*روحي تحبك*
سؤالي موجه للأخ زمان ولايهونون باقي الأعضاء
حنا إن شاء الله راح نكون ب28 أكتوبر في برشلونه وهاليومين طرا لنا طاري جديد وهو إننا نروح (شلالات نويبالوس)
بالأول فكرنا بالقطار من برشلونه لسرقسطه بس طلع غالي خاصه إننا 6 أشخاص بعدين قلنا نستأجر سياره أرخص ودخلت للرابط ألي
حطيته لواحد من الأخوان ولقيت سياره عائليه يومين ب200دولار والإستلام من المطار لقيت ضمن الخيارات أماكن كثيره بس
قلت أستشيرك بالمكان ألي نستلم منه السياره إذا جزمنا إن شاء الله وأبي رأيك بالمخطط الجديد وهل نقدر نسكن بفندق في سرقسطه ونروح للشلالا ت لأن الفندق ألي عند الشلالات غالي شوي وهل أقدر أحجز بفيزا التسوق من الراجحي ومن وين نطلع الرخصه
الدوليه
معليش كثرت الأسئله بس أبي رايك بما إننا أول مره نسافر أوروبا والله يعطيك العافيه
بالنسبة لاستلام السيارة فالأفضل من وسط البلد إلا إذا تحتاجونها معاكم في برشلونة فالأفضل من المطار
إذا الهدف زيارة الشلالات فالأفضل السكن في كالا تايود Calatayud لأنها الأقرب أو اختيار أي قرية أخرى تكون قريبة والسكن فيها
الرخصة الدولية يمكن استخراجها من مكاتب السفر والسياحة الكبيرة
يمكن الحجز باستخدام فيزا التسوق لكن استلام السيارة غير ممكن إلا بفيزا كلاسيكية ( فيزا التسوق غير مقبولة )

الله يعطيك العافيه طيب إذا بغينا نروح بالقطار راح يكون من برشلونه إلى وين بالضبط هل إلى سرقسطه وبعدين ناخذ
باص إلى الشلالات أو إلى قريه أو مدينه ثانيه وهل تنصح بالقطار أو السياره ؟؟!!
وياليت تعطين رابط القطار ألي المفروض نحجز منه وشكرآ ماقصرت

*روحي تحبك*
باص إلى الشلالات أو إلى قريه أو مدينه ثانيه وهل تنصح بالقطار أو السياره ؟؟!!
وياليت تعطين رابط القطار ألي المفروض نحجز منه وشكرآ ماقصرت
القطار من برشلونة إلى Calatayud وبعدها باص إلى الشلالات
أكيد الفندق بيكون عنده تنظيم رحلات للشلالات
وأنا أنصح بالسيارة ولو كنتم بتروحون مدريد فالأفضل تواصلون بالسيارة وتسلموها في مدريد
ورابط القطارات هو
http://www.renfe.com/

مشكور ماقصرت حنا بالأول كنا ناوين نقعد في برشلونه بس بما إن الأيام كثيره شوي 9 أيام قلنا نغير شوي ففكرنا بالسياره
والشلالات ونبي مكان ثاني يكون قريب من برشلونه لأننا مو ناوين نروح لمدريد وش رايك بسرقسطه أو إذا كان
عندك إقتراح أو برنامج نكون شاكرين لك والله يعطيك ألف عاافيه

السلام عليكم .
الله يستر دخلتوني في سالفة الشلالات ههه
عن اذنك اخوي صاحب الموضوع .
اخوي زمان كم المسافه بين برشلونه الى الشلالات بالقطار او بالسياره .
واقدر اروح لها من برشلونه ورجع في نفس اليوم يعني اروح الصبح ورجع في المساء .
شاكر لكم ..

مداخلة سريعة بالنسبة للمسافة بينهم 422 كيلو مااتوقع تقدرون 4 ساعات رايح واربع ساعات جاي خليك في المدينة اللي اشار اليها اخونا ابو خالد
والمعذرة ابو خالد تدخلت ههه

الله يعطيكم العافيه جميعآ طيب وش رأيكم بسان سبيستيان هل هي قريبه من برشلونه يعني نقدر نروح
للشلالات ونسكن في قرية كالاتايود بعدين نروح سان سبيستيان يومين بعدين نرجع برشلونه طبعآ بنستاجر سياره أو يكفي يومين
يوم بالشلالات ويوم بأي قريه قريبه مثل سرقسطه ثم نرجع برشلونه ياليت تعطونن رايكم بسرعه والله داخ راسي
لأن الوقت قصير ومانبي شي بعيد عن برشلونه وبنفس الوقت مانبي نقعد كل الأيام في برشلونه والمشكله إن الذهاب والعوده من برشلونه يعني مانقدر نغير

*روحي تحبك*
للشلالات ونسكن في قرية كالاتايود بعدين نروح سان سبيستيان يومين بعدين نرجع برشلونه طبعآ بنستاجر سياره أو يكفي يومين
يوم بالشلالات ويوم بأي قريه قريبه مثل سرقسطه ثم نرجع برشلونه ياليت تعطونن رايكم بسرعه والله داخ راسي
لأن الوقت قصير ومانبي شي بعيد عن برشلونه وبنفس الوقت مانبي نقعد كل الأيام في برشلونه والمشكله إن الذهاب والعوده من برشلونه يعني مانقدر نغير
إذا بتروح سان سباستيان من الشلالات فالمسافة حوالي 320 كلم وهذا ممكن
وممكن بعد سان سباستيان ترجعون عن طريق تولوز الفرنسية
والسيارة بتكون ممتعة جدا
معليش
أقول لك شي
متى تاريخ وصولك وتاريخ عودتك بالضبط

راح نكون في برشلونه يوم الجمعه 28 أكتوبر والمغادره 6 نوفمبر والله يعطيك العافيه