وينكم يالعرب المسافرون انا في انتظاركم

1. هلا والله عسل الكويت


2. انصحج في الجدول الآتي


3. من اسطنبول الى بورصه تروحين ميناء اسمه( ياني كابي) تقريبا ها الاسم

هلا والله عسل الكويت

شوفي بشهر 12 سنه 2008 كنا في تركيا باسطنبول وقضينا في تركيا تقريبا 5 ايام وكان الثلج يتساقط في مدينه اسمها بورصه كانت تبعد عن اسطنبول تقريبا ثلاث ساعات اما اسطنبول كانت بارده ..وفيها سحاب يوميا لو طلعت الشمس بعد بارده تقدرين تروحين للبورصه بلسفينه والسفينه نوعين نوع سريع ونوع بطيئ احسن لكم تروحين بلسريع وكانت تذكره السفينه رخيص

انصحج في الجدول الآتي

تروحين للاسطنبول وتقضين يومين وتسكنين في سلطان احمد.. لان اسطنبول فيها قسمين وبينهم بحر قسم سلطان احمد(القسم الاوروبي على قولتهم) وقسم تكسيم ها الي اعرفه بس سلطان احمد عجبتني وتقدرين تروحين للتكسيم بلقطار تقريبا بليره رخيص لول
بس تسكنين في سلطان احمد ولو تبين مساعده روحي للفندق اسمه اتلانتا او اتلانتس شي جي هناك واحد اسمه محمد من بنجلادش يعرف عربي ويقدر ينضم لكم رحله الى بورصه بس احسن لكم تروحون له اعرفو كيف ترحون للبورصه هيه سهله بس لو انتم ناوين تروحون ومب عارفين هو بيعلمكم الطريقه ومافي اسهل منها نحن رحنا ومانعرف اي شي وكانت الرحله سهله جدا جدا وبورصه حلوه وايد وخاصتن المدينه اسمها تلفريك كلها ثلج تعيشين في جو ثاني لوول واقضي الايام كلها في تلفريك وبورصه تلفريك هيه بورصه بس تلفريك مدينه فوق الجبل تروحين لها بتفلريك وفي طريقه ثانيه بتكسي ها اخر شي اكتشفنا لوول

من اسطنبول الى بورصه تروحين ميناء اسمه( ياني كابي) تقريبا ها الاسم

السفينه تودي من اسطنبول الى يلوا ومن يلوا على طول تروحين للبورصه ... او على ماعتقد شي من اسطنبول الى بورصه دايركت بس روحي اسالي مب مشكله الناس هناك متفاهمين وطيبين خذي لفه على المنتدى والمواضيع واكتبي في قوقل صدقيني بتحسين عمرج انج عايشه في تركيا وتعرفين كل شي مثل ماسويت انا لوول ها وصله اكيد انها بتنفعج ودوري وبتحصلين وصلات وايد تنفعج للرحله
https://artravelers.com

تحية طيبة
حياك الله اخي المنصوري وما قصرت بس لو سمحت اوضح نقطة انه سلطان احمد وتقسيم هما في الجانب الاوربي يفصل بينها خليج صغير يسمى القرن الذهبي يسموه الاتراك (هليج)
وبالنسبة الميناء ياني كابي (الباب الجديد ) هوة ميناء البواخر السريعة ويمكن الوصول اليه من منطقة اقصراي فلا يبعد سوى 300 متر تقريبا ومن الميناء تتوفر في بعض الاحيان رحلات مباشرة لبورصة واذا لم تجد فيلوا هية الحل

شكرا عراقي على التتدخل والمساعده.. يعني من ميناء ياني كابي تروحين للبورصه على طول واذا ماشي تروحين من اسطنبول للمدينه يلوا بلباخره وعقب من يلوا الى بورصه .. ولو عندكم اغراض كثيره احسن لكم قبل ماترحون بورصه تحجزون في اسطنبول بلفندق وتخلون الاغراض كلها فيه وتاخذون الي تحتاجونه وتخلون الي ماتحتاجونه لانكم بترجعون اخر يوم للاسطنبول ...
نحن قبل مانروح بورصه كنا بنحجز في اتلانتا بس كان يومين اضافين بس كانت عنده خدمه الآمانات في الطابق السفلي وخلينا الاغراض عنده ورحنا وعقب رجعنا وخذنا الاغراض.

مشكور جدا اخي المنصوري و أخ عراقي علي المعلومات الرائعة وجزاكم الله خيرا ، وان شاء الله نسافر باذن الله ونستفيد منها .