alwanees
29-11-2022 - 10:23 am
السلام عليكم ورحمة الله وبركاته
ابغي اخذ رايكم في الباصات السياحية في لندن
قرأت أن الشركات المعروفة هم The Original Tour و Big Bus
لكن اي وحدة الأفضل من حيث كثرت الباصات وكثرت المحطات والإنتظام بالمواعيد
لاني شفت في بعض المواقع أن بعض الباصات تتأخر ويتم إنتظارها لأكثر من نص ساعة.
علما بأني أفضل Original لان موقعهم يعرض الدمج بين التذاكر
لاني باقي لي اشتري تذاكر الباص و صدق او لا تصدق
فحبيت ادمج التذاكر حتى أحصل خصم أكبر
الشي الثاني .. لو كانت لكم نصائح مع الباصات السياحية من تجاربكم
ياليت تفيدوني ... و لو تذكرون تجاربكم
الشي الثالث .. كم مدة الجولة كاملة إذا ما نزلت من الباص
وإذا حجزت من الأنترنت ، كيف أختار الخط ( أحمر - أزرق - أصفر )
والا أقدر أستخدم جميع الخطوط في هذا اليوم ؟
اذا اشتريت تذكرة البيج باص ممكن تشتري في نفس الوقت تذاكر اخرى مثل مدام توسو ولندن دونجن ولندن أي ، والتذاكر موجودة مع موظفين في كل موقف للباص .
انت تشتري التذكرة وتقدر تنتقل من الخط الأحمر للأزرق للأصفر بكل حرية مع تغيير الباصات والتذاكر ما فيها فرق .
اذا اشتريت تذكرة البيج باص ستحصل على تذكرة مجانية لرحلة في النهر تبدأ من عند بيج بن الى تاور بريدج أو تكمل الى قرية جرينيتش . وهناك أيضا بعض الجولات على الأقدام مع مرشد سياحي وكلها شاملة التذكرة ,
انصحك بشراء تذكرة لمدة يومين لأن من الصعب تزور كل الأماكن في يوم واحد .