هلا اخوي اسامه
بالنسبه لزحمة بانكوك ما اعتقد يصلح تأجر سياره شيل الفكره من راسك نهائيا للاسباب التاليه:
1- نظام السير عكس عندنا سكان يمين يعني بتسويلهم ازمه هناك لين تتاقلم معاه
2- الزحمه غير شكل
3-لازم تكون عندك درايه بالطرق
4- لا سمح الله سويت حادث شرطي المرور بيطبق مبدأ انا وابن عمي عالغريب حتى لو كان هو المتسبب
5-انت رايح شهر عسل ومش ناقص اي مشكله تنكد عليك
6- في سيارات جديده مكيفه للايجار مع السائق تبي بالساعه بالمشوار باليوم وانت مرتاح
7- الافضل من السياره في باصات صغيره مجهزه للرحلات عليها تظليل مكيفه (بس تاكد انت يبرد) مع دي في دي كراسي مريحه عالاخر تاجره يوم كامل من 1000 الى 1500
انا مره داعم عربانة الباعه المتجولين بدراجتي مع ان العربانه اصابتها خفيفه دفعوني حق العربانه مع البضاعه غير البهذله مع الشرطه ...
بالنسبه المكاتب الساحيه على افا من يشيل مكتب لكل سائح من كثرها في الغالب مضمونه بس الافضل تاخذ من المكاتب السياحيه اللي بالفندق نفسه اغلب الفنادق فيها مكاتب محترمه وموثوقه
السائق يصلح مرشد ومترجم اغلب السائقين يتكلموا انجليزي واكد على هذا قبل الحجز بس حاول تتكلم بانجليزيه بسيطه مبسطه عشان يفهم عليك ترى اللغه عندهم لك عليها شوي
بتايا اغسل يدك منها ولا تحاول تروح خاصه مع العائله
حاول تروح شانق ماي حلوه ونظيفه وفيها مناظر طبيعيه على كيفك خاصه للي يبي الهدوء
تحياتي

اخوي اولا اشكرك على تعقيبك, الباصات الصغيره من اين استطيع ايجارها؟

هلا اخوي هذا النوع من الباصات موجود في كل المكاتب السياحية في الفنادق او خارج الفنادق بس اشرط عليهم الاتي ان يكون الباص جديد المكيف يبرد عدل الزجاج مخفي او عليه ستاير بعض الباصات يكون فيها ستاير تفصل السائق عن الركاب وهو الافضل للعائلات .

شكرا جزيلا على تفضلك ومساعدتك

أنصحك التاكسي أفضل وسيلة مواصلات بالنسبه لك كسائح