبروكاي هل أصرف من هناك او اخذ أحتياطي من مانيلا
ولكم جزيل الشكر

هاه رسيت على برنامج , تصدق الشلالات وتقاي تاي ما قد جيتها لاني دايم ما اصحى من النوم الا العصر واول ما اقوم اشوف جوي بعدها اقرر خ
عااشق السفر بالنسبة للدارهم قسمها يعني خل مثلاً نصها دولارات والنص الثاني في بطاقة الصراف,
بالنسبة للصرافات لا تشيل هم كثيرة الصرافات والبطاقات السعودية ما فيها اي مشكلة اهم شي بطاقتك يكون عليها نفس الشعارات الي على الصرافة زي الي في الصورة

لكن كل صرفة ياخذون عمولة حول 200 بيسو واكثر الصرافات تصرف لحد 10000 بيسو في الصرفة الوحدة وصرافات HSBC تصرف لحد 20000 بيسو في الصرفة الوحدة.
بالنسبة لصرف الدولار هناك محلات كثيرة لكن الاضمن ويسترن يونيون كنت اصرف من واحد قريب من السفارة السعودية, ومكان ثاني كنت اصرف منه في مالاتي ماني متأكد من مكانه بالضبط بس انه قريب من مركز الشاورما العربي
ننتظر ابوطلال يعطيك الوصف افضل مني.
في بوراكاي فيه صرافتين في الدي مول انا كنت استخدمها وكلها مافيها مشكلة مع البطاقات السعودية بس الحد الاعلى 10000 بيسو
وبالنسبة لصرف الدولار في بوراكاي في محلات صرافة في الدي مول بعد لكن اسعارهم نازلة شوي.